‘नाईं मलाई थाहा छैन’ अन्तरराष्ट्रीय नृत्य प्रतियोगितामा भाग लिदा ध्यान दिनुपर्ने कुराहरु

ENGLISH

ENTERTAINMENT

‘नाईं मलाई थाहा छैन’ अन्तरराष्ट्रीय नृत्य प्रतियोगितामा भाग लिदा ध्यान दिनुपर्ने कुराहरु

11 January, 2017 | Bhawana Pathak | 124 Views | comments

बाबा एजुकेशन कन्सल्टेन्सी सिडनी, अष्ट्रेलिया र काठमाडौँ नेपालको प्रायोजनमा भइरहेको ‘नाईं मलाई थाहा छैन’ अन्तरराष्ट्रिय नृत्य प्रतियोगितामा अहिले देश विदेशमा छरिएर रहनु हुने नेपालीहरुले नाचेर भिडीयो पठाउने क्रम जारी छ । यसै सन्दर्भमा यस प्रतियोगिता सम्बन्धी तयार पारिएका केही प्रश्न र उत्तरहरु यस्ता छन जसलाई तपाई भाग लिन चाहनुहुने सबैले जान्न जरुरि छ |

nai-nai

यस प्रतियोगितामा भाग लिन फर्म भर्नु वा अडिसन दिनु पर्छ कि पर्दैन ?
बिल्कुलै पर्दैन । ‘नाईं मलाई थाहा छैन’ अन्तराष्ट्रीय नृत्य प्रतियोगिता एक खुला तथा निःशुल्क प्रतियोगिता हो जसमा भागलिन कुनै किसिमको औपचारीक फर्म भर्नु अथवा अडिसन दिइराख्नु पर्दैन । तपाइँ जहाँ हुनुहुन्छ त्यहिँ नाच्न सक्नुहुन्छ, घरको कोठामा, पार्कमा अथवा जुनै ठाउँ जहाँ तपाइँलाई नाच्न सहज हुन्छ ।

प्रतियोगितामा भिडियो कहिलेसम्म पठाइसक्नुु पर्छ ?
‘नाईं मलाई थाहा छैन’ अन्तराष्ट्रीय नृत्य प्रतियोगितामा नाचेको भिडीयो पठाउने समय १ जनवरी २०१७ देखि २८ फेब्रुअरी २०१७ सम्म हो । यो समयावधी भित्र प्राप्त भिडीयोहरु मात्र प्रतियोगिताको लागि छानिने छन् ।

यस प्रतियोगितामा भाग लिन जुनै गीतमा नाचे पनि हुन्छ की ?
हुँदैन, यस प्रतियोगितामा भाग लिन गायक संजिव पराजुली र गायिका टिका प्रसाईंको आवाजमा रहेको गीत ‘नाईं मलाई थाहा छैन’मा नै नाच्नु पर्ने हुन्छ । अन्य कुनै गीतमा नाचेको भिडीयो प्रतियोगीतामा समावेश हुनेछैन ।

‘नाईं मलाई थाहा छैन’ गीत कहाँ पाइन्छ ?
‘नाईं मलाई थाहा छैन’ बोलको गीत गायक संजीब पराजुलीको यू–ट्यूब च्यानलमा अपलोड गरिएको छ । जसलाई यू–ट्यूबमा गइ Nai Malai Thaha Chhaina ~ Chasing Love लेखेर खोज्न सकिन्छ अथवा यो लिंकबाट https://www.mediafire.com/folder/ag1d2bq71z77r/Nai_Malai पनि अडियो डाउनलोड गर्न सकिन्छ ।

प्रतियोगितामा भाग लिन कति जनाले नाच्नु पर्छ, एक्लै नाच्दा हुन्छ की ?
यस प्रतियोगितामा भाग लिन दुई वा दुई भन्दा बढिको समुहमा नाच्नु पर्नेछ । एकजनाले मात्र नाचेको भिडियो प्रतियोगीतामा समावेश हुने छैन । अर्कोकुरा, दुइजना मात्र हुनुहुन्छ भने केटा–केटी नै हुनुपर्छ भन्ने छैन । केटा–केटी, केटा–केटा अथवा केटी–केटी भएर पनि नाच्न सक्नु हुनेछ ।

यस नृत्य प्रतियोगितामा भाग लिन कुनै स्पेशल ड्रेस आवश्यक छ की ?
छैन, यस प्रतियोगितामा भाग लिन कुनै स्पेशल ड्रेस लगाउनै पर्छ भन्ने छैन । गीतलाई सुहाउँदो लुगा छन् भने लगाउन सक्नुहुन्छ तर आफुसँग जुन लुगा छन त्यसमा नाच्दा फरक पर्दैन । प्रतियोगीतामा मुख्य कुरा नृत्य हो, लुगा हैन ।

मोबाइलबाट खिचेको भिडीयो प्रतियोगितामा समावेश हुन्छ कि हुँदैन ?
भिडीयो खिच्न अत्याधुनीक क्यामेरा र भिडीयोग्राफर नै चाहिन्छ भन्ने छैन । भिडीयो साधारण मोबाइलबाट खिच्दा पनि हुन्छ ।

नाचेको भिडियो कति लामो हुनु पर्नेछ ?
प्रतियोगितामा समावेश हुन पुरै गीतमा नाचे पनि हुन्छ तर नाचेको भिडीयो कम्तिमा दुई मिनेट बिस सकेण्डको चाहीँ हुनै पर्नेछ ।

भिडीयो खिच्दा अन्य ध्यान दिनु पर्ने कुराहरु केही छन् की ?
हाम्रो चाहना प्रतियोगितामा भाग लिन चाहने प्रतियोगीहरुलाई सजिलो होस् भन्ने हो । मोबाइल वा साधारण क्यामेराले जहाँ सजिलो हुन्छ त्यहाँ नाचेको भिडीयो खिच्न सक्नु हुनेछ । भिडियो खिच्दा, तपाईँले नाचेको पुरै भाग (शरिर) क्यामेरामा कैद होस्, त्यो ध्यान राख्नुहोला । हामीलाई प्राप्त केही भिडियोमा नाच्ने मान्छेको पुरै भाग (शरिर) देखिएको छैन र कुनै कुनै सामुहीक नृत्यको भिडीयोमा नाच्दा नाच्दै कोही–कोही भिडीयो बाहिर हुन पुग्नु भएको देखिन्छ । त्यसैले भिडीयो खिच्दा उपयुक्त दुरीमा रहेर सबै नृत्यगर्नेहरु भिडीयोमा देखिनुहोला ।

खिचेको भिडीयोलाई कसरी पठाउने ?
प्रतियोगिताको लागि खिचेको भिडीयो गायक संजिब पराजुली अथवा गायिका टीका प्रसाईंको फेसबुक पेज [Facebook.com/SanjibParajuli अथवा Facebook.com/Tika.Prasain.Music] को मैसेजमा गई पठाउन सक्नुहुनेछ अथवा NaiMalaiCompetition@gmail.com मा इमेल गर्न सक्नुहुनेछ ।

भिडियो पठाउँदा नृत्य गर्ने व्यक्तिहरुको पुरा नाम, ठेगाना र सम्पर्क फोन नं. पनि सँगै मैसेज गर्नुहोस् । खिचेको भिडीयो पठाउन कुनै समस्या भए हाम्रा प्रतिनिधीहरुलाई [काठमाडौंः संदिप भट्टराई, मोबाइल नं. 9851138068, पूर्वाञ्चलः नीरज बज्राचार्य मोबाइल नं. 9849347801 सम्पर्क गरि मद्दत माग्न सक्नु हुनेछ ।

भिडियो पठाइसकेपछि के हुन्छ ?
हामीलाई प्राप्त भिडियो प्रतियोगिताको मापदण्ड अनुसार भए – नभएको हेर्नेछौँ र भिडियो पठाउनुहुने व्यक्तिलाई खबर गर्नेछौँ । प्राप्त भिडियो मापदण्ड अनुसारको भए भिडियोलाई गायक संजिव पराजुलीको यू–ट्यूब च्यानल र फेसबुक पेजबाट सार्वजनिक गर्नेछौँ । यसरी सार्वजनिक भएको पोष्टलाई तपाइँहरुले बढि भन्दा बढि शेयर गर्नुहोला । तपाइँको भिडीयोमा आएका लाईक, कमेन्ट र शेयरले ले पनि उत्कृष्ट भिडियोको छनोटमा केही भुमिका खेल्ने छ ।

आफुले नाचेको भिडियो हामीले आफ्नै फेसबुक, यू–ट्यूब च्यानल वा अन्य सोसियल मिडीयामा राख्न पाइन्छ कि पाइन्न ?
पाइँदैन । हामीलाई प्राप्त भिडियो हामीले गायक पराजुलीको फेसबुक पेज र यू–ट्यूब च्यानलबाट तपाइँको भिडीयो सार्वजनिक गर्नेछौँ । तपाइँले आफ्नै वा अन्य कसैको फेसबुक वा यू–ट्यूब च्यालनबाट सार्वजनिक गरिएको भिडीयो प्रतियोगितामा समावेश हुने छैन ।

उत्कृष्ट नृत्यको छनौट कसरी हुन्छ ?
प्रतियोगिताको मापदण्ड अनुसार प्राप्त भएका भिडियोहरुलाई नेपालका ख्यातिप्राप्त नृत्यगुरुहरु, कोरियोग्राफरहरु र डान्सरहरुको जजमेन्टका आधारमा उत्कृष्ट नृत्यको छनौट हुनेछ । छनौट प्रक्रिया प्रतियोगिता सकिए पछि अर्थात २८ फेब्रुअरी २०१७ पछि शुरु हुनेछ र यसको लागि दुई देखि तीन हफ्ताको समय लाग्ने छ ।

रु. एक लाख पुरस्कार कस्ले र कसरी पाउने छ ?
प्रतियोगितामा समावेश नृत्यको भिडीयोहरु मध्ये हाम्रा जजहरुले मुल्याङ्कन गरी सर्वोउत्कृष्ट ठह्र्याउनु भएको कुनै एक भिडीयो गायक संजिब पराजुली र गायिका टीका प्रसाइँको फेसबुक पेजबाट सार्वजनिक गरिने छ र रु. एक लाख नगद पुरस्कारबाट पुरस्कृत गरिने छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

नेपाल

यू-१९ विश्वकप छनोट : नेपाल सामू मलेसियाद्वारा ९० रनको लक्ष्य प्रस्तुत(लाइभ स्कोर)

सिंगापुरमा जारी यू-१९ विश्वकप छनोट खेलमा मलेसियाले नेपाललाई ९०...

नेपाली जनप्रगतिशिल मन्च कतार

नेपाली जनप्रगतिशिल मन्च कतारको पाँचौं महाधिवेशन सेप्टेम्बर १५ मा

नेपाली जनप्रगतिशिल मन्च कतारको महाधिवेशन आयोजक समितीको बैठक सम्पन्न...

नेपाली

कोरियाको हिलो महोत्सवमा नेपालीले पनि लिए मज्जा

कोरियाको छुङ्छङ्नाम्दोस्थित थेछनमा फोर्याङ मड फेस्टिभल भइरहेको छ ।...

मलेसिया

मलेसियामा एक नेपालीको मृत्यु

वैदेशिक रोजगारीका सिलसिलामा मलेसिया गएका सप्तरीका एक नेपाली युवाको...

ad

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK

ad
http://www.newsnrn.com/wp-content/uploads/world-on-demand-gif-banner.gif