लण्डनकाे रेसकाेर्स बन्याे ‘मिनी नेपाल’

ENGLISH

NRN GLOBAL

लण्डनकाे रेसकाेर्स बन्याे ‘मिनी नेपाल’

2 September, 2016 | Sandeep Bhattarai | 1200 Views | comments

नवीन पोखरेल, लन्डन – लाग्दैनथ्यो, यो लन्डनस्थित केम्पटेन पार्क रेस कोर्स हो भनेर । अरू बेला घोडा दौड हेर्न विदेशीले भरिने यो ठाउँमा नेपाली भरिएका थिए । मिनी नेपालझैं बन्यो यो मैदान । विदेशी कूटनीतिज्ञसहित करिब आठ हजार नेपालीले भरिभराउ मेलाले सिंगो नेपालको झल्को दियोबेलायतमा रहेका ३० भन्दा बढी नेपाली संघसंस्था आआफ्ना झाँकीसहित प्रस्तुत भए । राति अबेरसम्म विभिन्न जातजातिका भेषभूषा, रहनसहन र कलासंस्कृति प्रदर्शन भइरहे ।

लण्डनकाे रेसकाेर्स

‘सिंगो नेपाल त यहाँ पो देखें,’ कार्यवाहक राजदूत शरदराज आरन भन्दै थिए, ‘नेपाली मौलिक कला संस्कृति र पहिचान स्थापित गर्न मेलाले ठूलो भूमिका निर्वाह गरेको छ ।’

दूतावासकै सहयोगमा तमुधिं युकेले आइतबार मेला गरेको हो । मेलामा यस पटक विदेशी कूटनीतिज्ञहरूको पनि उल्लेख्य सहभागिता रह्यो । बेलायती नेताबाहेक बोस्निया एन्ड हर्जगोभिना, सेनेगल, म्यान्मार, गुयना, ग्वाटेमाला, मंगोलिया, निकारागुवा, हैटी, अफगानिस्तान, अर्मानिया, साल्भाडोर, श्रीलंका, म्यासेडोनिया, बेलिज, सेसेली लगायत देशका राजदूत र वरिष्ठ कूटनीतिज्ञहरूले मेला उत्साहपूर्वक अवलोकन गरे । ‘इट्स एन अमेजिङ,’ केही नेपाली शब्दसमेत जानेका मंगोलियाका फस्ट सेक्रेटरी दर्शकदीर्घाबाट भन्दै थिए । लन्डनस्थित नेपाली दूतावासले कूटनीतिज्ञ निम्त्याउन संयोजन गरेको हो ।

तमुहरूको ट्होटे होस् वा लिम्बूको च्याब्रुङ, कौरा र सोरठी … सबै मेलाका आकर्षण थिए । मेलामा ३१ झाँकी प्रदर्शित भए । युवाहरूका पाँच ब्यान्डले गीत–संगीत प्रस्तुत गरे । उक्त अवसरमा एक हजार एक सय पाउन्डको एम्बासडर कप लमजुङ समाज यूकेले जित्यो । झाँकी र नृत्य दुवै प्रस्तुत गरी उत्कृष्ट हुनेलाई उक्त अवार्ड दिइएको हो ।

खाना र च्यारिटीका स्टल, ब्रिगेड अफ गोर्खाजका प्रस्तुति, राफल ड्रले पनि थप आकर्षण थिए । ‘मेला अत्यधिक सफल भएको छ,’ आयोजक तमुधिं यूकेका अध्यक्ष रामचन्द्र (सुर्जे) गुरुङले भने, ‘यसले नेपाली कलासंस्कृति जीवन्त राख्ने मात्र होइन, बेलायत र अन्य देशबीचको सम्बन्ध अरू प्रगाढ बनाउन पनि सहयोग गरेको छ ।’

तमुधिं यूकेका सल्लाहकार एवं एनआरएनए यूकेका पूर्वअध्यक्ष सूर्य गुरुङले मेला व्यवस्थित हुँदै जाँदा दर्शक सहभागिता बर्सेनि बढ्दै गएको बताए । ‘दोस्रो पुस्ता मेलाप्रति आकर्षित हुनु भनेको उनीहरूको नेपाली कला संस्कृतिप्रतिको झुकाव बढ्नु पनि हो,’ उनले भने ।

मिनी नेपाल

महासचिव हरि गुरुङले सञ्चालन गरेको पहिलो औपचारिक सत्रमा मेला संयोजक नन्दजंग गुरुङ, लन्डन बरो अफ ब्रेन्टका डेपुटी मेयर काउन्सिलर भगवानजी चौहान, नेपालका सांसद डा. गणेश गुरुङ लगायतले मेलाको शुभकामना दिए ।

कान्तिपुरबाट

यो पनि हेर्नुस – अस्ट्रेलियाको मिनी नेपाल यस्तो छ

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

साउदीका महिलाले सवारी चलाउन पाउने

साउदीका महिलाले आफै सवारी साधन हाँक्न पाउने भएका छन्...

‘रेलमार्ग सम्झौता दुई देशको सहकार्यको इतिहासमा ज्यादै अर्थपूर्ण’

हरि लामिछाने -नेपाल र चीनले केरुङ–काठमाडौँ रेलमार्ग निर्माणलगायत महत्वपूर्ण...

मिस नेपाल यूएसका लागि आधिकारिक फोटोग्राफरमा श्रेष्ठ नियुक्त

चर्चित फोटोग्राफर (छायाँ चित्रकार) राजिव श्रेष्ठ मिस नेपाल यूएस...

विश्वकप

विश्वकपमा आज हुने खेल (नेपाली समयअनुसार)

रसियामा जारी फिफा विश्वकप फुटबलमा सोमबारबाट दोस्रो चरणको खेल...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK