तीस वर्षदेखि निरन्तर जाँतो बनाउँदै गनबहादुर

ENGLISH

तीस वर्षदेखि निरन्तर जाँतो बनाउँदै गनबहादुर

29 January, 2017 | Bhawana Pathak | 695 Views | comments

रामपुर नगरपालिका– १ ठूलो बेसीका ६२ वर्षीय गनबहादुर दमैले जाँतो बनाउन थालेको ३० वर्ष बित्यो । ‘जति उमेर ढल्क्यो उति जवानी चढ्यो’ भनेझै गनबहादुरलाई यो उमेरसम्म आइसक्दा पनि जाँतो बनाउने काममा निकै फूर्तिलो र हँसिलो मुद्रामा देख्न सकिन्छ ।

jaanto

बिहान उठ्यो रात नपरुन्जेलसम्म ढुङ्गालाई कलात्मक तरिकाले कुदेर जाँतो बनाउने गर्दैमा उहाँलाई ठिक्क छ ।
आफ्नो युवावस्थाको जोस–जाँगर र परिश्रमलाई उहाँले जाँतो बनाउने काममा नै समर्पण गर्नुभयो ।

कालीगण्डकी नदीको किनारका ढुङ्गालाई छिनो र घनको सहायताले जाँतोको रुप दिँदै गर्दाको अवस्थामा भेटिनुभएका गनबहादुरको जोस–जाँगर र परिश्रम उमेर ढल्केपनि युवावस्थाको भन्दा कम देखिएन । उहाँले घर नजिकै रहेका खोला, नदीका किनारमा ढुङ्गा खोजेर कलात्मक शैलीमा कँुदेर जाँतो बनाउने गर्नुहुन्छ ।

हेर्दा आकर्षक र टिकाउ हुने भएपछि हिजोआज ग्राहक घरमै आएर जाँतो बनाउन अर्डर दिने गरेको गनबहादुरको भनाइ छ । “एक महिनामा पाँचवटा जाँतो बनाउने गरेको छु”—“जाँतोको माग बढ्दो तर निर्माण भने कम हुँदा सबैलाई पु¥याउन गाह्रो परेको छ” उहाँले भन्नुभयो ।

एउटा जाँतो रु तीन हजारदेखि तीन हजार ५०० सम्ममा बिक्री हुने गरेको गनबहादुरले बताउनुभयो । पाँच जनाको परिवार जाँतो बनाएर लालनपालन गर्दै आएको छु फुसर्द भएको बखत सिकर्मी, डकर्मी, सूचीकार, डोको नाम्लो बनाउने काम पनि गर्दछु भन्नुहुन्छ उहाँ ।

गनबहादुरले ढुङ्गालाई कुँदेर बनाएको जाँतो राम्रो र टिकाउ भएकाले गाउँमा यस्को माग बढेको हो । आधुनिक मिलको पहुँच नपुगेका गाउँमा जाँतोको माग अत्यधिक बढ्दो रहेको उहाँले बताउनुभयो ।

मकै, चामल, गेडागुडीजन्य वस्तु पिस्नका लागि गाउँघरमा पुर्खौदेखि जाँतोको प्रयोग हुँदै अएको छ । आधुनिक मिल र परम्परागत जाँतोमा पिसेको स्वादमा धेरै फरक हुने भएकाले गाउँमा कतिपयले अझैपनि जाँतोको प्रयोग गरिरहेको स्थानीय दानस मल्लले बताउनुभयो ।

पछिल्लो समय जाँतो बनाउने मान्छे कम हुनु र आधुनिक मिल गाउँघरमा प्रयोग हुन थालेपछि भने जाँतोको प्रयोग कम हुँदै गएको छ । सहर नजिकैका गाउँमा जाँतोको प्रयोग हटिसके पनि सहरदेखि टाढा र दुर्गम भेगका केही गाउँमा अझैपनि जाँतोको प्रयोग हुँदै आएको छ । रासस

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

"वर्ल्ड भिलेज फेस्टिबल" फिनल्याण्डमा सम्पन्न

“वर्ल्ड भिलेज फेस्टिबल” फिनल्याण्डमा सम्पन्न

फिनल्याण्डको राजधानी हेल्सिन्किमा मे २६ मा नेपाली समुदायले आफ्नो...

प्रम

समय, देश र जनताले माग गरेअनुसार संविधान संशोधन हुनेछः प्रम

प्रधानमन्त्री केपी शर्मा ओलीले सरकारले जनतालाई अधिकार, अवसर, सुरक्षा...

एल्बम ’एकतर्फी माया’ सार्वजनिक

एल्बम ’एकतर्फी माया’ सार्वजनिक

श्रष्टात्रय गीतकार होम न्यौपाने, संगीतकार दीपक भट्टराई तथा गायक...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK