पचहत्तर जलविद्युत् आयोजनालाई सम्मान गरिने

ENGLISH

पचहत्तर जलविद्युत् आयोजनालाई सम्मान गरिने

16 July, 2017 | Bhawana Pathak | 1540 Views | comments

जलविद्युत् क्षेत्रमा निरन्तर क्रियाशील हुँदै आएका सरकारी तथा निजी क्षेत्रका प्रवद्र्धकलाई विद्युत् विकास विभागले सम्मान गर्ने भएको छ ।

विभाग स्थापनाको २४ वर्षको अवसरमा आयोजना गर्न लागिएको कार्यक्रममा नेपाल विद्युत् प्राधिकरणका आयोजना र निजी क्षेत्रका गरी पचहत्तर आयोजनालाई सम्मान गर्न लागिएको हो । विभागले आइतबार विभिन्न कार्यक्रमको आयोजना गरी आफ्नो स्थापना दिवस मनाउँदैछ ।

मुलुकको जलविद्युत् उत्पादनको १०६ वर्षको इतिहासमा पहिलोपटक सरकारी तथा निजी क्षेत्रका आयोजनालाई सम्मान गर्न लागिएको विभागका महानिर्देशक नवीनराज सिंहले जानकारी दिनुभयो ।

ऊर्जा क्षेत्रको विकास र विस्तारका अनवरत काम गरिरहेका व्यवसायीको हौसला बढाउन र उनीहरुलाई निरन्तर काम गर्ने प्रेरणा प्राप्त होस् भन्ने लक्ष्यका साथ विभागले यसपटक प्राधिकरण र निजी क्षेत्रका दुवै प्रवद्र्धकलाई सम्मान दिन लागेको बताउनुभयो ।

महानिर्देशक सिंहका अनुसार प्राधिकरणका १७ र निजी क्षेत्रका ५८ वटा गरी कुल ७५ परियोजना सम्मानित हुनेछन् । विभिन्न समस्या र चुनौतीका बीचमा पनि मुलुकको ऊर्जा संकट समाधानमा लागेको र उज्यालो नेपालको अभियानलाई अगाडि बढाउन अनवरतरुपमा लागेकालाई राज्यले सम्झेको उहाँको भनाइ छ ।

ऊर्जा क्षेत्रमा लगानी गर्ने प्रवद्र्धकलाई अनुमतिपत्र दिने, अध्ययनमा सहयोग गर्ने र सबै नीतिगत काम गर्नेगरी सरकारले विभाग स्थापना गरेको हो । विभागमा पछिल्लोपटक स्थापना भएको एकल डेस्कले प्रवद्र्धकका समस्या समाधानमा सहयोग पु¥याएको छ भने १०० मेगावाटसम्मका जलविद्युत् आयोजनाको अनुमति दिने काम गर्दै आएको छ । विभागले हालसम्म कुल १३७ आयोजनाबाट तीन हजार ६८७ मेगावाट विद्युत् उत्पादन गर्न अनुमतिपत्र प्रदान गरेको छ ।

यस्तै, १०० मेगावाट माथिका पाँचहजार ५०६ मेगावाट क्षमताका १७ वटा परियोजनालाई सर्वेक्षणको अनुमति दिइएको छ । साथै, सर्वेक्षण र अन्य अनुमतिका लागि प्रतीक्षामा रहेका आयोजनाको सङ्ख्या पनि उल्लेख्यमात्रामा रहेको छ ।

यसैगरी, विभागले जलविद्युत् आयोजनाबाट प्राप्त हुने रोयल्टी वितरण गर्दै आएको छ भने अन्य नीतिगत तथा कानुनी सहयोगसमेत गर्दै आएको छ । सरकारले २०७२ फागुन ६ गते ऊर्जा संकटकाल कार्ययोजना सार्वजनिक गरेपछि जलविद्युत् आयोजनाको विकास र विस्तारमा योजनाबद्ध तवरले काम गर्दै आएको र केही सफलता हासिल भएको महानिर्देशक सिंहको दाबी छ ।

कुल ६० मेगावाट क्षमताको खिम्ती जलविद्युत् आयोजना निर्माणसँगै मुलुकको जलविद्युत् इतिहासमा निजी क्षेत्रले प्रवेश पाएको हो । हाल निजी क्षेत्रले कुल ५८ वटा आयोजनाबाट ४४५ मेगावाट र प्राधिकरणका १७ आयोजनाबाट करिब ४६८ मेगावाट विद्युत् उत्पादन हुँदै आएको छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

‘ए’ डिभिजन लिग फुटबल : पहिलो खेलमा मनाङ मस्र्याङ्दी र एनआरटी भिड्दै

शहीद स्मारक ‘ए’ डिभिजन लिग फुटबल प्रतियोगिताअन्तर्गत आज दुई...

रीमा र बेनिशा भिडियोमा लेजबियन बनेपछि...

रिमा र बेनिशा भिडियोमा लेजबियन बनेपछि… (भिडियो सहित)

२१औँ सताब्दीमा दौडी रहँदा समाज धेरै परिवर्तन भइसकेको छ...

सन्दीप

आइपिएल २०१९ मा सन्दीप दिल्लीमै रहने

नेपाली युवा क्रिकेट खेलाडी सन्दीप लामिछाने इन्डियन प्रिमियर लिग...

मृत्यु

दार्चुलाका धामीको मलेसियामा मृत्यु

दार्चुला, मालिकार्जुन गाउँपालिका–३ घर भएका ३५ वर्षीय तारासिंह धामीको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK