सिड्नीका युवाहरुले निकाले मोबाइल एप्स ‘किताब क्लब’

ENGLISH

NRN GLOBAL

किताब क्ल

सिड्नीका युवाहरुले निकाले मोबाइल एप्स ‘किताब क्लब’

31 July, 2017 | Sandeep Bhattarai | 2610 Views | comments

किताब क्ल

अध्ययन, अनुभव र विचारहरूलाई सृजनाको रूपमा पुस्तकाकर दिने सर्जकहरूलाई किताब प्रकाशन गर्न अब सजिलो हुने भएको छ।

नेपाली साहित्य र पाठकको विश्वव्यापी संजाल निर्माण गरिरहेको मोबाइल एप्स ‘किताब क्लब’ले सर्जकहरूको सृजनालाई बजारिकरण गर्न सघाउने भएपछी पुस्तक लेखकहरूलाई आफ्नो सृजना पाठक सम्म पुर्याउन र त्यसबाट आर्थिक लाभ लिन सजिलो हुने भएको हो।

अष्ट्रेलियाको सिड्नीमा बसोबास गर्ने युवाहरूको समुहले तयार पारेको किताब छाप्ने, बेच्ने अनि पढ्ने ‘प्लेटफर्म याप’ले अब किताबको अंग पुगेका सृजनाहरूलाई सर्जकबाट सिधै पाठकमा पुरयाउनुका साथै नेपाली साहित्य र पुस्तक बजारलाई अन्तर्राष्ट्रियकरण गर्न लेखकहरूलाई सघाउने छ। यो एप्स मार्फत किताब बिक्रीबाट उठेको रकम केही प्राविधिक खर्च कटाएर सबै लेखकको हातमा पुग्नेछ।

यसबारेमा लेखकसँग विस्तृतमा सेवा, सर्त सम्बन्धी सम्झौता हुने तिवारीले बताए। तिवारीका अनुसार यसखालको प्रकाशनका लागी यापका एडमिनिस्ट्रेटर तथा प्रोग्रमर मदनमणि अधिकारी सहितको टीम नै समर्पित भएर लागिरहेको छ। लेखकहरूमा हुने पाईरेसी वा प्रतिलिपी अधिकार सम्बन्धी चासोलाई सम्बोधन गर्न यापले किताबहरू ‘कपी’ नहुने प्रविधी अपनाएको छ। विश्वका फरक फरक देशमा बस्ने नेपालीले एकै समयमा ‘रिलिज’ भएका किताबहरू पढ्न सकुन भन्ने हिसाबमा सुरू गरिएको एप्सले पुस्तक प्रकाशक तथा लेखकको प्रतिलिपि अधिकार साथै कन्टेन्टको सुरक्षाका लागि सर्वस्वीकार्य प्रविधी र शैली प्रयोग गरेको एप्सका एडमिनिस्ट्रेटर तथा प्रोग्रमर मदनमणि अधिकारीले बताए। ‘हामी पाठकको अध्ययन अनुभवलाई अझ सहयोगी र सरल बनाउन लागि रहेका छौं’ अधिकारीले भने।

‘किताब क्लब’ एप्सअहिले एण्ड्रोइड र आईओएस दुवै खालको अपरेटिङ सिस्टम भएका मोबाईल तथा ट्याब्लेटका लागि उपलब्ध छ। एप्समा खाता खोलेर पाठकले एण्ड्रोइड मोबाईलमा एडोब डिजिटल एडिसन र आईफोनमा ब्लुफायर रिडर मार्फत नेपाली किताबहरू अफलाईनमा पनि पढ्न सक्छन्। एप्स मार्फत किनिने किताबहरूको मूल्य पनि नेपाली पाठक र उनीहरू बसेको ठाउँ हेरेर सस्तो रहेको किताब क्लबको दाबी छ।

यसखालको प्रकाशन शैलीले नेपालमा प्रकाशन भएका पुस्तकहरू भौगोलिक कारणले पाठकहरू सम्म पुग्नै नसक्ने वा धेरै समय बितेपछि मात्र पाठकको हातमा पर्ने समस्या समाधान हुने ‘किताब क्लब’को विश्वास छ। ‘कतिपय किताब पढ्न रूचि भएका यूरोप, अमेरिका, अष्ट्रेलिया तथा मध्यपूर्वका देशका नेपालीहरूले पढ्ने जाँगर नै मर्ने समय सम्म पनि किताब हातमा नपर्ने अवस्थाको अन्त्य गर्नमा ‘किताब क्लब’ले भूमिका खेल्ने तिवारी बताउँछन्।

अब लेखकहरूबाट नै पुस्तक लिएर डिजिटल प्रकाशन गर्ने भएपछी विश्वभर छरिएका नेपालीलाई किताब पढ्न सस्तो समेत पर्नेछ। उनले भने, यसले विदेशमा बस्नेहरूलाई लेख्न पनि प्रेरित गर्ने ‘किताब क्लब’को आशा छ। डिजिटल प्रकाशन गरिने किताबहरूको आईएसबीएन दर्ता र धेरै रूचाइएका किताबहरूलाई परम्परागत कागजी प्रकाशनमा समेत लैजाने ‘किताब क्लब’को योजना छ।

यतिखेर यापमा नेपालको राजनीति, इतिहास देखी प्रसिद्ध व्यक्तिहरूका अनुभव अनुभूती समेटेका पुस्तकहरू छन्। केही साहित्य र राजनीतिका पुस्तक निशुल्क अध्ययनका लागि समेत उपलब्ध छन्।

किताब याप एण्ड्रोइड मोबाइका लागि यहाँबाट (https://play.google.com/store/apps/details?id=com.exolutus.kitabclub) डाउनलोड गर्न सकिन्छ भने आईफोनमा डाउनलोड गर्न यो लिंकमा क्लिक गर्नुपर्छ (https://itunes.apple.com/app/kitabclub/id1176480634?mt=8)।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

अस्ट्रेलियामा विदेशीहरुले समेत दसैंं तिहार कार्यक्रममा देउसीभैलो खेले

अस्ट्रेलियामा विदेशीहरुले समेत दसैंं तिहार कार्यक्रममा देउसीभैलो खेले

भुटानिज कम्युनिटी मेल्टन शाखाले आयोजना गरेको दसैंं तिहार कार्यक्रम...

फरक शैलीमा दशैं मनाए टेक्सासका युवाले

फरक शैलीमा दशैं मनाए टेक्सासका युवाले

टेक्सासको ड्यालासमा नेपाली युवाहरुले फरक शैलीमा दशै मनाएका छन्...

एनआरएनए

एनआरएनएद्वारा मातृभूमिमा लगानी गर्ने प्रतिबद्धता

गैरआवासीय नेपाली सङ्गठनले मातृभूमि नेपालको आर्थिक समृद्धि एवं विकासका...

दशैँ कप

ड्यालस गोर्खाजले जित्यो सातौ दशैँ कपको उपाधि : पूर्व राष्ट्रिय फुटबल खेलाडी तुलाधर सम्मानित

अमेरिकाको टेक्सस राज्यको ड्यालसमा गत अक्टोबर १४ मा सम्पन्न...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK