१३ औं नेपाली महत्सव पेरिसमा भब्य रुपमा सम्पन्न (फोटो फिचर)

ENGLISH

NRN GLOBAL

१३ औं नेपाली महत्सव पेरिसमा भब्य रुपमा सम्पन्न (फोटो फिचर)

10 June, 2016 | Sandeep Bhattarai | 765 Views | comments

फ्रान्सको राजधानी पेरिस शहरमा हरेक वर्षको जुन महिनामा आयोजना हुँदै आएको नेपाली मेला जुन ४ र ५ तारिकमा भब्यताका साथ सम्पन्न भएको छ ।

p

सन् २००२ मा स्थापना भएको नेपाली सांस्कृतिक गृह नामक नेपाली मैत्री संघले यो मेलाको आयोजना गर्दै आएको छ । मेला आयोजनाको विविध उधेस्य मध्ये सगरमाथाको देश र बुद्धको जन्म भूमि नेपाललाई चिनाउनु, विभिन्न कलाकौशल र सांस्कृतिक कार्यक्रमहरु प्रस्तुत गरेर नेपालको बिबिध कला र संस्कृतिको पहिचान गराउनु, नेपालवाट झिकाएका हस्तकला, मूर्तिकला तथा पोशाकहरु बिक्रि गरेर नेपाली घरेलु उद्योगलाई सहयोग गर्नु , नेपालको कला, संस्कृति, पर्यटन , पुरातत्व सम्वन्धि ज्ञाताहरुद्वारा बिबिध बिषयमा प्रवचन गराई नेपाल चिनाउनु र नेपालमा पर्यटन प्रबर्धनलाई सहयोग गर्नु , मेला स्थलमै नेपाली दाल भात सहित विभिन्न नेपाली परिकारहरु तयार गरेर बिक्रि गरि नेपालको खानाको स्वाद चखाउनु रहेका छन् । यी सबै उद्देश्यहरुको साथै यस्ता कार्यक्रमहरु गर्दै आर्थिक कोष वृद्धि गरेर पेरिसमा आफ्नै स्वामित्वमा नेपाली घर किन्ने वा निर्माण गर्ने संघको प्रमुख उद्देश्य रहेको छ ।

p1

मेला पेरिस महानगरको १२ औ वडा अन्तर्गत भाँसेन बगैचा भित्र अवस्थीत बुद्धको गुम्बा परिसरमा संचालन भएको थियो । गुम्बा परिसर ३/४ हेक्टर जमिन क्षेत्रफल भएको आफैमा ठूलो छ भने गुम्वा (मन्दिर) मा संभवत युरोपकै भीमकाय बुद्ध भगवानको ध्यान मुद्राको सुनौला मूर्ति स्थापना भएको छ । फ्रान्सका बौध मार्गीकोलागि यो ठूलो तिर्थ स्थल हो ।

p2

बितेका वर्षका मेलाहरुमा जस्तै यो मेलामा पनि नेपाली राजदूतावासबाट एशियाका कुटनैतिक व्यत्तित्वहरुको समेत सहभागीता जनाउन ठूलो सहयोग प्राप्त भयो । फलस्वरूप मेला उद्घाटन समारोहमा नेपाली राजदूत महामहीम अम्विका देवी मानन्धर लुइँटेल, युनेस्कोकोलागी जापानको राजदूत श्रीमती कुनी सातो , पाकिस्तानको राजदूत, म्यानमारको राजदूत, भारतीय दूतावासका प्रथम सचिव श्री धिराज मुखिया लगायत फ्रेन्च पराराष्ट्र मन्त्रालयका अधिकृत, बौध भिक्षुहरु, दूतावासका नियोग उप प्रमुख रामवावु ढकाल, स्थानीय नगरपालिकाका प्रतिनिधि, नेपाली तथा फ्रेन्च मैत्री संघका अध्यक्षहरु, आदिको उपस्थिति रहेको थियो । मेलाको पहिलो दिन शनिवार राजदूत महामहीम अम्विका देवी, जापानकी राजदूत श्रीमती कुनी सातो र संघका अध्यक्ष एवं हालै नेपाल पर्यटन बोर्डले फ्रान्सकोलागि अवैतनिक प्रतिनिधि मनोनित गरेको हेमन्त उपाध्यायले पनाशमा बत्ति बालेर सयुंत्त संयुक्त रुपमा उद्घाटन गर्नु भयो ।

p3

उद्घाटन पछि सानो मन्तव्य दिंदै महामहीम लुइँटेलले ” यस्तो प्रकृतिको मेलाले फ्रान्समा नेपाल चिनाउन र नेपालका कला संस्कृतिको साथै पर्यटन अभिवृद्धि गर्न ठूलो सहयोग पुराउनमा दुई मत नहुने ” भन्नु भयो । जापानकी राजदूत महामहीम कुनी सातोले ” फ्रान्सका नेपाली मित्रहरुले आयोजना गर्नु भएको यो भव्य मेलामा भाग लिन पाएकोमा खुशी” व्यक्त गर्नु भयो । संघका अध्यक्ष उपाध्यायले संघको परिचय दिनुहुँदै नेपाल देखि टाढा रहेर पनि मात्री भूमिकोलागि यस्ता रचनात्मक कार्य गर्न पाएकोमा हर्ष प्रकट गर्दै उपस्थित सवै क्षेत्रका महानुभावहरुलाई स्वागत गर्नु भयो । मन्तव्यकै क्रममा संस्कृतिक गृहका पदाधिकारी तथा सदस्यहरुले आ-आफ्नो परिचय दिनुभएको थियो ।

p4

दुई दिने मेला अवधिमा नेपाली राजदुतावासको स्टलसहित विभिन्न मैत्रीसंघ तथा नेपाली व्यापारीहरुको झन्डै तीसौ स्टल राखिएको थियो । स्टल राख्ने सम्पूर्ण संघका पदाधिकारीलाई मंचमा आमन्त्रण गरेर आ-आफ्नु संघको परिचय र कृयाकलापको जानकारी गराउने कार्य पनि भएको थियो । आयोजक संघका सदस्य एवं सवौन विश्वविद्यालयका प्राध्यापक राजेश खतिवडाको संयोजनमा नेपालका विविध क्षेत्रका ज्ञाताहरुद्वारा विविध शीर्षकमा ८/९ वटा अति रोचक एवं ज्ञानवर्धक प्रवचन सम्पन्न भयो । मेलाको अग्रणी भागमा वनाइएको सुन्दर मंचमा अटुट रुपमा नेपालको हिमाल, पहाड, उपत्यका र तराईका विभिन्न लोक संस्कृतिक नृत्यहरु प्रस्तुत गरिएको थियो ।

p5

६ वर्षे बालक देखि वयस्क र युवा युवती गरि पचासौ कलाकारहरुले पचासौ थरिका सांस्कृतिक नृत्यहरुमा भाग लिएर मेलालाई नेपालमय बनाउन ठूलो योगदान दिए । दुवै दिन प्रस्तुत गरिएको लाखे नाच सहितको कुमारी जात्रा निकै दुरुस्त र आकर्षित थियो । मेलाको दुवै दिन हाम्रो पूर्विय शास्त्रीय रचनामा आधारित ” सिंघिनी कन्सर्ट ” समुहले पश्चिमीहरुलाई दुवै दिन कन्सर्ट प्रस्तुत गरेर पूर्विय शास्त्रीय संगीतको केहि थोपा रसपान पनि गराएका थिए । मेलामा अनुकुलवश पेरिस आइपुग्नु भएका विश्व साइकल यात्रीद्वय जनार्दन खनाल र लोक बहादुर कार्कीको उपस्थिति र विश्व भ्रमणको उद्देश्यले सबै दर्शकहरुलाई स्तब्ध बनाइदियो ।

p6

पेरिसको मौषममा बादलको राज्य परेकोले अपेक्षाकृत दर्शकको उपस्थिति नभएपनि खचाखच जनसहभागिता थियो । नेपाल जाने र फर्कने हवाईजहाजको टिकेट जित्ने चिट्ठा खेलले दर्शकहरुलाई थप आकर्षण र कौतुहल बनाएको थियो ।

p7

आइतवारको साँझ सांस्कृतिक कार्यक्रमका कलाकारहरु एवं स्वयम् सेवकहरुलाई प्रशंशा पत्र दिइएको थियो । अन्त्यमा गृहका उपाध्यक्ष सुरज श्रेष्ठले धन्यवाद मन्तव्य व्यक्त गर्नु भयो । मेला भव्यताका साथ सम्पन्न भएकोमा खुसी प्रकट गर्दै मेलामा प्रायोजक भइ सहयोग गर्ने पेरिसका नेपाली व्यवसायीहरु, उपस्थित हुने संपूर्ण मैत्री संघहरु, कलाकारहरु, कलाकारहरुलाई सिकाउने आमा वुवाहरु, भान्सामा खट्ने स्वयम् सेवकहरु, मीठो र रोचक उद्घोषण गरि कार्यक्रम सफल पार्ने क्यारोलिन र निर्मल अर्याल, पेरिस नगरपालिका, नेपाली राजदूतावास, विशेष सहयोगी हरिहर अर्याल, आदिलाई धन्यवाद दिंदै मेला बिसर्जन गर्नु भयो ।

यो पनि हेर्नुस – पेरिसमा हुने १३औ नेपाल महोत्सवको तयारी पूरा

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

फुटबलबाटै बाल शिक्षण

फुटबलबाटै बाल शिक्षण

कर्णाली प्रदेशको जुम्लामा स्थापित बालमैत्री एशिया ईन्टरनेश्नल मोडेल ईङ्लिस...

‘धुम–४’ मा अभिषेकलाई नखेलाउने निष्कर्षमा निर्माता

बलिउड अभिनेता अभिषेक बच्चन ‘धुम–४’ मा नदेखिने भएका छन्...

मदनकृष्ण श्रेष्ठको पार्किन्सन्सको शल्यक्रिया

पार्किन्सन्सबाट पीडित मदनकृष्णको दोस्रो शल्यक्रिया

गत भदौ २८ गते वरिष्ठ हास्यकलाकार मदनकृष्ण श्रेष्ठको पार्किन्सन्सको...

एसिया कप

एसिया कप : अफगानिस्तानसंग पराजित भएसंगै श्रीलंका समूह चरणबाटै बाहिरियाे

श्रीलंका एसिया कप क्रिकेटको समूह चरणबाटै बाहिरियाे छ ।...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

FACEBOOK