बेलायतबाट चुनावका लागि चन्दा माग्दै राजनीतिक दल

ENGLISH

NRN GLOBAL

बेलायतबाट चुनावका लागि चन्दा माग्दै राजनीतिक दल

6 May, 2017 | Bipin Acharya | 870 Views | comments

नेपालको आसन्न स्थानीय निर्वाचनका लागि प्रमुख राजनीतिक दलले प्रवासस्थित भातृ संगठनबाट आर्थिक सहयोग मागेका छन् । केन्द्रलाई प्रत्यक्ष सहयोग पठाउन नभनी नेतृत्वले जिल्लाका उम्मेदवारहरुलाई सहयोग गरिदिन अपिल गरेको हो ।

प्रमुख दलका बेलायतस्थित प्रवासी संगठनहरु अहिले गुपचुप चन्दा संकलनमा जुटेका छन् । विदेशबाट मताधिकार नहुँदा खिन्न देखिने उनीहरु चुनावको सरगर्मीले भने उत्साहित छन् । ‘आफ्नो गाउँ, क्षेत्रका लागि भौतिक, आर्थिक सहयोग गरिदिन अनुरोध आएको छ’, कांग्रेसको प्रवास संगठन नेपाली जनसम्पर्क समिति बेलायतका सल्लाहकार चिरन्जीवी ढकालले भने, ‘व्यक्तिगत तवरबाट के कस्तो सहयोग गर्न सकिन्छ हामी गर्छौं ।’

ढकालले आर्थिक सहयोगबाहेक जनशक्ति परिचालन र पार्टीका पक्षमा लविङ गरिदिन समेत केन्द्रबाट आग्रह भएको बताउँदै बेलायतका कतिपय कांग्रेसीहरु चुनावमा सघाउन नेपाल गइसकेको जनाए ।

नेकपा (एमाले) निकट प्रवासी नेपाली मञ्च बेलायतका अध्यक्ष रामशरण सिम्खडाले प्रचार विभाग प्रमुख योगेश भट्टराईले चुनाव प्रचारप्रसारका लागि आर्थिक सहयोग गरिदिन आग्रह गरेको बताए । ‘तर, यहाँ हामी आफैं चौंथो अधिवेशनमा जुटेकाले संस्थागत सहयोग सम्भव भएन’, सिम्खडाले भने, ‘बरु भूकम्पका बेला हामीले करिब दस लाख रुपैयाँ पार्टीकै खातामा पठाएका थियौं । संविधानसभा र महाधिवेशनका बेला पठाइएन ।’

नयाँ शक्ति निकट अन्तर्रास्ट्रिय नेपाली समाज यूकेका उपाध्यक्ष जगन कार्कीले पनि आफूहरुलाई ‘मुट्ठीदान’दिन परिपत्र आएको बताए । ‘मेरो व्यक्तिगत विचारमा त विदेशबाट हामीले पार्टी नेतृत्वलाई ज्ञान, सीप दिने हो पैसा होइन’, कार्कीले भने, ‘कसैले चुनावका बेला आफ्नो मनपर्ने समूह वा उम्मेदवारलाई चन्दा दिन्छु भन्छ भने त्यो स्वाभाविक पनि हो ।’

राष्ट्रिय प्रजातन्त्र पार्टीको यूके संगठन प्रवासी नेपाली एकता समाज अध्यक्ष रोशन सापकोटाले अनिवार्य नभइ स्वेच्छाले आफ्नो गृह जिल्लामा सहयोग गरिदिन अनुरोध आएको बताए । ‘केन्द्रलाई नदिइ उम्मेदवारलाई सिधै पठाइदिए हुन्छ भन्ने आग्रह छ’, केन्द्रलाई उद्धृत गर्दै सापकोटाले भने, ‘तर, अभिलेखका लागि कहाँ कति पठाएको हो खबर गर्नु भन्ने छ ।’ उनले आफ्नो गाउँ ठाउँका उम्मेदवारलाई सिधैं सहयोग गर्न अन्यथा नहुने पनि बताए ।

नेकपा माओवादी (केन्द्र) जिल्ला समिति बेलायत अध्यक्ष रण केसीले केन्द्रको आव्हानअनुसार चन्दा संकलन अभियान थालिने बताए । ‘अहिले समय कम भएकाले दोस्रो चरणको चिर्वाचनका लागि पठाउने सोचमा छौं’, केसीले भने, ‘केन्द्रबाट स्वतस्फूर्त आर्थिक सहयोग वा नेपाल गएरै सहयोग गर्न आव्हान भएको छ ।’ केसीले चौतर्फी हमला हुँदा पनि पार्टी अध्यक्ष प्रधानमन्त्री पुष्पकमल दाहालले चुनाव गराउन अग्रसर भएको भन्दै उनीप्रति आभार व्यक्त गरे ।

कान्तिपुर बाट

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

धनगढीलाई नमुना सहर बनाउने

जापान बस्ने प्रवासी नेपालीले धनगढीलाई नमुना सहर बनाउने

धनगढीलाई स्मार्ट सिटी बनाउने लक्ष्य अनुरुप नमुना सहर निर्माण...

विश्वकप फुटबलको उपाधि फ्रान्सको पोल्टामा : क्रोएसिया ४-२ ले पराजित

फुटबलको महाकुम्भ विश्वकप २०१८ को उपाधि फ्रान्सले जितेको छ...

संजु फिल्ममा देखाइएको यति ठुलो झुट, संजय दत्तले गरे खुलासा

वर्ष २०१८ को सबैभन्दा ठुलो ब्लकबस्टर बन्दै गरेको निकै...

बेल्जियम विश्वकपमा तेस्रो, इंग्ल्यान्ड २-० ले पराजित (हाइलाईट्स भिडियो)

बेल्जियम विश्वकप फुटबलमा तेस्रो भएको छ । शनिबार राति...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK