फिल्म ’रणवीर’ को मोसन पोष्टर सार्वजनिक(भिडियो सहित)

11 October, 2018 | Sandeep Bhattarai | 4125 Views | comments

माघ १८ गतेलाई रिलिज डेट सार्वजनिक गर्दै फिल्म ’रणवीर’ युनिटले मोसन पोष्टर सार्वजनिक गरेका छन् । सार्वजनिक पोष्टरमा फिल्मको एन्टागोनिस्ट र प्रोटागोनिस्ट बीचको द्वन्दलाई देखाइएको छ ।

’ऐश्वर्य’ मार्फत चर्चामा आएका प्रशान्त ताम्राकारसँगै सुशिल सिटौला एन्ग्री लुक्समा देखिएका छन् । एक्सन , सस्पेन्स र थ्रिल मिश्रित फिल्मको मोसन पोष्टर युट्युबमा सार्वजनिक गरिको छ भने हलमा टिजर रिलिज गरिएको छ ।

फिल्ममा शीर्ष भूमिकामा सुशील सिटौला रहेका छन् । उनले फिल्मकै लागि आफ्नो शरीरमा बदलाव समेत ल्याएका छन् , जसलाई सार्वजनिक भिडियो सामाग्रीले प्रस्ट्याउने विश्वास निर्माण टीमको रहेको छ । सुशीलसँगै फिल्ममा प्रशान्त ताम्राकार, हरिहर शर्मा, नरेश पौड्याल, टिका पहाडी, रवी गिरी, जीवन भट्टराई, बसन्ती भट्ट लगायतको अभिनय रहेको छ ।

यसैफिल्म मार्फत मोडलिङमा आफ्नो छुटै पहिचान बनाउन सफल शुभेच्छा खड्का र सुपुश्पा भट्ट फिल्मनगरीमा डेब्यु गर्दैछन । शिक्षित युवाले समाजमा गर्ने संघर्षको कथालाई लिएर निर्माण भएको फिल्मलाई गोविन्दसिंह भण्डारीले निर्देशन गरिरहेका छन् । फिल्म ‘गाँजा बाजा’ प्रोड्युसर दिपेन्द्र रेग्मी र गोमा विष्टले संयुक्त रुपमा ‘रणवीर’ निर्माण गरिरहेका छन् । महेश पौडेलको छायाँकन रहने फिल्ममा चन्द्र पन्तको द्वन्द, हर्कुलस बस्नेत, सुशान्त गौतम र अमित श्रेष्ठको संगीत रहनेछ । गम्भिर विष्ट र सुरेन बसेल फिल्मको कोरियोग्राफर रहेका छन् ।

गोविन्द सिंह भण्डारी – फिल्मको मोसन पोष्टर मार्फत हामीले एउटा कथालाई देखाउने प्रयास गरेका छौ । एक्सन , सस्पेन्स र थ्रिल मिश्रित फिल्मलाइ हामीले पूर्ण मनोरन्जनात्मक बनाउने कोसिस गरिरहेका छौ । फिल्ममा केहि नयाँ पन पनि महसुस गर्नु हुनेछ , प्रस्तुतिको हिसाबले ।

मोसन पोष्टर –

चलचित्र ‘वीराङ्गना’ को पोष्टर सार्वजनिक

• #कलामनोरंजन
• #कलिउड
• #नेपाली फिल्म
• #फिल्म ’रणवीर’ को मोसन पोष्टर सार्वजनिक(भिडियो सहित)