बदररहित मतदानका लागि मतदाता शिक्षा कार्यक्रम

ENGLISH

POLITICS

बदररहित मतदानका लागि मतदाता शिक्षा कार्यक्रम

17 May, 2017 | Bhawana Pathak | 670 Views | comments

स्थानीय निकायको निर्वाचनमा ‘बदररहित मतदान’ गराउने उद्देश्यले मोरङमा विभिन्न प्रकारका मतदाता शिक्षा कार्यक्रम थालिएको छ ।
मतदातालाई नाटकको माध्यमबाट मतदानको विधि सिकाउनुका साथै एफएम, पत्रपत्रिकाका साथै प्रत्येक वडामा मतदाता शिक्षिका कार्यक्रम सञ्चालन गरिएको पूर्वाञ्चल क्षेत्रीय निर्वाचन कार्यालय विराटनगरले जनाएको छ ।

ग्रामीण क्षेत्रका जनतालाई नाटकको माध्यमबाट आकर्षित गरी मतदान गर्ने विधिबारे र मतपत्र पट्याउने प्रक्रियाबारे जानकारी गराउने मतदाता शिक्षा कार्यक्रम सम्पन्न भएको छ । यस जिल्लाका १७ वटा निकायमा १८ पटकसम्म ‘जेठ ३१ गते भ्याँउदिन, भोट हाल्न जान्छु’ शीर्षकको नाटक गुरुकुल आरोहणद्वारा नृत्य मञ्चन गरिएको हो ।

करिब आधा घन्टासम्म नृत्य देखाएपछि मतदान कसरी गर्ने, मतपत्र कसरी पट्याउनेलगायतका विषयमा जानकारी गराइएको सो कार्यालयका प्रमुख प्रेमप्रसाद सञ्जेलले जानकारी गराउनुभएको छ । सो नृत्य कार्यक्रमप्रति जनतामा आकर्षण देखिएपछि सुनसरीका १२ वटै निकायमा र झापाका तीनवटा निकायमा समेत सो नाटक मञ्चन गरिएको हो ।

यसका साथै सो नाटक सप्तरी र सिरहामा जेठ ३ गतेदेखि ८ गतेसम्म मञ्चन हुने सो कार्यालयका प्रमुख सञ्जेलले थप्नुभयो । २०७० सालको संविधानसभाको निर्वाचनमा झापा, मोरङ, सुनसरी, सिरहा र सप्तरीमा अन्य जिल्लाको तुलनामा बढी मत बदर भएकाले ती जिल्लामा बढी ध्यान केन्द्रित गरिएको बताइएको छ ।

जेठ ३१ गते हुन गइरहेको निर्वाचनका लागि जेठ ५ गतेदेखि पुनः जिल्लाको प्रत्येक वडामा मतदाता शिक्षा कार्यक्रम पुनः सुचारु हुने भएको छ । प्रत्येक वडा कार्यालयका प्रमुख मतदाता शिक्षा सुपरीवेक्षकको रुपमा रहेका छन् र जिल्लाका १७ वटा स्थानीय निकायका १५९ वटा वडाका लागि ६४० जना मतदाता शिक्षा कार्यकर्ता खटाउन लागिएको छ ।

प्रथम चरणको निर्वाचनमा काठमाडौँमै करिब १० प्रतिशत मत बदर भएको समाचार प्रसारित भइरहेकाले अब थप बढी सजगताका साथ मतदाता शिक्षा कार्यक्रम सञ्चालन गर्न लागिएको प्रमुख सञ्जेलले जानकारी गराउनुभयो ।

यसैबीच, रङ्गेलीमा गत आइतबार ‘नमुना मतदान अभ्यास’ कार्यक्रम भव्य रुपमा सम्पन्न भएको छ । समाजका विभिन्न वर्गका २० जनाले मतदान गरेकामा एउटा पनि मत बदर नभए पनि मतपत्र पट्याउनमा अधिकांशले गल्ती गरेको देखिएको प्रमुख सञ्जेलले जानकारी गराउँदै जेठ ५ गते विराटनगरको गुदरीमा पनि सो अभ्यास कार्यक्रम गर्न लागिएको बताउनुभयो ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

तानसेनलाई पाँचौँ पर्यटकीय गन्तव्यस्थल बनाइने

तानसेनलाई पाँचौँ पर्यटकीय गन्तव्यस्थल बनाइने

आगामी चार वर्षभित्र तानसेन नगरपालिकालाई आन्तरिक पर्यटनका लागि नेपालको...

ढकनीयाको तालमा फूलेको कमल

कञ्चनपुरको शुक्लाफाँटा नगरपालिका–२ ढकनीयाको झारखण्डी(कमलफुले) तालमा फुलेको कमल ।...

माइतीघरमा डा. केसीको समर्थनमा प्रदर्शन : बाबुरामसंगै मनिषा कोइराला सडकमा(फोटो फिचर)

डा. गोविन्द केसीको समर्थनमा राजधानीमा विशाल प्रदर्शन भएको छ...

सरकारले जुम्लामा गोली चलाएको छैन् : उपप्रधानमन्त्री पोखरेल

सरकारले जुम्लामा गोली चलाएको छैन् : उपप्रधानमन्त्री पोखरेल

उपप्रधान एवं रक्षामन्त्री ईश्वर पोखरेलले जुम्लामा डा गोविन्द केसीलाई...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK