विश्वकप २०१८ : मैत्रीपूर्ण खेलमा बेल्जियमद्वारा कोस्टारिका ४-१ ले पराजित

12 June, 2018 | Sandeep Bhattarai | 1440 Views | comments

विश्वकप २०१८ को मैत्रीपूर्ण खेलमा बेल्जियम विजयी भएको छ । सोमबार राति भएको खेलमा कोस्टा रिका बेल्जियमसंग ४-१ ले स्तब्ध हुन पुग्यो ।

बेल्जियमको ब्रसेल्समा भएको खेलमा अग्रता भने कोस्टा रिकाले लिएको थियो । कोस्टारिकाका ब्रायन रुइजले खेलको २४औं मिनेटमा गोल गर्दै कोस्टारिकालाई अग्रता दिलाए थिए ।

तर त्यो अग्रता धेरैबेर टिक्न सकेन । खेलको ३१ औं मिनेटमा घरेलु टोलीको लागि द्रिस मोर्तेन्सले गोल गर्दै खेल बराबरीमा ल्याए । त्यस्तै खेलको ४२औं मिनेटमा रोमेलु लुकाकुले गोल गर्दै घरेलु टोलीलाई २-१ को अग्रता दिलाए । पहिलो हाफ २-१ मा सकिएको खेलमा दोस्रो हाफको ५० औं मिनेटमा व्यक्तिगत दोस्रो गोल गर्दै लुकाकुले अग्रत ३-१मा पुर्याए । यसै गरि खेलको ६४ औं मिनेटमा लुकाकुको पासमा मिची बटसुवाइले गोल गर्दै बेल्जियमलाई ४-१ को सहज जित दिलाए ।

विश्वकपमा समूह जी मा रहेको बेल्जियमले पहिलो खेल १८ जुनमा पानामासँग प्रतिस्पर्धा गर्दा अर्को खेलमा २३ जुनमा ट्युनिसिया र २८ जुनमा इङल्याण्डको सामना गर्नेछ । कोस्टारिका भने समूह ई मा छ। यो समूहमा ब्राजिल, स्वीटजरल्याण्ड र सर्विया रहेका छन्।