सन्दीप सबैभन्दा धेरै देशमा क्रिकेट खेल्ने खेलाडीको सूचीमा

22 September, 2018 | Kabi Adhikari | 3255 Views | comments

नेपालका लेग स्पिनर तथा स्टार खेलाडी सन्दीप लामिछाने विश्वका धेरै देशमा क्रिकेट खेल्ने क्रिकेटरको सूचिमा परेका छन् । क्रिकइन्फोको ‘द क्रिकेट मन्थ्ली’ को यस संस्करणमा सन्दीपले धेरै देशमा क्रिकेट खेल्ने ६ क्रिकेटरको सूचिमा आफ्नो नाम लेख्न सफल भएका हुन् ।

सन् २०१८ को इन्डियन प्रिमियर लिग (आईपिएल)मा दि ल्ली डेयस डेभिल्सबाट व्यवसायी क्रिकेट खेल्न थालेका लामिछाने क्यानडाको ग्लोबल टि–२०, क्यारेवियन प्रिमियर लिग र केही समय पछि शुरु हुने अफगानिस्तान प्रिमियर लिग (एपिएल) मा पनि अनुबन्धित भएका छन् ।

अफगानिस्तानका अलराउण्ड मोहम्मद र लेग स्पिनर रसिद खान यसअघि धेरै क्रिकेट खेल्ने खेलाडीहरुमा रहेका थिए । यी दुवैले १० देशमा क्रिकेट खेलिसकेका छन् । त्यस्तै पाकिस्तानका शोएब मलिक, लेग स्पिनर शादाब खान र बंगलादेशका तमिम इकबाले ९ वटा देशमा टि–२० खेलेका थिए । लेग स्पिनर र गुगली बल फ्याक्न माहिर सन्दीपले पनि ९ वटा देशमा खेलिसकेका छन् । उनी शेन वार्न को उपनामले समेत चर्चित भएका छन् ।

खेलेका सबै खेलहरुमा राम्रो छाप छोड्न सफल सन्दीपले आइपिएलमा ३ खेल खेलेका थिए जसमा उनले ५ विकेट लिए भने क्यानाडको ग्लोबल टि–२० मा ५ खेलमा ८ विकेट हात परेका थिए। त्यस्तै सिपिएलको ५ खेलमा पनि सन्दीपले ७ विकेट लिएका छन् । आगामी अक्टोबर ३ देखि १३ सम्म मलेसियामा हुने टि–२० विश्वकप उप–क्षेत्रिय छनोटका लागि १८ सदस्यीय नेपाली टोलीसँगै बन्द प्रशिक्षणमा छन् ।

• #सन्दीप सबैभन्दा धेरै देशमा क्रिकेट खेल्ने खेलाडीको सूचीमा