यूएईमा एक महिनामा ४ नेपालीले ज्यान गुमाए

ENGLISH

NRN GLOBAL

यूएईमा एक महिनामा ४ नेपालीले ज्यान गुमाए

28 March, 2016 | Sandeep Bhattarai | 700 Views | comments

रोजगारीका सिलसिलामा यूएई आएका नेपालीहरु अकालमै ज्यान गुमाउनेक्रम पछिल्लो एक महिनामा हृवात्तै बढेको देखिएको छ । सडक पार गर्ने क्रममा, पौडी खेल्ने क्रममा, आत्महत्या र हृदयाघातका कारण एक महिनाको अवधिमा चार जना नेपालीहरुको अकालमा ज्यान गएको छ ।

malaysiya31

झापा जिल्ला, तोपगाछी-७ केराधापका भवनाथ भण्डारी ‘भुपेन्द्र’ को गत महिना समुद्रमा पौडी खेल्ने क्रममा मृत्यु भएको थियो । दुबईको एक सेक्युरिटी कम्पनीमा कार्यरत भण्डारीको शव काठमाडौंका कुमार लामाको सहयोगमा नेपाल पुगिसकेको छ । निजले कम्पनीबाट पाउने तलब, उपदानको करिब चार हजार छ सय दिराम्स रकम नेपाली दूताबासले झापा जिल्ला प्रशासन कार्यालयमार्फत् पाउने गरी पठाइसकिएको दूताबास स्रोतले बताएको छ ।

गत दशैंको बेलामा क्लिनरका रुपमा यूएई आएकी काठमाडौं, नयाँ बस्तीकी सानुमाया तामाङले दुबईको आफ्नै बाथरुममा झुण्डिएर दुई हप्ताअघि आत्महत्या गरिन् । उनको शवलाई नेपाल पठाउन आवश्यक कागजात दूताबासले प्रदान गरिसकेको नेपाली दूताबासका द्वितीय सचिव कृष्ण अर्यालले बताए ।आफ्नै विवाहको लागि सामान खरिद गरी नेपाल जान तयारी गरिरहेकी काठमाडौंकी दीपा राईले पनि सडक पार गर्ने क्रममा गत १८ मार्चमा दुबईको अलकुजमा सवारी साधनको ठक्करबाट अकालमै ज्यान गुमाइन् । एक होटलमा कार्यरत २६ वर्षीया राईसँगै दुर्घटनामा परेेकी अर्की नेपाली युवतीको दुबईमै उपचार भइरहेको छ ।

त्यस्तै गत २५ मार्चमा बाग्लुङ जिल्ला स्थायी घर भएका ३९ वषिर्य प्रदीप थापाको हृदयाघातका कारण मृत्यु भएको छ । विगत ५ वर्षदेखि फुजेराको एक सेक्युरिटी कम्पनीमा कार्यरत थापाका दुई छोरी, एक छोरा र श्रीमती रहेको एनआरएन फुजेरा क्षेत्रका अध्यक्ष कृष्ण गिरीले बताए । आफु कार्यरत कम्पनीमा नेपालीको निधन भएका कारण मृतकको शवलाई नेपाल पठाउन, क्षतिपूर्तिका लागि पहल गर्न सहज हुने उनले बताएका छन् ।

स्मरण रहोस्, एनआरएन यूएई, नेपाली समाज लगायतका सामाजिक संस्थाहरुले सर्वसाधारण नेपालीहरुलाई अकाल मृत्यबाट जोगाउनका लागि जनचेतनामूलक कार्यक्रमहरु गरिरहेका छन् ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

मलेसिया

मलेसियामा ‘विषाक्त’ मदिरा सेवनबाट चार नेपालीको मृत्यु

मेलेसियामा ‘विषाक्त’ मदिरा सेवन गरेका कारण चार नेपाली कामदारसहित...

फुटबलबाटै बाल शिक्षण

फुटबलबाटै बाल शिक्षण

कर्णाली प्रदेशको जुम्लामा स्थापित बालमैत्री एशिया ईन्टरनेश्नल मोडेल ईङ्लिस...

‘धुम–४’ मा अभिषेकलाई नखेलाउने निष्कर्षमा निर्माता

बलिउड अभिनेता अभिषेक बच्चन ‘धुम–४’ मा नदेखिने भएका छन्...

मदनकृष्ण श्रेष्ठको पार्किन्सन्सको शल्यक्रिया

पार्किन्सन्सबाट पीडित मदनकृष्णको दोस्रो शल्यक्रिया

गत भदौ २८ गते वरिष्ठ हास्यकलाकार मदनकृष्ण श्रेष्ठको पार्किन्सन्सको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

FACEBOOK