प्रवासी नेपाली अमेरिका द्वारा संविधानको स्वागत

ENGLISH

NRN GLOBAL

प्रवासी नेपाली अमेरिका द्वारा संविधानको स्वागत

19 September, 2015 | Sandeep Bhattarai | 730 Views | comments

नेपालमा संविधान पारित भएको र घोषणा गर्ने कार्यक्रमसँगै अमेरिकामा रहेका नेपालीसमेत हर्षित भएका छन् ।

संविधानसभाले प्रवासमा रहेका नेपालीलाई समेत राजनीतिक अधिकारबाहेकको नेपाली नागरिकता प्रदान गर्ने व्यवस्था गरेको र सात दशक लामो सपना पूरा भएकामा अमेरिकामा रहेका विभिन्न सङ्घसंस्थाले विविध कार्यक्रम गरी संविधानको स्वागत तथा खुसियालीको कार्यक्रम गर्न लागेका छन् ।

नेपाली जनसम्पर्क समिति अमेरिकाका अध्यक्ष आनन्द विष्टले हामी प्रवासी नेपालीको माग केही हदसम्म सम्बोधन हुनु स्वागतयोग्य छ भन्दै आगामी दिनमा संविधान सबैको हो भन्ने बनाउन सम्पूर्ण दललाई समेत भोलिका दिनमा मिलाएर लैजानुपर्ने बताउनुभयो । संविधान जारी हुने खुसियालीमा अमेरिकाभर रहेका छब्बीस वटा च्याप्टरलाई नै स्थानीय सङ्घसंस्थासँग मिलेर दीपावाली वा कुनै प्रकारका कार्यक्रम गर्न अनुरोध गरिएको उहाँले बताउनुभयो ।

प्रवासी नेपाली मञ्च अमेरिकाका अध्यक्ष सञ्जय थापाले नेपाली जनताको सात दशकदेखिको चाहना पूरा हुनु, सामाजिक, आर्थिकलगायत सुविधासहितको दोहोरो नागरिकता प्रदान गरिनु, सबैले केही न केही पाएको अत्यन्तै लोकतान्त्रिक संविधान बन्नु स्वागतयोग्य छ भन्नुभयो ।

थापाले संविधानमा केही कमजोरी भएमा आगामी दिनमा संशोधन गर्दै जान सकिने भएको हुँदा यो खुसीको घडीमा सम्पूर्ण १२ वटा च्याप्टरलाई नै स्थानीय सङ्घसंस्थासँग मिलेर दीपावली वा अन्य कार्यक्रम गर्न अनुरोध गरिएको बताउनुभयो ।
नेपाल–अमेरिका पत्रकार सङ्घ (नेजा) का अध्यक्ष गौतम दाहाललेसंविधान सहमतिको दस्तावेज भएको हुँदा क्रमशः सबैका आवाजलाई समावेश गर्दै जान सकिने हुँदा देशलाई हामी सबैले मिलेर नयाँ आयाममा लैजानुपर्ने बताउनुभयो ।

एनआरएनएका सोनाम लामाले स्थापनाकालदेखि उठाइएको दोहोरो नागरिकताको प्रावधान पाइएकामा संविधानसभालाई धन्यवाद दिँदै न्युयोर्कमा संविधान जारी हुने दिन चियापानको कार्यक्रम राखिएको बताउनुभयो ।

एनआरएन अमेरिकाका अध्यक्ष डा केशव पौडेलले संविधानलाई समयानुकूल परिमार्जन गर्दै जानुपर्ने बताउँदै संविधान जारी हुने दिन सम्पूर्ण एनआरएनका पदाधिकारी र सदस्यलाई स्थानीय सङ्घसंस्थासँग सहकार्य गर्दै विविध कार्यक्रम गर्न अनुरोध गरिएको बताउनुभयो ।

युएस नेपाल चेम्बर अफ कमर्सका कावा सभापति सानुबाबु सिलवालले आफूहरुले नेपालको शान्ति र स्थायित्वका लागि हरपल कामना गरिरहेको र नेपालमा स्थायी शान्ति भएमा नेपाली आफूसँग भएका स्रोत साधन, अनुभव, ज्ञान, सीप, प्रविधि, शिक्षा बोकेर आफ्नै मातृभूमि फर्कन सुरु गर्ने छन् भन्ने धारणा राख्नुभयो ।

अमेरिकाका नेपालीको पुरानो संस्था नासाका भर्खरै निर्वाचित अध्यक्ष विमल नेपालले नयाँ नेपाल निर्माणमा साथ दिन संसारभरका प्रवासी एवम् अमेरिकी नेपाली तत्पर छन् भन्नुभयो । नासाका नवनिर्वाचित महासचिव एवम् सञ्चारकर्मी शिव विष्टले प्रवासी नेपालीको चाहना नेपालको शान्ति र समुन्नति रहेको विचार राख्नुभयो ।

अमेरिकामा नयाँ नेपालको संविधान घोषणा हुने दिन नेपालीको बस्ती भएका प्रायः सबै सहरमा विभिन्न सङ्घसंस्थाको आयोजनामा दीपावली कार्यक्रम गरिने थाहा भएको छ । न्युयोर्कलगायत ठाउँमा जनसम्पर्क समिति अमेरिका र प्रवासी मञ्च अमेरिकाले अन्य सङ्घसंस्थासँगै दीपावलीको कार्यक्रम गर्दैछन् ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

पोर्चुगलबाट नेपाली पत्रिका प्रकाशन

युरोपेली मुलुक पोर्चुगलबाट ‘हाम्रो नेपाल’ नामक पत्रिका प्रकाशन शुरु...

दशैं

राष्ट्रपति, उपराष्ट्रपति र नेताहरुबाट बडादशैँको शुभकामना

असत्यमाथि सत्यको विजयका रुपमा लिइने हिन्दु धर्मावलम्बीको महान् चाड...

pm-oli

दशैँका अवसरमा प्रमको शुभकामना सन्देश :सानातिना विषय उधिनेर आपसी द्वन्द्व बढाउने समय होइन

प्रधानमन्त्री केपी शर्मा ओलीले सानातिना विषय उधिनेर आपसी द्वन्द्व...

आज विजयादशमी : टीकाको साइत ०९ः५१ मा

आज आश्विन शुक्ल दशमी अर्थात् नेपालीहरुको महान् चाड विजयादशमी...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK