प्रथम एसियाली नेपाली साहित्य सम्मेलन तथा विश्व काव्य गोष्ठी सम्पन्न

ENGLISH

NRN GLOBAL

प्रथम एसियाली नेपाली साहित्य सम्मेलन तथा विश्व काव्य गोष्ठी सम्पन्न

जीवन खत्री, सौल

11 May, 2017 | Bipin Acharya | 1405 Views | comments

अन्तर्राष्ट्रिय नेपाली साहित्य समाज कोरिया च्याप्टरले राजधानी सौलमा मे ६ देखि गरेको दुईदिने कार्यक्रममा विभिन्न सत्र सञ्चालन गर्दै प्रथम एसियाली नेपाली साहित्य सम्मेलन तथा विश्व काव्य गोष्ठी सम्पन्न भएको छ ।

पहिलो दिनको पहिलो सत्रमै चार वटा कार्यपत्र प्रस्तुत गर्दै त्यसमाथि विमर्श गरियो । नेपालबाट उपस्थित भएका प्रा. डा. खगेन्द्रप्रसाद लुइँटेलको ‘मानक नेपाली भाषा, आवश्यकता र चुनौती एवं हालसम्मका प्रगति’, हङकङबाट सहभागी देश सुब्बाको ‘नेपाली साहित्यमा भयवाद’, सिक्किमबाट आएकी डा. पुष्पा शर्माको ‘भारतमा नेपाली साहित्यको चर्चा’ र अष्ट्रेलियाबाट आएका भीमसेन सापकोटाको ‘सकारात्मक सोच र नेपाली साहित्यमा यसको आवश्यकता’ शीर्षकका कार्यपत्र प्रस्तुत गरिएको थियो ।

डा. लुइँटेलले कार्यपत्रमा नेपाली भाषाको महत्वलाई स्पष्ट पार्दै यसको मानक स्वरुपको संरक्षणमा जोड दिएका थिए । कार्यपत्रहरूमाथि कवि जीवन खत्री र प्रमोद सारङ्गले छलफल चलाएका थिए ।

दोस्रो सत्रमा एसिया स्तरमा नेपाली साहित्यको गतिविधि तीव्र पार्ने उद्देश्यले ६ सदस्यीय अनेसास एसिया कमिटिको गठन गरियो । कमिटिमा प्रकाश माइलाको अध्यक्षतामा डा. पुष्पा शर्मा, कृष गुल्मेली बाबु, देश सुब्बा र भीमसेन सापकोटा रहेका छन् ।

दोस्रो तथा अन्तिम दिन जापान, नेपाल, हङकङ, भारत, अष्ट्रेलिया, अमेरिका लगायतका देशहरूबाट प्रतिनिधित्व गरेका तथा कोरियामा रहेका साहित्यकर्मीहरूको बीचमा कार्यक्रमको उद्घाटन समारोह भयो ।

पदम विश्वकर्माको सभापतित्व तथा प्रा. डा. खगेन्द्रप्रसाद लुइँटेलको प्रमुख आतिथ्य रहेको सो समारोहमा नेपाली दूतावासका कार्यवाहक राजदूत किरण शाक्य, अनेसासका केन्द्रीय अध्यक्ष पदम विश्वकर्मा लगायत अतिथि थिए । दोस्रो सत्रमा उपस्थित स्रष्टाहरूले करिब तीन घण्टा कविता, गीत, गजल, मुक्तक लगायत सिर्जना सुनाए ।

कोरियाका लागि नेपालका कार्यवाहक राजदूत शाक्यले दूतावासमा नेपाली पुस्तकालय निर्माण गर्ने र नेपालका राम्रा पुस्तकहरू कोरियन भाषामा अनुवाद गरी प्रकाशनको लागि पहल समेत गर्ने बताए ।

कार्यक्रममा भयवादका पवर्तक देश सुब्बा, नेपाली मानक भाषाका अभियन्ता डा. लुइँटेल, संगीतकार डि.आर. अटु, डा. पुष्पा शर्मा लगायतलाई अनेसास र आयोजक च्याप्टरले सम्मान गरेको थियो ।

सम्मेलनले कार्यपत्रमाथि उठेका विषयवस्तु, प्रवासी साहित्यिक कार्यक्रम, नेपाली भाषा-साहित्यको लागि प्रवासी योगदान लगायत विषयमा पाँचबुँदे सौल घोषणापत्र समेत पारित गरेको छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

भारतका पूर्व प्रधानमन्त्री अटल बिहारी वाजपेयीको ९३ वर्षको उमेरमा निधन

भारतका पुर्वप्रधानमन्त्री अटल बिहारी वाजपेयीको बिहीबार पाँच बजेर ५...

साफ

महिला यू-१५ साफ फुटबल सेमिफाइनल : भारतसंग नेपाल २-१ ले पराजित

भुटानमा जारी दोस्रो यू–१५ साफ च्याम्पियनसीप महिला फूटबलमा नेपाल...

फुटबल

एसियाड फुटबलमा नेपाल भियतनामसंग २-० ले पराजित

इन्डोनेसियामा जारी १८ औं एसियन गेम्स अन्तर्गत पुरुष फुटबलमा...

नेपाल फिफा वरियतामा १६१ औं स्थानमा यथावत

विश्व फुटबल महासंघ (फिफा) को नयाँ वरियतामा नेपाल १...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

जापानको हिरोसीमाका बाढी पीडितलाई नेपालीले गरे श्रमदान सहितको आर्थिक सहयोग

जापानमा बस्ने नेपालीहरुले बाढी पीडितहरुलाई सहयोग गरेका छन् ।...

FACEBOOK