साहसिक पर्यटन प्रदर्शनीमा पहिलोपटक नेपाल

ENGLISH

NRN GLOBAL

साहसिक पर्यटन प्रदर्शनीमा पहिलोपटक नेपाल

24 January, 2017 | Sandeep Bhattarai | 1270 Views | comments

लन्डन

लन्डन ओलम्पियामा आयोजित ‘साहसिक पर्यटन प्रदर्शनी’ (एडभेन्चर ट्राभल शो २०१७) मा नेपालले पहिलोपटक सहभागिता जनाएको छ । २१ देखि २२ जनवरीसम्म चलेको प्रदर्शनीमा नेपालका तर्फबाट नेपाल पर्यटन बोर्ड र तीनवटा ट्रेकिङ एजेन्सी सहभागी थिए ।

विश्वभरबाट ११० प्रदर्शक सहभागी प्रदर्शनीमा नेपालले नेपाल ट्रेकिङ, र्‍याफ्टिङ, स्काइ डाईभिङ, बन्जी जम्पिङ, प्याराग्लाइडिङ, माउन्टेन बाइक यात्रा, रक क्लाइम्बिङ, अल्ट्रा लाइट एयर क्राफ्ट उडान जस्ता साहसिक पर्यटनका लागि उत्कृष्ट देश भएको सन्देश बाँडेको छ ।
संस्कृति, पर्यटन तथा नागरिक उड्ययन सचिव शंकरप्रसाद अधिकारीले प्रदर्शनीमा नेपालको सहभागिता उपलब्धिमूलक रहेको बताए । ‘सहभागी धेरै जसोमा भूकम्पपछि नेपालको अवस्था कस्तो छ भन्ने जिज्ञासा पाइयो’, अधिकारीले कान्तिपुरसँग भने, ‘तर, हामीले सबै अन्योल चिरेका छौं । नेपालमा साहसिक पर्यटनको भविष्य साँच्चिकै उज्ज्वल छ ।’

बेलायती पर्यटक थप आकर्षित गर्न नेपाल सरकारले अन्तर्राष्ट्रिय सञ्चारमाध्यम बीबीसीमा विज्ञापन दिने तयारी गरिरहेको जनाउँदै अधिकारीले भूकम्पपछि बेलायती राजकुमार हयारीको नेपाल भ्रमण पर्यटन प्रवर्द्धनमा कोसेढुंगा सावित भएको उल्लेख गरे । सन् २०१६ मा ४६ हजार बढी बेलायती पर्यटक नेपाल भ्रमणमा गएका थिए । अघिल्लो वर्ष यो संख्या २९ हजार ७ सय ३० थियो ।

सचिव अधिकारीले एक वर्षभित्र भैरहवा अन्तर्राष्ट्रिय विमानस्थल सञ्चालनमा आउने, ०१७ को मध्यदेखि पोखरा अन्तर्राष्ट्रिय विमानस्थल निर्माण थालिने र निजगढमा दोस्रो ठूलो अन्तर्राष्ट्रिय विमानस्थल निर्माणका लागि जग्गा अधिग्रहण सुरु भएको जनाउँदै सरकार पर्यटन प्रवर्द्धनसँगै भौतिक पूर्वाधार निर्माणमा समेत जुटेको जानकारी दिए ।

युरोपेली युनियन (इयू)ले हवाइ सुरक्षा कारण देखाउँदै नेपाली एयरलाइन्स इयूका २८ देशभित्र उड्न रोक लगाइरहेको छ । यसले पर्यटक आगमनमा असर गरिरहेको छैन् ? कान्तिपुरको प्रश्नमा नागरिक उड्ययन प्राधिकरणका महानिर्देशक सन्जिव गौतमले भने, ‘इयू प्रतिबन्धले ती देशका पर्यटक घटे भन्ने कुरामा कत्ति सत्यता छैन् । वर्षेनी नेपाल भ्रमण गर्ने पर्यटक वृद्धि यसको उदाहरण हो ।’ नेपाल पर्यटन बोर्ड कार्यकारिणी समिति सदस्य समेत रहेका गौतमले पर्यटकका मुख्य गन्तव्यहरु पोखरा, लुक्ला र जोमसोममा हवाइ सेवा पर्याप्त भएको दाबी पनि गरे ।

यसैबीच, लन्डनस्थित नेपाली दूतावासमा नेपालको साहसिक पर्यटन प्रवर्द्धनसम्बन्धी कार्यक्रम भएको छ । सोमबार साँझ बेलायत नेपाल कूटनीतिक सम्बन्ध स्थापनाको दुई सय वर्षगाँठ मनाउने क्रममा ‘नेपाल अ डेस्टिनेसन फर एड्भेन्चर ट्राभल’ नामक कार्यक्रम गरिएको हो ।

दूतावास र नेपाल पर्यटन बोर्डको संयुक्त आयोजनामा भएको कार्यक्रममा शिक्षामन्त्री धनीराम पौडेल, लन्डनस्थित नेपाली राजदूत डा. दुर्गाबहादुर सुवेदी, सन् १९९२ मा पहिलो पटक नेपाल पुगेका र बारम्बार नेपाल गएर त्यहाँको प्रकृतिलाई आफ्नो चित्रमा समावेश गरेका स्टेफेन जे किङ, नेपाल पर्यटन बोर्डका निमित्त निर्देशक मणिराज लामिछाने र दूतावासका उपनियोग प्रमुख शरदराज आरणले नेपाल साहसिक यात्राका लागि विश्वकै उत्कृष्ट गन्तव्य भएको चर्चा गरे ।

वक्ताहरुले लोन्ली प्लानेटले ‘वेष्ट ट्राभल २०१७’ टप टेन गन्तव्यमा नेपाललाई उत्कृष्ट ५ औं स्थानमा राखेको जनाउँदै प्राकृतिक सौन्दर्यताको वर्णन गरे । विश्वकै १४ उच्च शिखरमध्ये ८ वटा नेपालमै भएको चर्चा समेत गरियो । विदेशी समेत सहभागी कार्यक्रममा लामिछानेले दुईवटा बेग्लाबेग्लै साहसिक पर्यटन भिडियो प्रस्तुत गरेका थिए ।

कार्यक्रममा स्थानीय कलाकारहरुले लाखे, भैरव नाच र मौलिक नृत्य देखाएका थिए ।

कान्तिपुरबाट

युएईमा नेपालको पर्यटन प्रवर्दनका लागि फोटो प्रदर्शनी

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

थारु महिला माछा मार्दै

थारु महिला माछा मार्दै

कैलालीको लम्कीका थारु समुदायका महिला खोलामा माछा मार्दै ।...

ससेल्स

सेसेल्स शाखा गठनसँगै ७९ देशमा पुग्यो एनआरएनए

गैर आवासीय नेपाली संघले एनआरएनए सेसेल्सलाई आफ्नो ७९ औ...

एएफसी

एएफसी यू–१६ महिला फुटबल छनोटमा नेपाल र म्यानमार भिड्दै

एएफसी यू–१६ महिला फुटबल च्याम्पियनसिप छनोटमा नेपाल आज(शुक्रबार) म्यानमारसँग...

स्मारक

यस्तो छ स्वीट्जरल्याण्डमा राजा त्रिभुवनको स्मारक (भिडियो सहित )

स्वीट्जरल्याण्डसँग नेपालमा राजारानीहरुको सम्बन्ध जोडिँदै आएको छ । यसै...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

FACEBOOK