मलेसियामा मनाइयो ल्होसार

ENGLISH

NRN GLOBAL

मलेसियामा मनाइयो ल्होसार

6 January, 2017 | Sandeep Bhattarai | 815 Views | comments

ल्होसार

अंग्रेजी नयाँ वर्षको छुट्टीको अवसरमा मलेसियामा पनि तमु ल्होसार भव्य मनाइएको छ । रोजगारी, व्यवसाय लगायत विभिन्न सिलसिलमा मलेसियामा रहेका गुरुङ समुदायको संस्था नेपाल तमु समाज मलेसियाले क्वालालम्पुरको ‘होटल एरेना स्टार’मा आयोजना गरेको कार्यक्रममा नेपालमै झैं ‘गीतगुञ्जन र नाचगान’ गरेर ल्होसार मनाइयो ।

कार्यक्रममा गुरुङ पोशाकमा सजिएका कलाकारहरुले गुरुङ भाषा र अरु नेपाली भाषाका गीत संगीतमा नाचगान गरेर रमाए । कार्यक्रममा प्रमुख अतिथि नेपाली दूतावासका द्वितीय सचीव प्रेमराज गौतमले ल्होसारको अवसरमा परदेशमा रहे पनि आफ्नो परम्परा र संस्कृतिको सम्वर्द्धन गरेर तमु समाजले उल्लेखनीय कार्य गरेको भन्दै सबैलाई ल्होसारको शुभकामना दिए । उक्त अवसरमा उपस्थित विभिन्न संघ संस्थाका प्रतिनिधिहरुले शुभकामना दिए ।

संस्थाका संस्थापक सदस्य एवं सल्लाहकार केश तमुका अनुसार मलेसियामा विगत १४ वर्षदेखि उक्त संस्थाले वर्षेनी ल्होसार कार्यक्रम मनाउँदै आएको छ । व्यस्त दैनिकीबाट अंग्रेजी नयाँ वर्षकै दिनको छुट्टीको मौका छोपेर गरिएको कार्यक्रममा सहभागीहरुले शुभकामना आदनप्रदान मात्रै गरेनन्, नाचगान गरेर रमाए ।

आयोजक संस्था समाजका अध्यक्ष देव तमुले कार्यक्रममा राजधानी क्वालालम्पुरबाहिरका टाढा टाढाका शहर पेनाङ, जोहोरबारु लगायत शहरबाट समेत तमुहरु कार्यक्रममा सहभागी भएको बताए । उक्त अवसरमा समाजले नेपाली दूतावासलाई मायाको ल्होसार विशेष चिनो पनि प्रदान गर्‍यो । कार्यक्रममा विभिन्न व्यक्तिहरुलाई सम्मान गरिएको थियो ।

‘जोहोर पेनाङबाट पनि हाम्रा साथीहरु आउनुभयो । राजधानी केएलमै भेला भएर ल्होसार मनाउने निर्क्योल पहिलै गरेका थियौं’ उनले भने, ‘अंग्रेजी नयाँ वर्षको छुट्टीको सदुपयोग गर्दै सबैजना आउनुभयो, रमाइलै भयो ।’

यसैबीच, अंग्रेजी नयाँ वर्षको छुट्टीकै अवसरमा ओखढुंगा एकता सेवा समाज मलेसियाले क्वालालम्पुरमा शुभकामना आदनप्रदान तथा वार्षिकोत्सव कार्यक्रमको आयोजना गर्‍यो । त्यस्तै नेपाली जनसम्पर्क समिति मलेसियाले पनि चियापान एवं शुभकामना आदनप्रदान कार्यक्रम आयोजना गर्‍यो । मलेसियाका अन्य शहरहरुमा पनि नयाँ वर्षको अवसरमा नेपालीहरु  विभिन्न साँस्कृतिक कार्यक्रमहरु आयोजना गरे र नयाँ वर्षको स्वागत गरे ।

कान्तिपुरबाट

तमू च्ह्य ल्होसार कतारमा भब्यताका साथ सम्पन्न

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

यति एयर

चरा ठोक्किएपछि यति एयरको जहाज आकस्मिक अवतरण

भरतपुरबाट काठमाडौँका लागि आइतबार अपराह्न उडेको यति एयरको जेटस्ट्रिम...

"वर्ल्ड भिलेज फेस्टिबल" फिनल्याण्डमा सम्पन्न

“वर्ल्ड भिलेज फेस्टिबल” फिनल्याण्डमा सम्पन्न

फिनल्याण्डको राजधानी हेल्सिन्किमा मे २६ मा नेपाली समुदायले आफ्नो...

प्रम

समय, देश र जनताले माग गरेअनुसार संविधान संशोधन हुनेछः प्रम

प्रधानमन्त्री केपी शर्मा ओलीले सरकारले जनतालाई अधिकार, अवसर, सुरक्षा...

एल्बम ’एकतर्फी माया’ सार्वजनिक

एल्बम ’एकतर्फी माया’ सार्वजनिक

श्रष्टात्रय गीतकार होम न्यौपाने, संगीतकार दीपक भट्टराई तथा गायक...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK