लाप्राक एकीकृत बस्ती असोजमा हस्तान्तरण गरिने

ENGLISH

SPECIAL

लाप्राक एकीकृत बस्ती असोजमा हस्तान्तरण गरिने

1 May, 2018 | Sandeep Bhattarai | 4660 Views | comments

लाप्राक एकीकृत बस्ती असोजमा हस्तान्तरण गरिने

गैरआवासीय नेपाली संघ (एनआरएनए)ले गोरखाको लाप्राकका भूकम्पपीडितका लागि बनाएको एकीकृत नमुना बस्ती असोजमा हस्तान्तरण हुने भएको छ ।

धार्चे गाउँपालिका–४ लाप्राकको गुप्सीपाखामा निर्माणाधीन बस्ती असोजसम्ममा स्थानीयलाई हस्तान्तरण गर्ने तयारी भइरहेको एनआरएनए अन्तर्गतको साइट म्यानेजर लक्ष्मण अर्यालले बताए । “अहिले मौसमले पनि साथ दिएको छ, निर्माण कार्यले पनि तिब्रता पाएको छ । असोजसम्ममा हामी बस्ती स्थानीयलाई हस्तान्तरण गर्ने तयारीमा छौं,” उनले भने ।

हालसम्म ७४ घरको छाना छाउने काम सकिएको अर्यालले जानकारी दिएका छन् । उनले भने, “छाना हालिएको घरको माथिल्लो तलामा एसी ब्लकको गारो लगाउन बाँकी छ । तल्लो तलाको काम भइसक्यो ।” १६ वटा क्लस्टर बनाएर काम भइरहेको अर्यालले बताए । एकीकृत बस्तीमा १ सय ४० घरका ढोका र ९६ घरका झ्यालसम्मको काम सकिएको छ । १ सय ३६ घरमा ईटाको गारो लगाउने काम भइरहेको र ३३ घरका लागि ‘प्लटिङ’ गरिएको उनले बताए ।

गुप्सीपाखामा अहिले १५४ नेपाली सेना र एनआरएनएका ६ प्राविधिकसहित १ सय ५ जना बस्ती निर्माणमा खटिएका छन् । निर्माणाधिन बस्तीमा बन्ने घर कसकसको हुने टुंगो लागिसकेको साइट इन्चार्ज अर्यालले बताए । उनले भने, “यहाँ बन्दै गरेको कुन घर कसको भन्ने टुंगो लागिसक्यो । गोलाप्रथाबाट घरको टुंगो लगाइएको हो । तर, गाउँले आफैं मिलेर घर साटेर पनि बस्न छुट दिएका छांै ।” एक घरका लागि १५.१ घनमिटर ढुंगा र १.२९ घनमिटर गिटी स्थानीयले उपलब्ध गराएका छन् । गुप्सीपाखाको १८.३२ हेक्टर क्षेत्रफलमा लाप्राक नमुना बस्ती गुरुयोजनाअनुसार ५७३ घर बनाउनका लागि २०७३ माघबाट जग खन्न थालिएको थियो ।

नमुना बस्तीमा प्रत्येक घर ३ आना ३ पैसा क्षेत्रफलमा बन्नेछ । सबै एकै प्रकारका २ तले ४ कोठे घर बन्ने लाप्राक नमुना बस्ती गुरुयोजनामा उल्लेख छ । गुरुयोजना अनुसार पहिलो तला सिमेन्ट, इँटा र बालुवाको प्रयोगले बनाइनेछ भने दोस्रो तल्लामा एसी ब्लक प्रयोग गरिनेछ । ट्रस हालेर नीलो जस्ताको छानो लगाइनेछ । घर निर्माणका लागि आवश्यक इँटा बनाउने मेसिन गुप्सीपाखामा नै लगिएको छ । १० प्रतिशत सिमेन्ट र ९० प्रतिशत माटो मिसाएर त्यहि इँटा उत्पादन गरिएको छ । चिनियाँ प्रविधिको मेसिनले दैनिक ९ हजार इँटा बनाउनेछ । स्थानीयको श्रमदान समेत गरेर प्रतिघर १२ लाख रुपैयाँको लागतमा बन्ने भएको हो । अन्य संघसस्थांसँगको साझेदारीमा खानेपानी, विद्यालय, स्वास्थ्य चौकी, सामुदायिक भवन लगायतका पुर्वाधार तयार पार्ने एनआरएनएको तयारी छ ।

लाप्राक गाउँमा पनि धमाधम घर बन्दै
गुप्सीपाखामा स्थानान्तरणका लागि एकीकृत बस्ती बनिरहे पनि लाप्राकीहरूले पुरानो गाउँमा धमाधम घर बनाइरहेका छन् । भूकम्पछि पहिरोको जोखिममा रहेका लाप्राक गाउँका ५ सय ७३ घरधुरीलाई स्थानान्तरणका लागि एन आर एनले गुप्सीपाखामा घर बनाइरहेको छ । तर, तिनै घरमा बस्नेहरू पुरानै लाप्राक गाउँमा पनि पक्की घर बनाइरहेका हुन् ।

२०५६ सालमा बस्ती नजिकै पहिरो गएपछि जोखिममा रहेको लाप्राक गाउँ भूकम्पपछि झनै चिरा चिरा पर्यो । भूगर्भविदको टोलीले त्यहाँ बस्न उपयुक्त नहुने बताएपछि गाउँमाथिको गुप्सीपाखामा एकीकृत बस्ती बनाइएको हो । गुप्सीपाखामा एनआरएनएले नमुना बस्ती निर्माण थालेपछि भूकम्पपछि गाउँ नै विस्थापित भएर गुप्सी पुगेकाहरू अहिले पुरानै गाउँमा छन् । उनीहरू धमाधम घर निर्माणमा जुटेका हुन् । ११ लाख रुपैया खर्चेर ४ कोठे घर बनाउँदै गरेका सुजीत गुरुङले भने, “परिवारमा १० जना छौं, गुप्सीमा बनाएको घर सानो छ । ४ कोठामात्रै भान्सा चाहियो, अब एउटा एउटा कोठा त चाहियो नि सुत्नलाई अनि यहाँ नबनाई भएन । तलमाथी बाँडिएर बस्ने परिवार ।” खेतबार गाउँमा नै भएकाले बाली थन्काउन पनि तल गाउँमा अनिवार्य घर बनाउनुपर्ने उनले बताए ।

कारोबारबाट

एनआरएनएले घर बनाउने आशामा तीन वर्षदेखि टहरामा लाप्राकवासी

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

‘’ग्रेट लभ’’ मार्फत डेब्यू गर्दै शाश्वत श्रेष्ठ

पहिलो महिला चलचित्र निर्देशक तथा निर्देशक समाजकी अध्यक्ष सुचित्रा...

प्रवासी नेपाली मञ्च अमेरिकाको दोश्रो राज्य भेला नयाँ कार्यसमिती चयन गर्दै सम्पन्न

प्रवासी नेपाली मञ्च अमेरिकाको  दोश्रो कोलोराडो राज्यको भेलाले नयाँ कार्यसमिती...

विश्वकप

विश्वकपमा आज हुने तीन खेल

रसियामा जारी फिफा विश्वकप फुटबल २०१८ अन्तर्गत आज (आइतबार)...

नेपालको बजेट बारे हङकङमा अन्तरक्रिया

नेपाल च्याम्बर अफ कमर्स हङकङले नेपालको बजेट बारे अन्तरक्रिया...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK