बेलायतमा नेपाली मुलका पहिलो उम्मेदवार डा. कैनी चुनाव प्रचार प्रसारमा

ENGLISH

NRN GLOBAL

बेलायतमा नेपाली मुलका पहिलो उम्मेदवार डा. कैनी चुनाव प्रचार प्रसारमा

16 May, 2017 | Bipin Acharya | 875 Views | comments

जुनमा हुने बेलायतको संसदीय निर्वाचनका लागि लेबर पार्टीबाट छानिएका नेपाली मुलका पहिलो उम्मेदवार डा. बच्चुकैलाश कैनी यतिखेर चुनाव प्रचार प्रसारमा जुटेका छन् । गत बिहीबार उम्मेदवारको अन्तिम नामावली प्रकाशित भएपछि उनी मतदाता आफूतिर आकर्षित गर्न व्यस्त भएका हुन् । अन्तिम नामावली अनुसार कैनीको क्षेत्र डार्टफोर्डमा लेबर सहित पाँच मुख्य पार्टीका र एक जना स्वतन्त्रउम्मेदवार चुनावीमैदानमा छन् ।

कैनीले आफ्नो निर्वाचन क्षेत्रका निश्चित ठाउंहरु पहिचान गरी घरदैलो अभियान थालिएको जनाए । पहिलो दिन शनिबार करिब २५ जना लेबर पार्टीका सदस्य, पदाधिकारी र स्वयंसेवक उनीसंगै घर दैलोमा व्यस्त रहे ।

कैनीले पोष्टर, पम्प्लेट, लिफ्लेट लगायत सामाग्री छपाइको अन्तिम चरणमा रहेको बताए ।डार्टफोर्ड निर्वाचन क्षेत्रमा करिब ४१ हजार घरधुरीमा रहेका ७५ हजार मतदाता समक्ष चुनाव प्रचार प्रसार सामाग्री र आफ्नो लिफलेट पोष्टबाट पुरयाउनेव्यवस्था उनले मिलाएका छन् । आगामी सातासम्म पोष्टबाट घर घरमा प्रचार सामाग्री पुगिसक्ने उनको विश्वास छ ।

लेबर पार्टीका सदस्य र स्थानीय मतदाताहरुलाई फोन बाट सम्पर्क गरेर मत दिन अनुरोध गर्ने उनले सोचेका छन् । यो कार्यक्रम चुनावको दिनसम्म निरन्तर चल्नेछ । त्यसैगरि चुनाव प्रचार गर्न रेलवे स्टेसन, अस्पताल, पार्क, विद्यालय, क्लब आदि भ्रमण गरी मतदातासंग अन्तरक्रिया गर्ने पनिउनको कार्यक्रम छ ।

सबै नेपाली समुदायको सहभागितामा मे २७ र २८ तारिख एवं जुन ३ र ४ तारिखका दिन लिफलेट बांड्ने उनले बताए । चुनावका दिन जुन ८ माउल्लेख्य स्वयंसेवक र पार्टी सदस्यहरु सहभागी गराई हरेक मतदातालाई भोट हाल्न अनुरोध गरिने कैनीले बताए ।

कैनीले आफ्नो निर्वाचन क्षेत्रमा विशेष गरी अस्पताल र स्कुलमा भएको बजेट कटौतीको असर कम गर्दै सेवा सुधार गर्ने, स्थानीय स्तरमा पूर्वाधार निर्माणलाई तीव्रता दिने, वायु प्रदुषण न्यूनीकरण योजना ल्याउने, सडक जाम हटाउन काम गर्ने, स्थानीय टाउन सेन्टर आकर्षक बनाउने, व्यापार ब्यवसायकालागि आकर्षक योजना ल्याउने आदि मुख्य चुनावी मुद्दा अघि सारेका छन् ।

सत्तारुढ कन्जरभेटिभको पकड क्षेत्रबाट लडेका कैनीलाई चुनाव जितिनेमा पूर्ण विश्वास छ । ‘चुनाव जित्न पक्कै चुनौतीपूर्ण छ तर असम्भव छैन् । म चुनाव जित्ने कुरामा विश्वस्त छु’, उनले भने, ‘मेरो चुनाव जित्ने आधार भनेको मैले केहि वर्षदेखि स्थानीय निकायमा रहेर गरेको काम, स्थानीय जनतासँग घुलमेल हुन सक्ने क्षमता, स्वास्थ्य र शिक्षा क्षेत्रमा मेरो विशेष अनुभव र कार्यकर्ता परिचालन हो ।’

चुनावका लागि कम्तीमा दुई तीन हप्ता छुट्टी लिने उनको योजना छ । यदि उनले चुनाव जिते भने अर्को दिन देखि संसद भवन छिर्छन्नत्र हारेको खण्डमा चुनावपछि फेरि जागिरमा फर्कने उनले सुनाए ।

संसदीय चुनाव प्रचारका लागि नेपालमा भाषण गर्ने प्रचलन हुन्छ । तर, बेलायतमा शान्त वातावरणमा हल्ला नगरी चुनाव गरिन्छ । कुनै सार्वजनिक ठाउँमा पोष्टर पम्प्लेट राख्न मनाही हुन्छ । कसैलाई आफ्नो घरमा पम्प्लेट राख्न भने छुट छ ।

कान्तिपुर बाट

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

धनगढीलाई नमुना सहर बनाउने

जापान बस्ने प्रवासी नेपालीले धनगढीलाई नमुना सहर बनाउने

धनगढीलाई स्मार्ट सिटी बनाउने लक्ष्य अनुरुप नमुना सहर निर्माण...

विश्वकप फुटबलको उपाधि फ्रान्सको पोल्टामा : क्रोएसिया ४-२ ले पराजित

फुटबलको महाकुम्भ विश्वकप २०१८ को उपाधि फ्रान्सले जितेको छ...

संजु फिल्ममा देखाइएको यति ठुलो झुट, संजय दत्तले गरे खुलासा

वर्ष २०१८ को सबैभन्दा ठुलो ब्लकबस्टर बन्दै गरेको निकै...

बेल्जियम विश्वकपमा तेस्रो, इंग्ल्यान्ड २-० ले पराजित (हाइलाईट्स भिडियो)

बेल्जियम विश्वकप फुटबलमा तेस्रो भएको छ । शनिबार राति...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK