मलेसियामा नेपालीका आधा दर्जन शव अलपत्र

ENGLISH

NRN GLOBAL

मलेसियामा नेपालीका आधा दर्जन शव अलपत्र

22 September, 2016 | Sandeep Bhattarai | 1095 Views | comments

क्वालालम्पुरः अवैधानिक रूपमा रोजगारीमा रहेकै अवस्थामा मृत्यु भएका आठ नेपालीको शव मलेसियाका विभिन्न अस्पतालमा अलपत्र परेका छन् । आर्थिक अभावका कारण ती शव नेपाल पठाउन समस्या भएको नेपाली दूतावास मलेसियाले जनाएको छ । मृत्यु भएको १ वर्ष भइसक्दा पनि उनीहरूको शव नेपाल पठाउन सकिएको छैन ।

शव

मृतकका परिवारबाट शव नेपाल पठाउँदा लाग्ने रकम जम्मा हुन नसक्दा र यताको रोजगारदाता कम्पनीले शवबारे चासो नदिँदा शव अस्पतालमा अलपत्र परेका हुन् । वैधानिक अवस्थामा मृत्यु भएका नेपालीको शव भने यहाँका रोजगारदाता कम्पनीले नै नेपाल पठाउँदै आएका छन् ।

अवैधानिक हैसियतमा काम गरिरहेका नेपालीको शव भने परिवार वा आफन्तले रकम जम्मा गरेपछि मात्र नेपाल पठाइँदै आएको छ ।वैदेशिक रोजगार प्रवद्र्धन बोर्डले केही शव मलेसियाबाट नेपाल लगेको छ । हालसम्म ९ जना नेपालीको शव बोर्डको खर्चमा नेपाल पठाइएको दूतावासका प्रवक्ता उत्तम शाहीले जानकरी दिए ।

वैदेशिक रोजगार प्रवद्र्धन बोर्डले अलपत्र परेका नेपालीको शव नेपाल लैजान पहल गर्नुपर्ने भए पनि वैदेशिक रोजगार ऐनका कारण समस्या आएको स्रोतले बतायो । अवैधानिक हैसियतमा रहेका नेपालीको मृत्यु रोजगारीकै क्रममा भए उनीहरूको शव नेपाल फर्काउन मन्त्रीपरिषद्को निर्णय चाहिने भएकाले पनि मलेसियामा नेपालीका शव अलपत्र परेका हुन् ।

गत वर्ष सेप्टेम्बरमा मृत्यु भएका खोटाङका दिलबहादुर सार्कीको शव केडाहा अस्पतालमा छ । सोही महिना मृत्यु भएका कालीकोटका लक्ष्मण थापा र झापाका अर्जुन दाहालको शव क्वालालम्पुर अस्पतालमा छ । सुनसरीका श्रवणकुमार चौधारीको शव सेर्डाङ अस्पतालमा छ ।चितवन माडीका राजकुमार विकको शव हालइपो अस्पतालमा छ । उनको पनि रकम अभावका कारण शव नेपाल पठाउन समस्या भएको हो । उनको १ महिनाअघि मलेसियामा मृत्यु भएको हो । मकवानपुरका अक्कलबहादुर मोक्तानको शव क्वालालम्पुर अस्पतालमा ३ महिनादेखि अलपत्र छ । गत जुलाईमा मोक्तानको मृत्यु भएको थियो ।

ठेगाना नखुलेका कारण २ नेपालीको शव २ वर्षदेखि मलेसियाको मलाया युनिभर्सिटी शिक्षण अस्पतालमा अलपत्र छ । भक्तबहादुर नेपाली र धर्मराज नाम गरेका ती नेपालीको शव शिक्षण अस्पतालमा अलपत्र परेका हुन् । उनीहरूको शव गत वर्षको जनवारीदेखि अस्पतालमा छ ।

लामो समयसम्म पनि शव नेपाल पठाउन नसकेपछि अस्पतालले व्यवस्थापन गर्ने वा मेडिकल कलेजले प्रयोग गर्ने अवस्था आएको दूतावास स्रोतले जनाएको छ । मलेसियामा अलपत्र परेका शवबारे नेपाल सरकारका तत्कालीन मन्त्रीहरू दीपक बोहोरा र चन्द्रबहादुर गुरुङलाई मलेसिया भ्रमणका बेला दूतावासले जानकारी गराएको शाहीले बताए ।

२०१५ मा मलेसियामा ४ सय ६१ नेपालीको मृत्यु भएको थियो भने २०१६ को हालसम्म २ सय ६९ जना नेपालीको मृत्यु भएको दूतावासले जनाएको छ । अधिल्लो महिना मात्र २२ जना नेपालीले मलेसियामा ज्यान गुमाएका छन् ।एउटा शव नेपाल फर्काउन १ लाख ५० हजारभन्दा बढी लाग्छ ।

अन्नपुर्ण पोष्टबाट

मलेसियामा एक नेपालीको मृत्यु

 

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

प्रधानमन्त्री ओलीद्वारा चिनियाँ राष्ट्रपतिसँग भेट

प्रधानमन्त्री ओलीद्वारा चिनियाँ राष्ट्रपतिसँग भेट

छ दिने औपचारिक भ्रमणका क्रममा चीनमा रहनुभएका प्रधानमन्त्री केपी...

सरिता सुनुवार

गायिका सरिता सुनुवारको नयाँ गीत ‘कहानी’ सार्वजनिक(भिडियो सहित)

गीत संगीत प्राय सबैलाई मनपर्छ । त्यसैले गर्दा होला...

विश्वकप

विश्वकप २०१८ : ३२ राष्ट्रको पहिलो खेल यस्तो रह्यो…

गत विहिबारबाट विश्वकपको महाकुम्भ रसियामा सुरु भएको छ ।...

विश्वकप

विश्वकप २०१८ : बुधबार हुने तीन खेल (नेपाली समय अनुसार)

रसियामा जारी फिफा विश्वकप फुटबलमा सोमबारबाट दोस्रो चरणको खेल...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK