धरावासीको ‘ग्रेट फल्स’ उपन्यास अनेसास सर्वोत्कृष्ट पुस्तक घोषीत

ENGLISH

NRN GLOBAL

धरावासीको ‘ग्रेट फल्स’ उपन्यास अनेसास सर्वोत्कृष्ट पुस्तक घोषीत

24 November, 2017 | Kunjar Bhattarai | 2280 Views | comments

झोला चलचित्रका लेखक तथा साहित्यकार कृष्ण धरावासीको ‘ग्रेट फल्स उपन्यास’ २०१७ को अनेसास सर्वोत्कृष्ट पुस्तक घोषीत भएको छ ।   अन्तर्राष्ट्रिय नेपाली साहित्य समाजले नेपाली साहित्यका विविध विधामा लेखिएका उत्कृष्ट पुस्तकहरुलाई प्रदान गर्ने गरेको अनेसास उत्कृष्ट पुस्तक पुरस्कार २०१७ को नतिजा छापा विज्ञप्ति जारि गर्दै सार्वजनिक गरेको छ । 

सर्वोत्कृष्ट पुस्तक पुरस्कारको राशी अमेरिकी डलर $ १,५०० रहेको छ ।अनेसास डा श्याम कार्की/इन्दिरा कार्की सर्वोत्कृष्ट डायस्पोरिक पुस्तक पुरस्कार उपन्यासकार मीनराज वसन्तको ‘मुदिर’ उपन्यासले प्राप्त गर्ने भएको छ । यस पुरस्कारको राशी अमेरिकी डलर ५०० रहेको छ । अनेसास रोहिणी शर्मा/सीता शर्मा सर्वोत्कृष्ट डायस्पोरिक नारी पुरस्कार भारती गौतमको ‘अमेरिकामा आमा’ शीर्षकको उपन्यासलाई प्रदान गरिने भएको छ । यस पुरस्कारको राशी अमेरिकी डलर $ ५०० रहेको छ ।

अनेसास सर्वोत्कृष्ट नारी साहित्य पुरस्कारका लागि यस वर्ष पद्मावती सिंहको ‘निःशब्द यात्रा उपन्यास’ सिफारिश भएको छ । बोर्ड अफ ट्रस्टी सुमन तिम्सिनाले स्थापना गर्नुभएको यस पुरस्कारको राशी अमेरिकी डलर ४०० रहेको छ ।

यसै गरी अनेसास शिव लामिछाने सर्वोत्कृष्ट छन्दोबद्ध काव्य पुरस्कारका लागि कवि सुदीपभद्र खनालको ‘भुइँफूलको’ गीत कवितासङ्ग्रह चयन भएको छ । यस पुरस्कारको राशी अमेरिकी डलर २५० रहेको छ । २०० डलरको पुरस्कार राशी रहेको अनेसास गीता खत्री सर्वोत्कृष्ट गजल पुरस्कारका लागि रामजी घिमिरेको गजल सङ्ग्रह ‘१०१ गजलहरु’ चयन भएको छ ।

शिव विश्वकर्माले प्रायोजन गर्नुभएको २०० डलर राशीको अनेसास शिवशोभा अन्तर्राष्ट्रिय भाषासाहित्य पुरस्कार सागर मुखियाको कवितासङ्ग्रह ‘फर्विडन’लाई दिइने भएको छ । अनेसास गोबर्धन पूजा अन्तर्राष्ट्रिय भाषासाहित्य पुरस्कारका लागि कवयित्री कल्पना सत्यालको कवितासङ्ग्रह ‘द विलो’ चयन भएको छ । यस पुरस्कारको राशी २०० डलर रहेको छ ।

अनेसास गोपाल विश्वकर्मा अन्तर्राष्ट्रिय नवप्रतिभा पुरस्कारका लागि कवि गुणराज लुइँटेलको जलेको मन कवितासङ्ग्रह, अनेसास प्रकाश नेपाल सर्वोत्कृष्ट अन्तर्राष्ट्रिय नियात्रा लेखन पुरस्कारका लागि नियात्राकार नगेन्द्र न्यौपानेको कङ्गो इथियोपियाको सेरोफेरो नियात्रा, अनेसास सीता पाण्डे सर्वोत्कृष्ट मेची पुरस्कारका लागि किरण ढुङ्गानाको संस्मरण कृति मन्ट्रियल क्याफेलाई प्रदान गरिने भएको छ ।

यी पुरस्कारहरुको राशी दुईदुई सय डलर रहेको छ । यस्तै कथाकार डा बेञ्जु शर्माको कथाकृति बेञ्जु शर्माका कथाहरु नामक कृतिलाई अनेसास चेतनाथ घिमिरे कोशी पुरस्कार, भगवती बस्नेतको मर्दको माया कथाकृतिका लागि अनेसास गोविन्द गिरि ‘प्रेरणा’ नारायणी पुरस्कार, नगेन्द्रराज पौडेलको सीडीओका सत्र वर्ष संस्मरणात्मक कृतिका लागि अनेसास पदम विश्वकर्मा गण्डकी पुरस्कार तथा शारदा सुवेदीको भोको पेट संस्मरणका लागि अनेसास रोहिणी शर्मा धौलागिरि पुरस्कार प्रदान गरिने भएको छ । यी पुरस्कारहरुको राशी दुईदुई सय डलर रहेको छ ।

यस वर्ष प्रदान गरिने अनेसास लोकनाथ तिवारी बालसाहित्य पुरस्कार मुक्तिप्रसाद उपाध्यायको भारतेली नेपाली बालसाहित्य नामक पुस्तकलाई प्रदान गरिनेछ । यसै गरी अनेसास शान्तिराम ढकाल अन्तर्राष्ट्रिय नवप्रतिभा साहित्य पुरस्कार शकुन ज्ञवालीको तिमी र म कवितासङ्ग्रहलाई प्रदान गरिनेछ भने अनेसास भीममाया साहित्य पुरस्कारका लागि कवि लालगोपाल सुवेदीको कविताकृति सवालटर्न पात चयन भएको छ । यी पुरस्कारहरुको राशी दुईदुई सय डलर रहेको छ ।

विश्वका विभिन्न मुलुकमा रहेका लेखकहरुबाट प्राप्त भएका विभिन्न विधामा सन् २०१५ जनवरी १ देखि २०१६ को डिसेम्बर ३१ सम्म प्रकाशित भएका कृतिहरु अनेसासको केन्द्रीय कार्यालय वासिंटन डीसी तथा अनेसास नेपाल च्याप्टर काडमाडौँमा २०१७ को मार्च ३१ तारिखभित्रमा व्यक्तिगत वा हुलाकमार्फत् प्राप्त भइसकेका कृतिहरुमात्र यस पुरस्कारका लागि मूल्याङ्कन गरिएका थिए । दुई चरणमा तीनतीन जना भाषासाहित्यविज्ञहरुबाट मूल्याङ्कन गराएपछि अनेसास बोर्ड अफ ट्रस्टिज् पुरस्कार समितिका अध्यक्ष सीता पाण्डेले बोर्ड अफ ट्रस्टिज कार्यसमितिको यही नोभेम्बर १० मा बसेको नियमित मासिक बैठकमा पुरस्कृत पुस्तकहरुको नतिजा प्रस्तुत गर्नुभएको थियो । यसै बैठकबाट पुरस्कृत कृतिहरुको सूची सार्वजनिक गर्ने निर्णय गरिएको थियो ।

अनेसास उत्कृष्ट पुस्तक पुरस्कार वितरण समारोह आगामी सन् २०१८ जनवरी ६ तारिखका दिन वासिङ्टन डीसीमा आयोजना गरिने निर्णय बोर्ड अफ ट्रस्टिज कार्यसमितिको बैठकले गरेको छ ।

अनेसासको वार्षिक साधारण सभा मेरिल्याण्डमा सम्पन्न

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

न्यूयोर्कमा “राईड फर नेपाल–कार र्‍याली”को आयोजना हुने

न्यूयोर्कमा “राईड फर नेपाल–कार र्‍याली”को आयोजना हुने

विश्व कै सम्राट राज्य न्यूयोर्कमा “राईड फर नेपाल–कार र्‍याली”को...

पोर्चुगलबाट नेपाली पत्रिका प्रकाशन

युरोपेली मुलुक पोर्चुगलबाट ‘हाम्रो नेपाल’ नामक पत्रिका प्रकाशन शुरु...

दशैं

राष्ट्रपति, उपराष्ट्रपति र नेताहरुबाट बडादशैँको शुभकामना

असत्यमाथि सत्यको विजयका रुपमा लिइने हिन्दु धर्मावलम्बीको महान् चाड...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK