फ्रान्सको यूरोप फिर्ती

ENGLISH

WORLD

फ्रान्सको यूरोप फिर्ती

18 May, 2017 | Bhawana Pathak | 715 Views | comments

फान्समा सम्पन्न राष्ट्रपतिको निर्वाचनको परिणामको पूर्ण प्रभाव बुझ्न केही समय लाग्नेछ । तथापि इमान्यूएल माक्रोँको विजय फ्रान्सका लागि मात्र नभएर समग्र यूरोपकै लागि उल्लेखनीय रहेको हामीले थाहा पाइसकेका छौं ।

केहीका लागि माक्रोँको विजय यूरोपलाई हालै छोएको जनवादी छालबाट फ्रान्स अलग भएको कुराको प्रतिनिधित्व हो । संयुक्त अधिराज्यको बे्रक्जिट र अमेरिकी राष्ट्रपति डोनाल्ड ट्रम्पको निर्वाचन पछि जनवादले यूरोपियन यूनियनमाथि अस्तित्वको खतरा निम्त्याउने काम गरेको छ । माक्रोँको विजयको अर्थ जनवादी जोखिम समाप्त भएको अर्थ नलागे तापनि यसले त्यस्ता शक्तिहरुलाई नियन्त्रण गर्न सकिने रहेछ भन्ने कुरा देखाएको छ । र फ्रान्समा जनवादलाई नियन्त्रण गरिएको तथ्य अन्य यूरोपेली देशहरुका लागि राम्रो समाचार हो ।

माक्रोँको निवार्चनले अर्थ किनपनि राख्छ भने त्यसले फ्रान्सप्रतिको विश्व धारणालाई सम्भवतः परिवर्तन गरिदिने छ । माक्रोँ अघिका राष्ट्रपति फ्रान्स्वा ओलाँदले कुटनैतिक सक्रियतावादको नीति अवलम्बन गरे जसअनुसार उनले विशेषगरी अफ्रिकाको मालीमा इस्लामिक विस्तारवादविरुद्व र इस्लामिक स्टेटविरुद्वको लडाइँमा उल्लेखनीय योगदान पुर्याउने काम गरे ।

तर ओलाँदको विदेश नीतिले विश्वमञ्चमा कमजोर हुँदै गइरहेको फ्रान्सको खस्किँदो अर्थतन्त्रलाई अझ कमजोर बनाउने काम गर्यो । यो विशेषगरी यूरोपेली तहमा स्पष्ट देखियो, जहाँ फ्रान्स र जर्मनीबीचको बढ्दो असन्तुलनका कारण जर्मनीको मितव्ययी नीतिहरुलाई टक्कर दिने कुरा फ्रान्सका लागि असम्भवप्रायः भएको छ ।

माक्रोँको एउटा सबल पक्ष भनेको उनले एउटा अत्यावश्क कुरा बुझेका छन् ः यूरोपसँगको फ्रान्सेली नीतिमा कुनै पनि परिवर्तन ल्याउनका लागि फ्रान्सको अर्थतन्त्रलाई सुदृढ बनाउन आवश्यक छ । यूरोपविरुद्ध प्रहार गर्दै सबै घरेलु समस्याका लागि इयूलाई दोष दिने अन्य वामपन्थी नेताहरु भन्दा फरक माक्रोँ संरचनागत सुधारलाई कार्यान्वयन गर्ने आफ्नै असक्षमताका कारण फ्रान्स कमजोर भएको कुरामा विश्वास गर्छन् । वास्तवमै यूरोपेली देशहरुमध्ये फ्रान्सको औसतभन्दा तलको आर्थिक वृद्धि छ र वेरोजगारी विरुद्ध लड्ने नीति सबैभन्दा कमजोर छ ।

माक्रोँमा भएको नयाँ कुरा भनेको उनले यो तर्कलाई निर्वाचन प्रचारप्रसारको क्रममा स्पष्टसँग अभिव्यक्त गर्न सके तर अन्य नेताहरु स्वार्थवश यूरोपको प्रतिरक्षा गर्नबाट टाढै रहे । विस्तृत आर्थिक सुधार विना यूरोपको अवस्थामा परिवर्तन ल्याउन वा फ्रान्स–जर्मन सम्बन्धमा सन्तुलनलाई पुनःस्थापित गर्न असम्भव रहेको कुरामा माक्रोँ विश्वास गर्दछन् ।

तर माक्राँको निर्वाचनले फ्रान्स र जर्मनीबीच रहेको सबै विवादहरुलाई समाधान गर्नेछ भन्ने कुरा कसैले सोच्नु हुँदैन । यूरोपमा आर्थिक शासनको भविष्यबारे दुई देशको दूरदृष्टिमा उल्लेखनीय भिन्नता रहेको छ । र जर्मनी भन्दा फ्रान्स सङ्घीयतातर्फ बढी ढल्कन सक्ने सम्भावना पनि रहेको देखिन्छ, जुन कुरा जनविश्वास विपरित हो ।

फ्रान्सले वास्तविक यूरोजोन बजेटको माग गरेको छ भने जर्मनी आपतकालीन अवस्थामा मात्र प्रयोग गर्न सकिने साधारण यूरोपेली मुद्रा कोषको पक्षमा रहेको छ । यूरोपेली बजेट तर्जुमा गरेर जर्मनहरु आफ्ना हात बाँध्न चाहँदैनन्, किनभने उनीहरु यूरोपसँग आर्थिक रुपले बढी एकीकृत हुन वास्तवमै चाहँदैनन् ।

माक्रोँ भने अझ गहिरो यूरोपेली एकतालाई समर्थन् गर्छन् किनभने इयूको नीति निर्माणमा जर्मनीको प्रभुत्व हटाउने यो एउटै मात्र उपाय हो भन्ने कुरा उनलाई थाहा छ । तर अघिल्ला राष्ट्रपतिहरु विशेषगरी निकोलास सारकोजी जस्तै माक्राँे फ्रान्स र जर्मनीबीच देखावटी समानता मात्र सिर्जना गर्न चाहँदैनन् । वास्तविक समानता नै फ्रान्सको आर्थिक शक्तिलाई सुदृढ गर्ने आधार हो भन्ने कुरामा उनी विश्वास गर्छन् । त्यसैकारण, माक्रोँको नेतृत्वमा फ्रान्स वास्तवमै पुनस्र्थापित हुनसक्यो भने फ्रान्स र जर्मनीबीचको सम्बन्ध झन तनावपूर्ण हुनसक्ने सम्भावनालाई नकार्न सकिंदैन ।

माक्रोँको विचारमा फ्रान्सले जर्मनीले पनि त्यही गरोस् भन्ने चाहन्छ भने आफूलाई पहिला परिवर्तन गर्नुपर्छ । स्वदेशमा अत्यावश्यक सुधारहरु अवलम्बन गरेर माक्रोँको सरकारले यूरोपको आर्थिक समस्यालाई सम्बोधन गर्न कदम चाल्न जर्मनीमाथि दवाब दिन सक्छ । सम्भवतः माक्रोँले जुन महिनामा राष्ट्रिय सभाको निर्वाचन भए लगत्तै फ्रान्सको श्रम ऐनमा सुधारको प्रस्ताव गर्नेछन् । सुधार पारित भएमा त्यसले लगानीकर्ताको आत्मबल बढाउने र रोगी फ्रान्सको तस्विरलाई पनि हटाउने काम गर्नेछ ।

तर यूरोप माक्रोँको रणनीतिक प्राथमिकताको विषय रहे तापनि उनले अन्य मुद्दाहरु जस्तै रुससँग फ्रान्सको सम्बन्धलाई पनि सम्बोधन गर्नुपर्छ । यस विषयमा पनि माक्रोँ राष्ट्रपतिका अन्य उम्मेद्वार भन्दा फरक थिए यो अर्थमा कि उनले रुसी राष्ट्रपति भ्लादिमीर पुटिनसँग समान व्यवहार गर्ने वाचा गरेका छन् । परम्परागत रुपमा रुसप्रतिको फ्रान्सको झुकावको परिप्रेक्षमा यो उल्लेखनीय कुरा हो ।

स्वभाविक रुपमा माक्रोँले पुटिन सरकारसँग काम गर्ने प्रयास गर्नेछन् । तर फ्रान्सको आन्तरिक मामिलामा रुसी हस्तक्षेपलाई उनले बिर्सने छैनन् । निवार्चनको अन्त्यतिर माक्रोँको चुनावी प्रचारप्रसार विरुद्ध भएको साइबर आक्रमणमा के्रमलिनको स्पष्ट भूमिका थियो भने नेसनल फ्रन्टकी नेतृ तथा माक्रोँका प्रतिद्धन्द्धी मेरिन ल पेँलाई रुसले खुला रुपमा समर्थन गरेको थियो ।

देशको वैदेशिक नीति निर्वाचन र राष्ट्रपतिको पद भन्दा पनि दीर्घकालीन विषयहरुले निर्धारण गरिनुपर्छ भन्ने कुरा स्पष्ट छ । फ्रान्सको विदेश नीतिका मुख्य पक्षहरु आउँदा बर्षहरुमा परिवर्तन हुने छैनन् । तर एउटा निकै पुरानो देशको युवा नेताका रुपमा आफ्नो पदको लाभ माक्रोँले उठाउने छन् ।

फ्रान्सका लागि आफ्नो दूरदृष्टि र इयू समर्थित स्पष्ट एजेण्डाका साथ माक्राँे यूरोपको अर्थतन्त्रलाई पुनस्र्थापित गर्ने र फ्रान्स–जर्मनी सम्बन्धलाई सन्तुलित बनाउने नेता बन्न सक्छन् । र यसलाई सम्भव बनाउन उनले यूरोपमा कुटनीतिक र सन्य नेताका रुपमा फ्रान्सको ऐतिहासिक भूमिकालाई पुनस्र्थापित गर्न आवश्यक छ । यदि उनी सफल भएमा अझ बलियो यूरोपको उदय हुनेछ, र त्यो सम्पूर्ण विश्वकै लागि लाभदायक हुने पक्का छ । लाइदी पेरिसमा विज्ञानका प्राध्यापक हुन् र फ्रान्सका भूतपूर्व प्रधानमन्त्री म्यानूएल भाल्सको राजनीतिक सल्लाहकारका रुपमा रहेका थिए । (प्रोजेक्ट सिन्डिकेट÷रासस । अनुवाद ः मनोज कार्की)

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

धनगढीलाई नमुना सहर बनाउने

जापान बस्ने प्रवासी नेपालीले धनगढीलाई नमुना सहर बनाउने

धनगढीलाई स्मार्ट सिटी बनाउने लक्ष्य अनुरुप नमुना सहर निर्माण...

विश्वकप फुटबलको उपाधि फ्रान्सको पोल्टामा : क्रोएसिया ४-२ ले पराजित

फुटबलको महाकुम्भ विश्वकप २०१८ को उपाधि फ्रान्सले जितेको छ...

संजु फिल्ममा देखाइएको यति ठुलो झुट, संजय दत्तले गरे खुलासा

वर्ष २०१८ को सबैभन्दा ठुलो ब्लकबस्टर बन्दै गरेको निकै...

बेल्जियम विश्वकपमा तेस्रो, इंग्ल्यान्ड २-० ले पराजित (हाइलाईट्स भिडियो)

बेल्जियम विश्वकप फुटबलमा तेस्रो भएको छ । शनिबार राति...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK