तमू च्ह्य ल्होसार कतारमा भब्यताका साथ सम्पन्न

ENGLISH

NRN GLOBAL

तमू च्ह्य ल्होसार कतारमा भब्यताका साथ सम्पन्न

6 January, 2017 | Sandeep Bhattarai | 1145 Views | comments

दोहा, कतार ।तमू (गुरुङ) हरुको महान तथा राष्ट्रिय पर्व ल्होसार कार्यक्रम कतारका तमूहरुले भब्यताका साथ सम्पन्न गरेका छन् ।

तमू च्ह्य ल्होसार

तमू (गुरुङ) समाज, कतारले गत डिसेम्वर ३० तारिख तथा पौष १५ गते शुक्रवारका दिन च्ह्य ल्होसार तथा स्यों कैं कार्यक्रम २०७३ को आयोजना गरि कतारमा कार्यरत तमू तथा गैर तमूहरुको बृहत उपस्थितिमा उक्त कार्यक्रम सम्पन्न भएको थियो ।

समाजका अध्यक्ष खेम तमूको सभापतित्वमा सम्पन्न कार्यक्रममा एनआरएनए आईसीसी मध्यपूर्व सहसंयोजक उमेश अधिकारी प्रमुख अतिथि थिए । कार्यक्रमको सभापतिलाई समाजका प्रमुख संरक्षक बिलबहादुर तमूले क्रेगि (फेटा) र प्रमुख अतिथिलाई तमूहरुको मौलिक परम्परा अनुसार क्रेगि र हेन्ग्र (भाङग्रा) लगाई दिई सम्मान गरेका थिए । प्रमुख अतिथिबाट द्विप प्रज्वलित गरि कार्यक्रमको बिधिवत उद्घाटन गरिएको थियो ।

तमू समाज, कतारको आयोजनामा सम्पन्न यस वर्षको च्ह्य ल्होसार तथा स्यों कै कार्यक्रम – २०७३ मा विशेष अतिथिको रुपमा समाजका संरक्षकद्वय रामबहादुर तमू र बुधबल तमू, निर्देशक सल्लाहकार कृष्णबहादुर तमू, एनआरएनए आईसीसी सदस्य हंशराज ढकाल क्षेत्री, एनआरएनए एनसीसी कतारका अध्यक्ष बिनेश तामाङ, नेपाल प्रवासी आदिवासी जनजाति महासंघ कतारका अध्यक्ष देवराज राई लगायत थिए । समाजको संरक्षकत्वमा स्थापित तमू प्ये ता“ ल्हु ता“ समितिका अध्यक्ष भविराज तमू, तमू सांस्कृतिक परिवारका अध्यक्ष मदन तमू, तमू खेलकुद समितिका अध्यक्ष सुर्य तमू, पुर्वाञ्चल सम्पर्क समितिका संयोजक केशरसिंह तमू, पश्चिमाञ्चल सम्पर्क समितिका संयोजक पुर्ण तमू, महिला विभागकी सहसंयोजक शोभा घले तमूस्यो साथै कतारमा स्थापित महासंघमा आबद्ध मातृसंस्थाहरु, विभिन्न राजनितिक पार्टीका प्रवास संगठनहरु, जिल्ला संस्थाहरु, साहित्यिक संस्थाहरु लगायत विभिन्न संघ संस्थाका प्रमुख तथा प्रतिनिधिहरु र सामाजिक अभियन्ताहरुको आतिथ्यतामा सम्पन्न ल्होसार विशेष कार्यक्रमको औपचारिक कार्यक्रम महासचिव खुशीमान तमूले सञ्चालन गरेका थिए ।

प्रथम उपाध्यक्ष रस (शिव) तमूले स्वागत मन्तब्य राखेको कार्यक्रममा नेपालको राष्ट्रिय गीत सयौं थुंगा फूलका हामी एउटै माला नेपाली……. लाई स–सम्मान गाईएको थियो । त्यसै गरि त्धिंनी धोंले च्योंल खांगे मुसर धोंले च्योंल खांगे….. बोलको तमू राष्ट्रिय गीतलाई तमू सांस्कृतिक परिवारका कलाकारहरु र आफनै जातिय पहिरनमा सजिएका समाजका पदाधिकारी र सदस्यहरुले आकर्षक ढंगबाट प्रस्तुत गरेका थिए ।

प्रल्होलाई बिदाई र च्ह्य ल्होलाई स्वागत

यस वर्ष प्रल्हो (बाँदर वर्ग) को बिदाई र च्ह्य ल्हो (चरा वर्ग) लाई स्वागत गर्ने वर्षको रुपमा ल्होसार मनाईएको छ । पच्यु चिवा निल तमू र क्लेब्री चिवा खडग तमूले संयुक्त रुपमा रुपा (रिपा) मन्तार्दै प्रल्हो भएका ब्यक्तिहरुलाई रिपा लगाई उहाँहरुको आउने दिनको शुख शान्तिको कामना गरेका थिए भने आउने च्øह ल्हो भएका ब्यक्तिहरुलाई रिपा लगाई यस वर्ष उहाँहरुको वर्गले ल्याउने सबै नराम्रो ग्रह शान्तिको कामना गरियो । रिपा लगाउदै गर्दा हल नै स्याई स्याईको आवाजले गुञ्जायमान भएको थियो ।

तमू च्ह्य ल्होसार

तमू म्रु (राजा) लाई सम्मान

तमू समुदायमा छेलो खेलको विशेष महत्व रहेको हुन्छ । परम्परागत रुपमा छेलो फालेर राजा (मु्र) चुन्ने चलनलाई ईतिहासबाट बिलाएर नजाओस भन्ने हेतुले विगत केहि वर्षदेखि कतारमा पनि तमू समाज कतारले कतारमा कार्यरत तमू यूवाहरुको बिचमा छेलो प्रतियोगिता आयोजना गर्दै आएको छ । त्यसैको निरन्तरता स्वरुप च्ह्य ल्होसार पर्वको अवसार पारेर गत २३ डिसेम्वरका दिन छेलो प्रतियोगिताको आयोजना गरिएको थियो । समाजको संरक्षकत्वमा स्थापित तमू खेलकुद समितिको संयोजनमा आयोजना गरेको उक्त प्रतियोगितामा तनहु“ फिरफिरे गाविस वार्ड नं. ५ बराह डा“डाका रविन तमूले सबै प्रतियोगिहरुलाई पछि पार्दै प्रथम भएका थिए र यस वर्षको तमू म्रु (राजा) हुन सफल भए । त्यसै गरि लम्जुङ फलेनी गाविस वार्ड नं. ५ माझ खर्कका अशोक तमूले प्रतियोगितामा दोश्रो स्थान हासिल गर्न सफल भए । प्रथम तमू म्रु र दोश्रो हुन सफल क्रमशः रविन र अशोकलाई परम्परागत रुपमा क्रेगि, प्रमाणपत्र र कप प्रदान गरि सम्मान गरिएको थियो ।

विशेष सम्मान कार्यक्रम

विगतका वर्षहरुमा झै यस वर्ष पनि समाजलाई विशेष योगदान गरेका ब्यक्तित्वहरुलाई सम्मान गरेको छ । स्थापना कालदेखि समाजलाई अतुलनिय योगदान गरेका समाजका कर्मठ ब्यक्ति तथा तमू खेलकुद समितिका अध्यक्ष सुर्य तमू र सकृय र सहयोगि सदस्य सुरेश तमूलाई क्रेगि र प्रमाणपत्रद्वारा विशेष सम्मान गरिएको छ । त्यसै गरि तमू सांस्कृतिक परिवारकी कलाकार तथा महिला विभागकी सकृय सदस्य पुष्पा तमूस्योलाई क्रमु (पछ्यौरी) र प्रमाणपत्रबाट विशेष सम्मान गरिएको छ ।

यस वर्षभरि तमू खेलकुद समितिमा रहेर विभिन्न समयमा आयोजना भएका भलिबल प्रतियोगितामा आफनो खेल कौशल प्रस्तुत गर्दै समाजको नाम उच्च राख्न अतुलनिय योगदान पुर्याने खेलाडीहरुलाई फुलको माला र प्रमाणपत्रद्वारा सम्मान गरियो । सम्मानित हुनेहरुमा क्रमशः टिम क्याप्टेन गुजमान तमू, सुरज तमू, मोहन सुनार, धिरज जंग शाही, जीवन तमू, राम परियार, सचिन क्षेत्री, राजु थापा, निर आले मगर, कृष्ण लामिछाने, प्रविण तमू, राजु तमू, टिम म्यानेजर सुर्य थापा र राष्ट्रिय रेफ्रि तथा प्रमुख प्रशिक्षक मोहनबहादुर तमू लगायत थिए ।

शुभकामना मन्तब्य

तमूहरुको मौलिक र महान पर्व अव नेपालीहरुको राष्ट्रिय पर्व बनेको छ । त्यसैले यो केवल तमू समुदायको मात्रै नभएर समग्र नेपालीको पर्व बन्न गएको छ । तमू समाज कतारले विगत देखि निरन्तर रुपमा आफनो पर्वलाई कतारमा विशेष प्रकारले मनाउदै आएकोमा धन्यवाद पनि ब्यक्त गरियो ।

बैदेशिक रोजगारको शिलसिलामा नेपालको विभिन्न भागबाट कतारमा कार्यरत नेपालीहरुले एक अर्काे समुदायमा निहित पर्व र चलन चल्तिहरु एक आपसमा सेयर गर्ने बुझने र बुझाउने अवसर प्रदान गरेकोमा आयोजक तमू समाज कतारको टिमलाई धन्यवाद दिदै यसको निरन्तरताको अपेक्षा गर्दै संस्था र यसमा आबद्ध सबैको उन्नती र प्रगतिको शुभकामना ब्यक्त गरियो । यसरी शुभकामना ब्यक्त गर्ने अतिथिहरुमा नेपाल पत्रकार महासंघ कतार शाखाका सभापति गणेश बञ्जाडे, जिल्ला संस्थाहरुको प्रतिनित्व गर्दै कास्की आदर्श सेवा समाज कतारका अध्यक्ष मनप्रसाद राना मगर, मातृ संस्थाहरुको प्रतिनिधित्व गर्दै प्रवासी भुजेल सेवा समाजका महासचिव शिवकुमार भुजेल, सामाजिक अभियन्ता बिमल सुबेदी लगायत थिए ।

त्यसै गरि विशेष अतिथिहरुमा नेपाल प्रवासी आदिवासी जनजाति महासंघ कतारका अध्यक्ष देवराज राई, एनआरएनए एनसीसी कतारका अध्यक्ष बिनेश तामाङ र प्रमुख अतिथि उमेश अधिकारी लगायतले तमू ल्होसारको शुभकामना मन्तब्य राखेका थिए । ल्होसार विशेष कविता र गजल वाचन गर्ने साहित्यकारहरुमा क्रमशः अन्तरराष्ट्रिय नेपाली साहित्य समाज, कतार च्याप्टरका अध्यक्ष रेगिष्तानी कवि तर्थ संगम राई र नवोदित साहित्यिक वाचनालय कतारका उपाध्यक्ष ईश्वर शाही थिए ।

रमाईलो सांस्कृतिक कार्यक्रम

तमू ल्होसार विशेष कार्यक्रमको आकर्षक पक्ष सांस्कृतिक कार्यक्रम थियो । यसै कार्यक्रमको लागि नेपालबाट ख्याति प्राप्त कलाकारहरु मौशमी गुरुङ, देबिका केसी गुरुङ र नव नायिका रिया गुरुङलाई विशेष प्रस्तुतिका लागि आमन्त्रण गरिएको थियो । यु

गल गायनमा मौशमी तमूस्योलाई राजन घले तमूले र युगल नृत्यमा रिया तमूस्योलाई भिमप्रसाद तमूले साथ दिएका थिए । आमन्त्रीत कलाकारहरुको प्रस्तुति आफैमा आकर्षक थियो नै त्यसमा पनि समाजको संरक्षकत्वमा स्थापित तमू सांस्कृतिक परिवारका कलाकारहरुको प्रस्तुतिले कार्यक्रमलाई थप मनोरञ्जनात्मक बनाएको थियो । तमू सांस्कृतिक परिवारका अध्यक्ष मदन तमूका अनुसार विगत लामो समयदेखि प्रमुख नृत्य निर्देशक भिमप्रसाद तमू र अर्का नृत्य निर्देशक राजन तमूको प्रत्यक्ष निगरानीमा कतारमा स्थापित कलाकारहरुको तयारीले पनि ल्होसारको प्रस्तुति राम्रो बनेको हो ।

गैरआवासीय नेपाली नृत्य तारा २०१४ बिजेता अन्जना तामाङ र दोश्रो हुन सफल मिना मगर साथै नेपाली मेला २०१३ युगल तथा सामुहिक नृत्यमा प्रथम हुन सफल तथा कतारमा स्थापित कलाकार यशोधा बस्नेत लगायत धेरै कलाकारहरुको प्रस्तुति नै ल्होसार कार्यक्रमका थप आकर्षणहरु थिए । यसरी आआफनो प्रस्तुति दिने अन्य कलाकारहरुमा पुष्पा, टिका, सम्झना, श्रृजना, प्रतिक्षा, लक्ष्मी, डिलकुमारी, सिमा, ईन्द्र, पुजा, शोफिया घले तमूस्यो, लिल, सुजन, जङग, पुरन, प्रविण, विष्णु, सुरज, सुर्य, कुमार, बिर्ख, सुरेस, सुनिल, योगेश लगायत स्वयंम प्रमुख नृत्य निर्देशक भिमप्रसाद तमू थिए । निनल तमूको सालैजो र ईन्द्र तमू, ज्ञानु तमू लगायत साथिहरुको चुडकामा सिमा तमूस्यो, रिया तमूस्यो र उमा तमूस्योको सामुहिक नृत्यले सबैलाई नाच्न बाध्य बनाएको थियो । सांस्कृतिक कार्यक्रमको अन्तमा ईन्द्र र मालतिको आकर्षक दोहोरीमा सबै रमाउदै झुमेका थिए । सांस्कृतिक कार्यक्रमलाई समाजका सचिव तेज तमूले आकार्षक ढंगबाट सञ्चालन गरेका थिए ।

स्यों कैं कार्यक्रम

तमू ल्होसारको अर्को बिशेषता भनेको स्यों कैं पनि हो । स्यों कैंको लागि सेल रोटि, अचार, खसि र कुखुराको मासु भात लगायतका मीठो परिकारले सहभागि सबैको मन खुसी पारेको थियो । आजीवन सदस्य भेष तमू र वहा“को टीमले खाना तयार गरेका थिए । तृत्तीय उपाध्यक्ष हरीकाजी तमू, राजेन्द्र भण्डारी, अरुणा तमूस्यो, तारा तमूस्यो, सुनिता तमूस्यो लगायतको टीमले सेलरोटी तयार पारेका थिए । सम्झना तमूस्यो र टिका तमूस्योको टीमले अचार र धनु तमूस्योले सब्जि तयार गरेका थिए । स्यों कैं धेरै नै स्वादिष्ट भएको सहभागि सबैले मिठो टिप्पणी गरेका थिए ।

तमू च्ह्य ल्होसार

धन्यवाद ज्ञापन

कार्यक्रमका सभापति तथा समाजका अध्यक्ष खेम तमूले प्रमुख अतिथि, विशेष अतिथिहरु, अतिथिहरु लगायत सहभागि सबैलाई धन्यवाद ब्यक्त गरेका थिए ।तमूहरुको महान पर्व र यसमा समावेस सबै कार्यक्रमहरुलाई सफलताका साथ सम्पन्न गर्न अहोरात्र खटनु भएका समाजका पदाधिकारी तथा सदस्यहरु लगायत शुभचिन्तक सहयोगिहरु सबै प्रति आभार ब्यक्त गर्दै आगामी दिनमा पनि यस्तै साथ र सहयोगको अपेक्ष राख्दै अर्को ल्होसारमा भेटने वाचा सहित सभापतिले कार्यक्रम समापन गरेका थिए ।

तमु धीं जापानको ल्होसार साँझ सम्पन्न

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

एनआरएनए

एनआरएनएद्वारा १० अर्ब रुपैयाँको पूर्वाधार विकास कोष स्थापना गर्ने घोषणा

गैर आवासीय नेपाली संघ (एनआरएनए) ले १० अर्ब रुपैयाँको...

खाडी मुलुक र मलेसियामा नेपाली कामदार :वर्षमा ९५७ को मृत्यु

कमजोर अभिमुखीकरण र स्वास्थ्य परीक्षणमा पहुँच नहुँदा वर्ष दिनको...

missing-people

बेपत्ता हुनेको संख्या प्रत्येक वर्ष १८ प्रतिशतले वृद्धि

दैनिक १७ नेपाली बेपत्ता हुने गरेका छन् । प्रहरीको...

ramkahani-puja-sharma

निर्देशक सुदर्शन थापा र नायिका पुजा शर्माले नयाँ चलचित्र ‘रामकहानी’ बनाउने

काठमाडौं । निर्देशक सुदर्शन थापा र नायिका पूजा शर्माले...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK