मुसहर बस्तीको चुहिएको जस्ता फेर्ने भगन्तियाको पहिलो इच्छा

ENGLISH

मुसहर बस्तीको चुहिएको जस्ता फेर्ने भगन्तियाको पहिलो इच्छा

25 May, 2017 | Bhawana Pathak | 925 Views | comments

“पहिले काम मुसहर बस्तीको घरमा जस्ता कुहियो, पानी चुहियो त्यो फेर्छु, अनि अरू काम”, चितवनको रत्ननगरमा शपथ लिने क्रममा भगन्तियाले भनिन् ।

शपथ लिन उनी रातो साडी र रातै ब्लाउमा सजिएकी थिइन् । देख्ने बित्तिकै हँसिलो अनुहारबाट मीठो मुस्कान दिइन् । “चिन्नु भो ? के त अस्ति हाम्रो घरमा आ‘को पत्रकार हैन”, हाँस्दै भगन्तियाले भनिन् । वैशाख २१ गते उनको घरमा पुग्दा भर्खरै गाउँमा मत मागेर आइपुगेकी थिइन् । थकित देखिन्थिन् । तर त्यो थकान उनले जितसँगै भुलेझैँ देखिन्थ्यो ।

निर्वाचन अधिकृत गीता गुरुङबाट पाएको प्रमाणपत्र उनको हातमा थियो, निधारमा रातो टीका टलक्क टल्किएको थियो । “जित्नु भो, अब के गर्नुहुन्छ त ?” मङ्गलबार शपथ लिने तयारीमा रहेकी उनले अगाडि थपिन्, “जस्ता फेरेपछि गाउँमा एउटा शौचालय नबनाई भा छैन । गाउँलेको घरमा झ्याल, ढोका छैन, त्यो पनि फेर्नुछ, अनि मात्रै गाउँको सडक र अरू काम गर्ने हो ।” उनले आफ्नो गाउँ साँँघुरो भएकाले पल्लो पट्टी बस्तीमा सार्ने योजना पनि रहेको सुनाइन् ।

पहिले मुसहर भनेर हेप्नेको पनि नेता भएकोमा उनी खुसी थिइन् । रत्ननगर नगरपालिका–७ मा उनी दलित महिला सदस्यमा जितिन् । वडा नं ८ मा उठेकी बास्मती माझी मुसहरले हारेपछि उनी जित्नेमा एक्ली मुसहर हुन् । अब जनताको काम गर्न पाएकाले खुसी भएकी उनी राम्रो गरेर देखाउने बताउँछिन् । सबैको साथ पाएर जितेकोमा उनले धन्यवाद दिँदै भनिन्, “अब म मुसहरको मात्रै होइन सबैको मान्छे ।”

साबिक बछौली गाविस–७ मालपुरमै जन्मिएकी भगन्तिया अहिले ४३ वर्षकी भइन् । तीन सन्तानकी आमा उनी गाउँकी सामाजिक अगुवा हुन् । श्रीमान वीरझन मुसहर (माझी) सवारी चलाउँछन् । दुई छोरीको बिहे भयो भने छोरा विसुना माझी पनि चालक भइसके । १८ वर्षको उमेरमा बिहे भएको थियो । उनले एउटै कोठामा सपरिवार बस्ने अवस्थाको अन्त्य गर्ने सोच राखेको समेत उल्लेख गरिन् ।

यस्तो छ भगन्तियाको मत
यसपालि पहिलो पटक रत्ननगरमा दुईजना मुसहर चुनावी मैदानमा थिए । रत्ननगर–८ को वडा सदस्य दलित महिलाबाट बास्मती मुसहर र रत्ननगर–७ बाट दलित महिला वडा सदस्यमा भगन्तिया मुसहर (माझी) चुनावी मैदानमा थिए । गत वैशाख ३१ भएको स्थानीय तहको चुनावी परिणाममा भगन्तियाले जितिन् ।

बास्मती माओवादी केन्द्रबाट र भगन्तिया काँग्रेसबाट उठेकी थिइन् । उनीहरुले जिते पनि विकास गर्ने र नजिते पनि विकासै गर्ने योजना बनाएका थिए । तर बास्मतीले हारिन् । भगन्तियाले ८२७ मत ल्याइन् भने उनकी प्रतिद्वन्द्वी एमालेकी माइली सुनारले ७१० मत ल्याइन् ।

बास्मती तीन ठूला दलमध्ये तेस्रोमा परेर हारिन् । उनले १४० मत ल्याउँदा एमालेकी कुमारी विकले ८३१ मतका साथमा विजयी भइन् । प्रतिद्वन्द्वीका रुपमा काँग्रेसकी दुर्गाकुमारी विकले ५४६ मत ल्याइन् ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

धनगढीलाई नमुना सहर बनाउने

जापान बस्ने प्रवासी नेपालीले धनगढीलाई नमुना सहर बनाउने

धनगढीलाई स्मार्ट सिटी बनाउने लक्ष्य अनुरुप नमुना सहर निर्माण...

विश्वकप फुटबलको उपाधि फ्रान्सको पोल्टामा : क्रोएसिया ४-२ ले पराजित

फुटबलको महाकुम्भ विश्वकप २०१८ को उपाधि फ्रान्सले जितेको छ...

संजु फिल्ममा देखाइएको यति ठुलो झुट, संजय दत्तले गरे खुलासा

वर्ष २०१८ को सबैभन्दा ठुलो ब्लकबस्टर बन्दै गरेको निकै...

बेल्जियम विश्वकपमा तेस्रो, इंग्ल्यान्ड २-० ले पराजित (हाइलाईट्स भिडियो)

बेल्जियम विश्वकप फुटबलमा तेस्रो भएको छ । शनिबार राति...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK