सरकार परिवर्तन राजनीतिक स्थिरताविरुद्धकोे षड्यन्त्र : प्रम ओली

ENGLISH

POLITICS

सरकार परिवर्तन राजनीतिक स्थिरताविरुद्धकोे षड्यन्त्र : प्रम ओली

22 July, 2016 | Krishna Adhikari | 1405 Views | comments

pushpalalImage1प्रधानमन्त्री केपी शर्मा ओलीले सरकार परिवर्तन नेपालको राजनीतिक स्थिरताविरुद्धको ठूलो षड्यन्त्र भएको बताउनुभएको छ । पुष्पलाल स्मृति प्रतिष्ठानद्वारा पुष्पलालको ३८औँ स्मृति दिवसमा आयोजित कार्यक्रममा उहाँले मुलुकमा चुनाव हुन नदिने उद्देश्यले विभिन्न शक्तिले सरकार परिवर्तनमा भूमिका खेलेको बताउनुभयो ।

उहाँले देश जनप्रतिनिधिविहीन बनाउन निर्वाचनका लागि आवश्यक पर्ने ऐन निर्माण काममा प्रतिपक्षलगायत दलले अवरोध गरेका छन् भन्नुभयो । प्रधानमन्त्री ओलीले पुष्पलालले धेरै पहिले रोपेको बीउ अहिले विश्वव्यापी रुपमा फैलिएको र उहाँको विचारलाई जननेता मदन भण्डारीले समयसापेक्ष बहुदलीय जनवादमा परिमार्जित गरी देशमा जनजीविका, सामाजिक न्याय र समानता कायम गर्न पार्टी प्रतिबद्ध रहेको बताउनुभयो ।

अहिलेसम्म प्राप्त भएका उपलब्धिलाई स्थापित गर्न पार्टीले सशक्त भूमिका खेल्ने बताउँदै उहाँले भन्नुभयो – “हामी अहिले एक प्रकारको चक्रब्यूहमा परेका छौँ, त्यसमा पराजय हुँदैनौँ । माओवादीले देश तथा जनतालाई धोका दिएको छ केही समयमा नै उसले पश्चाताप गर्नेछ ।”

प्रतिष्ठानका अध्यक्ष माधवकुमार नेपालले डेढ वर्षभित्रमा चुनाव हुन नसकेमा संविधान कार्यान्वयन नहुनेमा चिन्ता व्यक्त गर्दै प्रमुख तीन दलले राष्ट्रिय सहमति गरेर मुलुकलाई निकास दिनुपर्नेमा जोड दिनुभयो । उहाँले पुष्पलालको जन्मस्थान रामेछापको भङ्गेरीलाई ऐतिहासिक महत्वको स्थल बनाउनुपर्ने सुझाव दिनुभयो ।

पार्टीका पोलिटब्युरो सदस्य बेदुराम भुसाल, प्रतिष्ठानका उपाध्यक्ष लोककृष्ण भट्टराईले पुष्पलालको विचारले नेपालको लोकतान्त्रिक र कम्युनिस्ट आन्दोलनलाई अगाडि बढाउन सही मार्गनिर्देश गरेको विचार व्यक्त गर्नुभयो ।

उक्त कार्यक्रममा पुष्पलालको सालिकमा माल्यार्पण गरिएको थियो भने ‘पुष्पलाल’ र ‘नवयुग’ पत्रिकाको विशेषाङ्क विमोचन गरिएको थियो ।

‘राजनीतिक विकास क्रममा पुष्पलालले पुर्याएको योगदान अतुलनीय’

नेपाल कम्युनिस्ट पार्टी(नेकपा)का अध्यक्ष ऋषि कट्टेलले मुलुकको राजनीतिक विकास क्रममा पुष्पलालले पुर्याएको योगदान अतुलनीय रहेको बताउनुभएको छ । नेकपाका संस्थापक महासचिव पुष्पलालको ३८ औँ स्मृति दिवसमा आज यहाँ पदयात्रापछि भएको सभामा उहाँले देशमा सामाजिक न्याय र समानता कायम गर्न सकेमा मात्र उहाँप्रति साँचो सम्मान हुने बताउनुभयो ।

सोही दलका उपाध्यक्ष लोकनारायण सुवेदीले मुलुकमा विभिन्न चिरामा बाँडिएका कम्युनिस्ट पार्टी अब एकताबद्ध भई उहाँले स्थापना गरेको विचार तथा सिद्धान्तलाई कार्यान्वयन गर्नुपर्नेमा जोड दिनुभयो ।अखिल नेपाल विद्यार्थी युनियनका अध्यक्ष प्रवीण मिश्रले निरङ्कुश जहानिया शासनको अन्त्य गर्न लोकतन्त्र र वामपन्थीका एकताबाट संयुक्त जनआन्दोलन गर्नुपर्ने पुष्पलालको विचार रहेको बताउनुभयो ।

पार्टीले ‘पुष्पलाल र आजको राष्ट्रिय राजनीति’ विषयमा प्रवचन, रक्तदान, विद्यालयस्तरीय वादविवाद प्रतियोगिता लगायत कार्यक्रम यही साउन ११ गतेसम्म सञ्चालन गर्ने भएको छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

पोर्चुगलबाट नेपाली पत्रिका प्रकाशन

युरोपेली मुलुक पोर्चुगलबाट ‘हाम्रो नेपाल’ नामक पत्रिका प्रकाशन शुरु...

दशैं

राष्ट्रपति, उपराष्ट्रपति र नेताहरुबाट बडादशैँको शुभकामना

असत्यमाथि सत्यको विजयका रुपमा लिइने हिन्दु धर्मावलम्बीको महान् चाड...

pm-oli

दशैँका अवसरमा प्रमको शुभकामना सन्देश :सानातिना विषय उधिनेर आपसी द्वन्द्व बढाउने समय होइन

प्रधानमन्त्री केपी शर्मा ओलीले सानातिना विषय उधिनेर आपसी द्वन्द्व...

आज विजयादशमी : टीकाको साइत ०९ः५१ मा

आज आश्विन शुक्ल दशमी अर्थात् नेपालीहरुको महान् चाड विजयादशमी...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK