शृङ्खलाबद्ध बम बिस्फोट : निर्वाचन अवैध बनाउने बाहिरी षड्यन्त्र

ENGLISH

शृङ्खलाबद्ध बम बिस्फोट : निर्वाचन अवैध बनाउने बाहिरी षड्यन्त्र

यादब देवकोटा

5 December, 2017 | Sandeep Bhattarai | 3130 Views | comments

बम पड्किइरहेका छन् । शीर्ष नेताहरुलाई लक्षित गरी बम बिस्फोट गरिएका घटनाले कुनै पनि बेला जोसुकैलाई निशाना बनाउन सकिन्छ भन्ने संकेत गरेको छ । तापनि सुरक्षा निकायले प्रभावकारी कदम चाल्न सकेको पाइँदैन ।

ठाउँठाउँमा बम डिस्पोज गरिएको छ । एकै दिन कैयौं ठाउँमा बिस्फोट भैरहेका छन्, तर यस विषयलाई कसैले पनि गम्भीरतापूर्वक लिएका छैनन् । आक्रमणपछि पार्टीहरुले विज्ञप्ति जारी गरेर कारबाही गर्न आव्हान गरिरहेका छन् । तर, गृहमन्त्रालय मौन छ । प्रधानमन्त्री नै बमको शिकार भैसके पनि खै सुरक्षा मजबुतीको सन्देश ?

प्रदेश र प्रतिनिधिसभाको पहिलो चरणको निर्वाचनको केही दिन अघिदेखि विभिन्न क्षेत्रमा उम्मेदवार लक्षित बम बिस्फोटका घटनाको जिम्मेवारी आधिकारिक रुपमा कसैले लिएको छैन । सरकार र सुरक्षा निकायले नेत्रविक्रम चन्द ‘विप्लव’ले नेतृत्व गरेको माओवादीले बिस्फोट गराएको भनेर उसका कार्यकर्ता पक्राउ गरे पनि आधिकारिक रुपमा त्यसको पुष्टि भएको छैन । बम पड्काएको आरोप लागेको चन्द माओवादीले पनि मुख खोलेको छैन भने सरकारले पनि प्रमाण प्रस्तुत गर्न सकेको छैन ।

बम बिस्फोट गराउने विप्लव माओवादी नै भएको प्रहरीको दावी छ अनि सो पार्टीका शीर्ष नेताहरु भूमिगत भएको जानकारी गृह मन्त्रालयलाई छ । तापनि उसका गतिविधि रोक्न रणनीतिक अभियान चलाउन निर्देशन दिइएको छैन । यो घटनालाई पार्टीगत रुपमा नभै व्यक्तिगत रुपमा गराइएको भन्ने आशय गृहको छ । संसय यहींबाट उत्पन्न भएको छ । सरकार बम बिस्फोट गराउने समूहको पहिचान गर्न उत्सुक नहुने, बम बिस्फोट भैरहने, उम्मेदवार र पार्टीका कार्यकर्ता घाइते भैरहने अवस्थामा निर्वाचनको विश्वसनीयतामाथि नै प्रश्नचिन्ह खडा हुने स्थिति अहिले उत्पन्न भएको छ ।

अहिलेको राजनीतिक ध्रुवीकरणले राष्ट्रिय–अन्तर्राष्ट्रिय शक्तिहरुलाई झस्काइरहेको छ । एमाले र माओवादी केन्द्रको पार्टी एकतासहितको चुनावली तालमेल र कांग्रेसको लोकतान्त्रिक गठबन्धनबीच चलेको तीब्र प्रतिस्पर्धाकाबीच अन्तर्राष्ट्रिय शक्तिहरुले खेल्न खोजेको विश्लेषण पनि विश्लेषकहरुको छ । मुलुक राजनीतिक स्थिरतातर्फ अग्रसर हुने संकेत गरिरहेकै बेला निर्वाचनको माहोल बिथोल्ने गरी भएको बिस्फोटले मतदाता त्रस्त छन् । स्थानीय निकायको निर्वाचनको तुलनामा झण्डै १० प्रतिशत मत कम खस्यो पहिलो चरणको प्रदेश र प्रतिनिधिसभा निर्वाचनमा । मंसिर २१ गते हुने निर्वाचनमाा योभन्दा कम मत खस्न आशंका गर्न थालिएको छ । यदि मतदान अपेक्षाकृत कम भयो भने त्यसले दिने नतिजा सर्वमान्य होला कि नहोला ? यो प्रश्नको उत्तर खोज्छ बम बिस्फोटनका घटनालाई जोडेर गम्भीर हुनु आवश्यक छ ।

५० प्रतिशतभन्दा कम मतदान भयो भने त्यसको वैधानिकतामा प्रश्न उठाउने तयारी अन्तर्राष्ट्रिय शक्ति केन्द्रहरुको छ । नेपाललाई निरन्तर अस्थिरताको जञ्जीरमा जकडिरहने र आफ्नो स्वार्थ पूरा गर्न चाहने शक्तिहरुको गम्भीर षड्यन्त्र भैरहेको छ । शुक्रबार काँकडभिट्टाबाट काठमाडौं आउँदै गरेको यात्रुबाहक बसमा दुई भारतीय नागरिकलाई ठूलो मात्रामा बम बनाउने सामग्रीसहित पक्राउ गरिएको घटनाले यसलाई पुष्टि गर्न सकिन्छ । त्यो घटनापछि निर्वाचनका दिन ठूलै धमाका मच्चाउने योजना बनिरहेको बुझ्न कठिन छैन ।

 

अहिले पड्केको बम देशभित्रबाट हैन बाहिरबाट आएको हो । बमको धमाकाबीच भएको चुनाव कसरी शान्तिपूर्ण हुन्छ भन्ने प्रश्न उठाउँदै कांग्रेस, माओवादी र एमालेलाई आपसमा भिडाएर नेपाललाई असफल राष्ट्र पार्ने खेल चलिरहेको छ

नेपालको शान्ति, स्थिरता र समृद्धि कतिपय मुलुकका लागि सैह्य विषय बनेको छैन । संविधान जारी नगर्न दिइएको उर्दी अस्वीकार गरेर नेताहरुले जसरी संविधान जारी गरे त्यसको परिणाम नाकाबन्दीका रुपमा निस्कियो । मधेशवादीहरुको माग पूरा नगरी निर्वाचन नगराउनु भन्ने उर्दी पनि असफल भयो । नेताहरुले बेलाबेलामा बाहिरी शक्तिको दवाव र निर्देशन विपरीत मुलुकको हितमा काम गर्दैआएका छन् । निर्वाचन पनि त्यसैको एउटा कडी हो । माघ ७ गतेभित्र सबै निर्वाचन सम्पन्न भएन भने संविधान असफल हुन्छ र बाहिरी शक्तिले त्यही चाहेको हो ।

उनीहरुको चाहना विपरीत संविधान जारी हुनु र संविधान कार्यान्वयनका लागि निर्वाचनको अन्तिम चरणमा मुलुक प्रवेश गर्दैगर्दा यसलाई बिथोल्न नसके पनि असफल बनाउने र विश्व मञ्चमा नेपालको निर्वाचनको वैधानिकतामाथि प्रश्न उठाउने गम्भीर षड्यन्त्र यसभित्र लुकेको छ । यति गम्भीर विषय कसैले नबुझेको पक्कै हैन, तर विप्लवलाई दोष थुपारेर अघोषित रुपमा बाहिरी षड्यन्त्रलाई मलजल गर्ने काम त कतै भैरहेको छैन भन्ने प्रश्न उठेको छ ।

बिस्फोटकाबीच भएका निर्वाचनलाई अन्तर्राष्ट्रिय जगतले मान्यता नदिएका थुप्रै उदाहरण छन् । नेपालको निर्वाचनलाई पनि त्यस्तै बनाउन खोजिएको हो । बमको धमाकाकाबीच भएको चुनाव कसरी शान्तिपूर्ण हुन्छ भन्दै मान्यता नदिने र मुलुकलाई असफल बनाउने खेल यहाँ भैरहेको छैन भन्न सकिने स्पष्ट आधार छैन । यदि भोलि कुनै पनि पक्षले बहुमत ल्याएमा अर्कोलाई उचालेर अशान्तिपूर्ण निर्वाचन मानिंदैन, जित्नेले नै बम पड्काएको भनेर उकास्दै सडकमा उत्रन उक्साउँदैनन् भन्न सकिन्न ।

राजनीतिक विश्लेषक तथा पूर्व महान्यायाधीवक्ता युवराज संग्रौलाले यसै सन्दर्भमा गर्नुभएको विश्लेषण यस्तो छ– “अहिले पड्केको बम देशभित्रबाट हैन बाहिरबाट आएको हो । बमको धमाकाबीच भएको चुनाव कसरी शान्तिपूर्ण हुन्छ भन्ने प्रश्न उठाउँदै कांग्रेस, माओवादी र एमालेलाई आपसमा भिडाएर नेपाललाई असफल राष्ट्र पार्ने खेल चलिरहेको छ । जसरी संविधान ‘नबनाउ नबनाउ’ भन्दाभन्दा उछिट्टिएर बन्यो निर्वाचन पनि ‘नगर नगर’ भन्दाभन्दै हुन गैरहेको छ । यो सब नेपाललाई अस्थिर बनाउने खेल हो ।”

हुन पनि, बम पड्काउनेको पहिचान नहुनु, जसले पड्काएको भनिएको छ उसले अस्वीकार गर्नु, सरकारले गिरफ्तार गर्न नसक्नु जस्ता पक्षहरुले आम जनतालाई गम्भीर बनाएको छ । उम्मेदवार लक्षित बमले मतदातालाई त्रस्त बनाएको छ । पहिलो चरणको निर्वाचनमा यो दृश्य देखिएकै हो । अब मतदानमा कम सहभागिता गराएर अशान्त निर्वाचनको हौवा दिंदै मुलुक असफल पार्ने खेल जुन चलिरहेको छ त्यसलाई चिर्न सबै एकजुट हुनुको विकल्प छैन ।

हुन त स्थानीय तह निर्वाचन र पहिलो चरणको निर्वाचनमा चन्द माओवादीले बिस्फोट गराएको जिम्मेवारी लिएको हो । तर, अहिले परिस्थिति अर्कै बन्दै गएको छ । बम बिस्फोट गराएको जिम्मा कसैले नलिने तर, बिस्फोट भैरहने अवस्था सिर्जना भएको छ । यो अवस्थाले मुलुकमा अस्थिरता अरु लम्बिने मात्रै हैन दुर्घटना नै हुनसक्ने भय मडारिएको छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

लघु चलचित्र प्रतियोगितामा ‘अटुटनाता’ प्रथम

  नेपाली सेनाद्वारा आयोजित ‘लघु चलचित्र प्रतियोगिता–२०७४’ मा संजिव...

नेपाली चलचित्र रमितामा दिलिपको सानदार कमव्याक

नेपाली चलचित्रका चिर्चित नायक दिलिप रायमाझीको कमव्याक हुने भएको...

बर्लिन कार्निभलमा नेपालको सहभागिता

बर्लिन,जर्मनि । जर्मनिको राजधानी बर्लिनमा यही मे २० का...

गायक रञ्जित लामाको ‘मुसुक्क ङेमा’ बोलको म्यूजिक भिडियो सार्वजनिक

चर्चित गायक रञ्जित लामाको स्वरमा रहेको मुसुक्क ङेमा बोलको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

FACEBOOK