दुई महिनामा मलेसियाबाट डेढ सय कामदार फिर्ता

ENGLISH

NRN GLOBAL

दुई महिनामा मलेसियाबाट डेढ सय कामदार फिर्ता

8 June, 2016 | Sandeep Bhattarai | 905 Views | comments

बायोमेट्रिक प्रणालीबाट स्वास्थ्य परीक्षण गरेर गएका कामदारलाई मलेसियाले ‘अनफिट’ भन्दै फिर्ता पठाउन थालेपछि यसको विश्वसनीयतामा गम्भीर प्रश्न खडा भएको छ । दुई महिनायता बायोमेट्रिक परीक्षण गरेर मलेसिया गएका एक सय ४४ जना कामदार नेपाल फिर्ता भइसकेका छन् । यो संख्या निकै ठूलो हो ।

Kuala-Lumpur-the-Capital-of-Malaysia

बायोमेट्रिक परीक्षण गरेपछि कसैले पनि अनफिट भएर दुःख पाउनु नपर्ने भनेर नेपालमा जबर्जस्ती यो प्रणाली लागू गरिँदैछ । विगतमा परम्परागत तरिकाबाट स्वास्थ्य परीक्षण गर्दा कतिपय कामदारलाई मलेसियाले विभिन्न रोग देखाएर फिर्ता पठाउने गरेको थियो । बायोमेट्रिकमा त्यस्तो नहुने आश्वासनसहित मलेसियाकै दबाबमा नेपालमा यो प्रणाली लागू भइरहेको छ ।

कामदारका लागि निकै खर्चिलो यो प्रविधिबाट परीक्षण गराउनुको मुख्य उद्देश्य नै परीक्षण भरपर्दो हुन्छ अनि कामदारले मलेसिया पुगेर फिर्ता हुनुपर्दैन भन्ने हो । बायोमेट्रिक लागू हुनुअघि दैनिक औसतमा दुई जना स्वास्थ्य परीक्षणमा अनफिट भएर स्वदेश फिर्ता हुने गरेका थिए । तर यो प्रणाली लागू भएपछि संख्या अझ बढेको पाइएको छ । अन्नपूर्णलाई प्राप्त तथ्यांकअनुसार दुई महिनाको बीचमा काम गर्न मलेसिया पुगेका अधिकांश त्यहाँ स्वास्थ्य परीक्षण गर्दा फेल भएका हुन् ।

कामदारले विदेश जानुअघि नेपालमै स्वास्थ्य परीक्षण गरी निरोगिता भएको प्रमाण पेस गरेपछि मात्र भिसा लाग्ने गर्छ । मलेसियाको हकमा एकतर्फीरूपमा बायोमेट्रिक लागू गरिएको छ । कम्प्युटर प्रविधिबाट गरिने यस विधिबाट सुरूमा नेपालमै स्वास्थ्य जाँच हुन्छ । नेपालमा बायोमेट्रिकबाट गरे पनि मलेसियाले कामदार त्यहाँ पुगेपछि स्वास्थ्य परीक्षण गर्छ । त्यसमा केही कमजोरी भटिएमा फिर्ता पठाउने गर्छ ।

वैदेशिक रोजगार व्यवसायी संघका उपाध्यक्ष कुमुद खनालले कामदारलाई आर्थिक भार थप्ने गरी लागू गरिएको बायोमेट्रिकको विश्वसनीयता पनि गुम्दै गएको बताए । ‘यो प्रणालीबाट स्वास्थ्य परीक्षण गरेर गएकाहरू अझ बढी फेल भएर फिर्ता हुनुपरेकाले सरकारले यसबारेमा पुनर्विचार गर्न ढिला भइसकेको छ’, उनले भने ।

मलेसिया जाने कामदारले मात्र बायोमेट्रिक पद्धतिबाट परीक्षण गर्नुपर्ने हो । खाडीसहित अन्य मुलुकमा जाने कामदारका लागि यो प्रावधान छैन । मलेसिया सबैभन्दा धेरै नेपाली कामदार जाने अनि सबै भन्दा बढी रेमिटेन्स पनि त्यहीँबाट आउने भएकाले यसमा जाने कामदारसहित अन्य सरोकारवाला सबैलाई बढी चासो हुने गर्छ ।

कामदारका लागि निकै खर्चिलो बायोमेट्रिक प्रविधिबाट स्वास्थ्य परीक्षण गराउनुको मुख्य उद्देश्य नै परीक्षण भरपर्दो हुन्छ अनि कामदारले मलेसिया पुगेर फिर्ता हुनुपर्दैन भन्ने नै हो ।

मलेसियाका रोजगारदाताले कामदार मन नपरेमा पनि स्वास्थ्य परीक्षणमा फेल भएको प्रमाणपत्र बनाएर कामदारलाई डिपोर्ट (घर फिर्ता) गराउँदै आएको छ । बायोमेट्रिक प्रणालीबाट स्वास्थ्य परीक्षण गराउने मेडिकल व्यवसायीको दाबी पनि यस्तै छ । ‘बायोमेट्रिकका कारण नभई कामदार मन नपरेका कारण त्यहाँका रोजगारदाताले रोगी भएको आरोप लगाएर फिर्ता पठाएका हुन सक्छन्’, एक मेडिकल व्यवसायीले भने ।

मलेसिया जाने कामदारले स्वास्थ्य परीक्षणबापत ४५ सय तिर्नुपर्छ । केही समययता मलेसियाको बेस्टिनेट कम्पनीले थप ३० अमेरिकी डलर असुलिरहेको छ । यसबाट कामदारको थाप्लोमा ३२ सय थप व्ययभार परेको छ । अब कामदारले स्वास्थ्य परीक्षणबापत झन्डै आठ हजार रूपैयाँ तिर्नुपर्छ ।

बायोमेट्रिक काण्डले वैदेशिक रोजगारीमा अर्को संकट थपिदिएको छ । सरकारले सेवा शुल्कबापत १० हजार रुपैयाँँमात्र लिन पाउने व्यवस्था गरेको छ । स्वाथ्य परीक्षण शुल्क पनि प्रतिकामदार २६ सयबाट बढाएर गत वर्ष ४५ सय पुर्‌याइएको थियो । बायोमेट्रिककै कारण स्वास्थ्य परीक्षण शुल्क बढाइएको थियो ।

गएको असारदेखि सरकारले खाडी र मलेसियामा निःशुल्क टिकट र भिसामात्रै कामदार पठाउनुपर्ने नियम बनाएको छ । यो व्यवस्था गरे पनि कार्यान्वयन हुन सकेको छैन । यो आर्थिक वर्षको नौ महिनामा जाने कामदारको संख्या औसतमा २५ प्रतिशतले घटिसकेको छ । मलेसिया सबैभन्दा बढी रेमिटेन्स भित्रिने मुलुक हो । यहाँबाट आउने पैसा घट्दा समग्र रेमिटेन्समा असर गर्छ ।

वार्षिक ६ खर्ब हाराहारीमा रेमिटेन्स आउने गरेकामा मलेसियाको मात्रै ३० देखि ४० प्रतिशतको योगदान रहने गरेको छ । आगामी वर्षदेखि मलेसियाबाट अउने रेमिटेन्समा भारी गिरावट आउने अनुमान छ । खाडी मुलुकमा जाने कामदार पनि घटेकाले यसले समग्र रेमिटेन्सलाई बेस्सरी असर गर्न सक्छ । हाल मलेसियामा मात्रै करिब आठ लाख नेपालीले काम गरिरहेका छन् । मलेसियाले यतिबेला विदेशी कामदार लिन रोकेको भए पनि दलालले भित्रभित्रै लैजानेक्रम रोकिएको छैन । प्रिअप्रुभल ल्याएकाले एक वर्षसम्म कामदार पठाउन पाउँछन् ।

अन्नपुर्ण पोष्टबाट

यो पनि हेर्नुस – मलेसियामा १६ जना नेपाली पक्राउ

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलले अमेरिकाको टेक्सस राज्यको ड्यालस वरपर रहेका घरबार...

चलचित्र ‘रुमालै छ चिनो’को ट्रेलर सार्वजनिक (ट्रेलर सहित)

चलचित्र ‘रुमालै छ चिनो’को ट्रेलर सार्वजनिक भएको छ ।...

साउदीमा विभिन्न कारणबाट ज्यान गुमाएका ३० नेपालीहरुले पाउनुपर्ने रकम नेपाल पठाइयो

साउदी अरबको रियादस्थित नेपाली दूतावासले साउदीमा विभिन्न कारणबाट ज्यान...

युएईका जेलमा ८ महिलासहित २०७ नेपाली

संयुक्त अरब इमिरेट्स (युएई)मा विभिन्न मुद्दामा जेल परेका नेपालीको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK