नेपालीहरुको समस्या समाधानका लागि यूएई दुतावास क्रियाशील

ENGLISH

NRN GLOBAL

नेपालीहरुको समस्या समाधानका लागि यूएई दुतावास क्रियाशील

रामप्रसाद ढुंगेल,युएई

3 July, 2017 | Bipin Acharya | 850 Views | comments

‘सेवामैत्री प्रसाशन, संघीयतामा सुशासन’ को अवधारणामा दूतावास दिनरात नेपालीहरुको समस्या समाधानार्थ क्रियाशील रहेको युएईका लागि कार्यवाहक राजदूत नेत्रबहादुर टण्डनले बताएका छन् ।

आफू कार्यबाहक राजदूत भएपछि मजदुर केन्द्रीत भएर दैनिक कामकारबाही अगाडि बढाएको,दूताबास निरन्तर सेवामुखी भएकोे र दूतावासले प्रदान गर्ने सेवाहरु छिटोछरितो ढंगले सम्पादन भइरको उनले दाबी गरेका छन् ।

राजदूतावासको कन्सुलर सम्बन्धी कार्यविधि तथा आप्रबासी नेपाली कामदारहरुका लागि सचेतना कार्यक्रम लिएर अलएन शहरमा दूतावासले आयोजना गरेको छलफल तथा अन्तक्रिया कार्यक्रममा नेपाली कामदारहरुका समस्या समाधानमा नेपाली राजदूतावास युएईले गरिआएका प्रयासहरुबारे जानकारी दिइएको थियो ।

गत जुन ३० तारिक शुक्रबार अलऐनको आयला ग्रान्ड होटेलमा नेपाली कामदारहरुका समस्या र समाधानको विषयमा विशेष छलफल र अन्तक्रिर्या कार्यक्रममा दूतावासले हालसम्म गरेका कामहरुको फेहरिस्त समेत प्रस्तुत गरिएको थियो ।

नेपालीहरुका समस्या समाधान गर्न युएईमा रहेका नेपाली संघसंस्था तथा पत्रकारहरुको भूमिका उच्च रहने भन्दै सहकार्यका लागि कार्यवाहक राजदूत टण्डनले सबैलाई आहृवान गरेका गरे ।

नेपाली दूतावास अबुधावीले आयोजना गरेको कार्यक्रमको सञ्चालन द्वितीय सचिव तथा सूचना अधिकारी कृष्ण अर्यालले गरेका थिए । कार्यक्रमको सुरुमै नेपाली राष्ट्रगान प्रस्तुत गरिएको थियो ।

कार्यवाहक राजदूत टन्डनले कार्यक्रममा सहभागी सबैलाई स्वागत मन्तब्य प्रस्तुत गरेका थिए । राजदूतावासको कार्यसञ्चान सम्बन्धी कार्यविधि तृतीय सचिव संगीता न्यौपानेले प्रस्तुत गरेकी थिइन् ।

दूतावासका सहचारी केशवराज पोख्रेलले आप्रवासी नेपाली कामदाहरूका लागि सचेतनामूलक सामग्री प्रस्तुत गरेका थिए । उनले युएईको कानुनसँग अन्तर्गत रहेर वैदेशिक रोजगारमा रहेका कामदारहरुले के गर्दा आफ्नो लागि राम्रो हुने र के गर्दा नराम्रो हुने भन्नेमा विषेश जोड दिएका थिए ।

कार्यक्रममा अलएनमा रहेका विभिन्न संघसंस्थाहरुले गरेका कार्य प्रतिवेदन र उक्त क्षेत्रमा रहेका मजदुरका समस्याहरुको बारेमा अन्तक्रिर्या भएको थियो । दूतावासका प्रतिनिधिहरुले आफ्नो क्षमता र साधनश्रोतले भ्याएसम्म युएईको नीतिनियम, धर्म, कानुनको परिधिभित्र रहेर सक्दो सेवा प्रदान गर्ने प्रतिबद्धता दोहोर्‍याएका थिए ।

अलएन क्षेत्रमा मजदुरहरुबीच समस्या र समाधानका विषयमा राजदूतावासका सम्पूर्ण कूटनीतिज्ञहरु र उपस्थितीहरुबीच खुल्ला अन्तक्रिर्या कार्यक्रम भएको थियो ।

अन्तरक्रिया कार्यक्रममा भिजिट भिसा अनि विभिन्न कारणबाट युएईको कारागारमा कैदी जीवनयापन गर्न बाध्य भएका नेपालीहरुको उद्धारका लागि लागि राजदूतावासले खेल्ने भूमिका, नेपाली चेलीहरुको घर बिदा जान/आउन भएको कठिनाइ, हुण्डी कारोबार नियन्त्रण, म्यानपावरको आवरणमा हुने दलालीकरण लगायतको विषयमा अन्तक्रिर्या कार्यक्रममा चर्चा भएको थियो ।

कार्यबाहक राजदूत टन्डनले सबैको समस्याप्रति दूतावास गम्भीर रहेको बताए पनि विविध कारणवश सबै नेपालीहरुका समस्या एकैपटक समाधान हुन नसक्ने कानुनी बाध्यता बुझिदिन आग्रह गरेका थिए ।

उनले सबै हुण्डी कारोबार गर्नेहरुलाई युएई प्रशासन समक्ष रिपोर्ट गर्न सुझाव दिँदै भिजिट भिसा प्रकरणबाट ठगी हुने समस्यालाई रोक्न कूटनैतिक पहल भइरहे पनि सम्बन्धित निकायलाई पूर्णतया रोक्न नसकेको स्वीकारेका थिए ।

कार्यक्रममा केही घरेलु महिला कामदारहरुले समयमा तलब नपाएको समस्या लिएर उपस्थित भएका थिए । आफ्नो समस्या सुनाउँदै गर्दा त्रिशूलीकी ४५ वषिर्य कल्पना नगरकोटी रोएकी थिइन् ।

उनी काम गर्ने कम्पनीले कहिले काम दिने कहिले काम नदिने र विगत चार महिनादेखि तलब समेत नदिएको र घर जान पनि नदिएको समस्या कार्यक्रममा राख्दै समाधानका लागि सहयोग गरिदिन दूतावासलाई आग्रह गरेकी थिइन् । त्यस्तै समस्याबाट पीडित रामेछापकी शान्ता श्रेष्ठ पनि आफ्नो समस्या दुतावासको पहलमा समाधान होस् भनी माग गरेकी थिइन् ।

कार्यबहाक राजदूत टन्डनले उनीहरुको समस्या समाधानका लागि आवश्यक प्रक्रिया अगाडि वडाउने सार्वजनिक रुपमा प्रतिबद्धता गरेका छन् ।

अन्तक्रिर्या कार्यक्रमको अन्त्यमा काउन्सिलर भेषबहादुर कार्कीले उपस्थित सबैलाई धन्यवाद ज्ञापन गरेका थिए । उनले रेमिट्यान्सलाई उत्पादनमूलक क्षेत्रमा लगानी गर्न सुझाएका थिए ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

नेकपाः महाधिवेशनमा भाग लिन अध्यक्ष पनि चुनिनुपर्ने

नेकपाः महाधिवेशनमा भाग लिन अध्यक्ष पनि चुनिनुपर्ने

नेपाल कम्युनिष्ट पार्टीले सबै कमिटीका पदाधिकारी र सदस्यले महाधिवेशन/अधिवेशनमा...

कोरियन साडी

तिज गीत “कोरियन सारी ” सार्वजनिक (भिडियो सहित)

नेपाली नारीहरुको महान पर्व हरितालिका तिजको पूर्व सन्ध्यामा गीत...

एनसिसि जाम्वियाद्वारा आवास गृहलाई सहयोग

एनसिसि जाम्वियाद्वारा आवास गृहलाई सहयोग

गैरआवासीय नेपाली संघ राष्ट्रिय समन्वय परिषद जाम्वियाले एमटेनडेरे वेस्ट(...

समर पिकनिक

कोलोराडोमा समर पिकनिक सम्पन्न

अमेरीका स्थित कोलोराडोमा रहेका नेपालीहरुबीच भेटघाट र एक आपसमा...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK