यूएईमा बस दुर्घटना हुँदा २ नेपाली कामदारको मृत्यु

ENGLISH

NRN GLOBAL

यूएईमा बस दुर्घटना हुँदा २ नेपाली कामदारको मृत्यु

होम कार्की

25 May, 2017 | Bipin Acharya | 1020 Views | comments

संयुक्त अरब इमिरेट्स (यूएई) को दुबईमा बस दुर्घटना हुँदा २ नेपाली कामदारको ज्यान गएको छ भने ६ जना गम्भीर घाइते भएका छन् ।

आबुधाबीस्थित नेपाली दूतावासका अनुसार मृत्यु हुनेमा वासुदेव लामिछाने र चितवनका कृष्णप्रसाद भुसाल छन् । घाइते हुनेमा चारआली झापाका २८ वर्षीय हरि धिमाल, पथरी, मोरङका २४ वर्षीय सागर पराजुली, तनहुँका ३० वर्षीय धनबहादुर गुरुङ, जुगेडी चितवनका २३ वर्षीय टेकप्रसाद गुरुङ, विराटचोक, मोरङका २२ वर्षीय खेमराज कटुवाल र निजगढका २२ वर्षीय गुनाबहादुर अधिकारी छन् । घाइतेको अल जहरा अस्पताल, साउदी जर्मन अस्पताल र न्यु मेडिकल सेन्टरको सघन कक्षमा उपचार भइरहेको छ । उनीहरूको टाउको, छाती र खुट्टामा चोट लागेको छ ।

ट्रान्सगार्ड समूहमा कार्यरत सुरक्षा गार्ड बोकेको बस मोहमद विन जायद र शेख जायद रोड बीचको अल यालाइस सडकखण्डमा मंगलबार दुर्घटना भएको थियो । रात्रिकालीन ड्युटी सकेर उनीहरूलाई क्याम्पमा लैजाने क्रममा बसको टायर पड्किँदा सडकको बीचमा राखिएको बारलाई नाघ्दै ट्रकलाई ठक्कर दिन पुगेको ट्राफिक विभाग, दुबईका निर्देशक सेफ मुहैर मिजरुहीले स्थानीय सञ्चारमाध्यमलाई बताएका छन् ।

दुर्घटनालगत्तै घाइतेलाई एयर एम्बुलेन्समार्फत नजिकको अस्पतालमा लगिएको मिजरुहीले बताए । बसमा ४१ सुरक्षा गार्ड सवार थिए । जसमा अधिकांश घाइते भएका छन् । प्रहरीले बसभित्र च्यापिएका २२ जनालाई उद्धार गरेको थियो । त्यसमा नेपाली, पाकिस्तानी र भारतीय नागरिक थिए । नेपाली दूतावासमा द्वितीय सचिव कृष्ण अर्याल र श्रमसहचारी हीरादेवी यादवले अस्पतालमा पुगी घाइतेको अवस्थाबारे जानकारी लिए । ‘हामीले सबै घाइतेको स्वास्थ्य अवस्था बुझ्यौं,’ अर्यालले  भने,‘सबै खतरामुक्त छन् । दुई जनाको सामान्य शल्यक्रिया गर्नुपर्नेछ ।’

सामान्य घाइते भएका नरेश तरामी मगर, सुन्दर ज्ञावली, सुरेन्द्रसिंह ठगुन्ना र डेगराज मैनाली अस्पतालबाट डिस्चार्ज भइसकेका अर्यालले बताए ।

ती सुरक्षा गार्ड ट्रान्सगार्डमार्फत एटलानटिस तथा क्रिजनेर होटलमा काम गर्थे । एटलानटिसले घटनाप्रति गहिरो दु:ख व्यक्त गर्दै यो कठिन समयमा मृतकका परिवारप्रति हार्दिक समवेदना प्रकट गरेको छ ।

दुबई प्रहरीका अनुसार यो वर्षमा ४९ वटा बस दुर्घटनामा परेका छन् । जसमा ७ जनाको मृत्यु र एक सय घाइते भएका छन् । सन् २०१६ मा १३३ बस दुर्घटनामा परेका थिए । जसमा २४ जनाको मृत्यु र २ सय ५८ जना घाइते भएका थिए ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

छोरेपाटनमा रु १० लाखमा सिसी क्यामरा जडान

पोखराको महत्वपूर्ण पर्यटकीयस्थल छोरेपाटन क्षेत्रको शान्ति सुरक्षालाई दृष्टिगत गरी...

तानसेनलाई पाँचौँ पर्यटकीय गन्तव्यस्थल बनाइने

तानसेनलाई पाँचौँ पर्यटकीय गन्तव्यस्थल बनाइने

आगामी चार वर्षभित्र तानसेन नगरपालिकालाई आन्तरिक पर्यटनका लागि नेपालको...

ढकनीयाको तालमा फूलेको कमल

कञ्चनपुरको शुक्लाफाँटा नगरपालिका–२ ढकनीयाको झारखण्डी(कमलफुले) तालमा फुलेको कमल ।...

माइतीघरमा डा. केसीको समर्थनमा प्रदर्शन : बाबुरामसंगै मनिषा कोइराला सडकमा(फोटो फिचर)

डा. गोविन्द केसीको समर्थनमा राजधानीमा विशाल प्रदर्शन भएको छ...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK