‘५ दिनसम्म ट्रान्जिटमै बसिरह्यौ’ ,दुबईबाट फर्किएकी पीडित युवतीको बयान

ENGLISH

NRN GLOBAL

‘५ दिनसम्म ट्रान्जिटमै बसिरह्यौ’ ,दुबईबाट फर्किएकी पीडित युवतीको बयान

5 May, 2017 | Bipin Acharya | 740 Views | comments

हामी अप्रिल १५ तारिख दिल्ली पुगेका थियौ‌ं । हामी जानुभन्दा अगाडि धेरै दिदीबहिनीहरुलाई दिल्लीको एक घरमा राखिएको थियो । नेपालबाट घरको काम गर्न प्रतिबन्ध भएको जानकारी दलालले बताएपछि दिल्लीबाट जान राजी भएका थियौै । दिल्लीमा भिसा कुरेर बसेका अन्य दिदीबहिनीहरु दुई महिनासम्म पर्खिबसेका थिए । जसमा धेरैजसो पहिला नै खाडीमा काम गरिसकेकाहरु थिए ।

मलाई दिल्ली–दुबई हुँदै केन्यासम्मको टिकट दिएर एयर इन्डियनबाट दुबई पठाइयो । त्यो समूहमा हामी ७ जना थियौं । तर दुबई पुगेपछि केन्या गएनौं । हामी कुवेत जान हिंडेका थियौं । कुवेतको भिसा र टिकट बिमानस्थलमै आउँछ भनिएको थियो । हामी दुबई बिमानस्थलको ट्रान्जिटमा बसिरहेका थियौं ।

कुवेतको भिसा र टिकट आएन । बिमानस्थलमा अरु नेपाली महिलाहरु देखिन थाले । खाडीमै बसिसकेकाहरु भएकाले उनीहरु अरबी भाषामा पनि कुरा गर्थे । सबै आआफ्ना समूहमा बाँडिएर बसेका थिए । एक अर्कासँग परिचय थिएन ।

बिमानस्थल निकै ठूलो थियो । १२ भन्दा बढी यात्रु कक्षहरु थिए । ठूलाठूला पसलहरु भित्रै थिए । मान्छेको ओहोरदोहोर निकै हुन्थे । हरेक यात्रु कक्षमा चार/पाँचसय हुन्थ्यो । उनीहरु छिनछिनमै बदलिइरहेका हुन्थे। ट्रान्जिटमा केटाहरु पनि धेरै हुन्थे । सबै आआफ्ना धुनमा हुन्थे । कसैलाई कसैको मतलब थिएन ।

पैसा हुने साथीहरुले बिमानस्थलकै पसलमा किनेर खान्थे । एकदमै महुंगो हुन्थ्यो । नहुनेहरु भोकै थिए । हामीले कतै फोन गर्न पाएनौ । केही नेपाली देखे पनि उनीहरुसँग कुरा भएन ।

तस्करीमा परेका ४४ महिला दुबई अध्यागमनद्वारा फिर्ता

धेरै दिन बितेपछि केही महिलाहरु चिनजान भयो । धेरै कुवेत नै जाने भन्थे । कोही कोही त इराक, साउदी र दुबई काम गर्न आएका भन्थे । तर हामी सबै घरकै काम गर्न आएका थियौं ।

कसैसँग कुनै देशकाे भिसा थिएन । कसैसँग भिसा थियो तर टिकट थिएन । धेरै समय एकैखालको महिला देखेपछि सेतो कपडा लगाएर आएका ब्यक्तिले सोधपुछ गर्न थाले । उनीहरु अध्यागमन कार्यलयमा काम गर्ने होलान् । ट्रान्जिटमा ८ घण्टा भन्दा बढी बस्न नपाउने नियम रहेछ । त्यसपछि बिमानस्थलमा अलपत्र भएकालाई एउटा प्रतिक्षालयमा ल्याएर राख्न थाले । हामी ४४ जना पुग्यौ । प्रहरीले सबै कागजात हेर्न थाल्यो । हामी अर्को देश जान नपाउने भयौ । जहाँबाट आएको हो त्यतै पठाइदिने भन्न थाले । दिल्लीबाट आएकोले दिल्ली नै पठाइदिए । दिल्लीले काठमाडौं पठाइदियो ।

दुवईमा पुगेपछि दलालहरुको सम्पर्क भएन वा के भएन हामी अरु ठाँउमा जान पाएनौं । हामी किन जान पाएनौ भन्ने पनि प्रष्ट थाहा भएन । अहिले सबै बुझ्दा हामी मानव तस्करहरुको शिकारमा परेछौं । नेपाल फर्किन पाएकोमा खुसी लागेको छ । काठमाडौंमा आइपुगेपछि अध्यागमन बिभागमा पनि सोधपुछ भइरहेको छ । प्रहरीबाट पनि सोधपुछ हुन थालेको छ । अहिले हामी बयान दिंदादिंदा थाकिसकेको छौ । सबैले हामीलाई त्यसरी पठाउने दलाललाई कारबाही गर्छौ भनेर भनेका छन् ।

(दुबई अध्यागमनले मंगलवार र बुधबार फिर्ता पठाइएको ४४ महिला कामदारमध्ये एक युवतीसँग अध्यागमन बिभागमा होम कार्कीले गरेको कुराकानीमा आधारीत । उनको आग्रहमा नाम राखिएको छैन ।)

कान्तिपुर बाट

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

विश्वकप फुटबलको उपाधि फ्रान्सको पोल्टामा : क्रोएसिया ४-२ ले पराजित

फुटबलको महाकुम्भ विश्वकप २०१८ को उपाधि फ्रान्सले जितेको छ...

संजु फिल्ममा देखाइएको यति ठुलो झुट, संजय दत्तले गरे खुलासा

वर्ष २०१८ को सबैभन्दा ठुलो ब्लकबस्टर बन्दै गरेको निकै...

बेल्जियम विश्वकपमा तेस्रो, इंग्ल्यान्ड २-० ले पराजित (हाइलाईट्स भिडियो)

बेल्जियम विश्वकप फुटबलमा तेस्रो भएको छ । शनिबार राति...

म थाके संसार थाक्छ : भवन भट्ट

सफलता र लक्ष्य चुम्नका निमित्त म कहिल्यै थाक्दिन : भवन भट्ट

गैर आवासीय नेपाली संघ एनआरएनएका अध्यक्ष भवन भट्टले आफू...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK