खोटाङ सेवा समाज दोहा कतारको भेटघाट तथा अन्तरक्रिया कार्यक्रम सप्पन्न

ENGLISH

NRN GLOBAL

खोटाङ सेवा समाज दोहा कतारको भेटघाट तथा अन्तरक्रिया कार्यक्रम सप्पन्न

2 June, 2016 | Sandeep Bhattarai | 450 Views | comments

गत मंगलबारका दिन दोहा स्थित खोटाङ सेवा समाजले खोटाङ जिल्ला टेम्मा गाबिसमा जन्मनु भएका परराष्ट्र मन्त्रालयमा लामो समय देखि कार्यरत उप-सचिब हरिश्चन्द्र घिमिरे नेपाल सरकारका तर्फबाट मन्त्रालयका विशेष कामको सिलसिलामा बहराइन हुँदै तीन दिने कतार भ्रमणमा रहेको सूचना पाए पछि खोटाङ सेवा समाज दोहा कतारले भेटघाट तथा अन्तरक्रिया कार्यक्रम सम्पन्न गरेको छ ।

khotang

उहाँसंग विदेश स्थित कुटनीतिक नियोग लामो समय कार्य सम्पादन गरेको अनुभव रहेको छ । उहाँले २०५२ साल बाट निजामती कर्मचारी तहबाट नेपाल सरकारको परराष्ट्र मन्त्रालयमा कार्यरत रहि सेवा प्रदान गर्दै आउनु भएको हो। घिमिरे बर्मा,अमेरिका,साउदी अरब जस्ता देशमा नेपाल सरकारका तर्फबाट आफ्नो कार्य सम्पादन गरि कार्यकाल सफल बनाउनु भएको छ ।

साउदी अरबमा उप-राजदूतको हैसियतमा समेत काम गरेको अनुभव उहाँमा छ । गृह जिल्ला बासी भएको र नेपाल सरकारको परराष्ट्र मन्त्रालय जस्तो उच्च तहमा कार्यरत उहाँ कतार आएको सूचना पाए पछि खोटाङ सेवा समाजले भेटघाट तथा अन्तरक्रिया कार्यक्रम गर्न छोटो समयमा तयार गरि उहाँ सग समय लिएको थियो । समय अत्यन्तै छोटो रहेकोले उक्त कार्यक्रममा खोटाङ जिल्ला संस्थाका तर्फबाट मात्रै उपस्थिति रहेको थियोे । कार्यसमितिका पदाधिकारीहरु तथा प्रमुख सल्लाहकार सल्लाहकार समिति सदस्यहरुको उपस्थिति रहेको थियोे ।

संस्थाका अध्यक्ष प्रकाश गुरुङ कार्यब्यस्तताका कारण उपस्थित हुन नसकेका हुनाले संस्थाका प्रथम उपाध्यक्ष तिला बहादुर खत्रीको सभापतित्वमा सम्पन्न कार्यक्रममा प्रमुख अतिथी परराष्ट्र मन्त्रालयका उप-सचिब हरिश्चन्द्र घिमिरे,विशेष अतिथि प्रमुख सल्लाहकार प्रेम प्रसाद भट्टराई,नेपाली दूतावास दोहा कतारका सहचारी रामबोल आचार्य अतिथिहरुमा संस्थाका सल्लाहकारहरु बिनेश तामाङ,चन्द्रसेर राई,भाइकाजि गुरुङ,तिर्थसङ्गम राई,अमृतकुमार राई,हुनुहुन्थ्यो ।

संस्थाका महासचिव रुद्रप्रसाद आचार्यले संचालन गरेको कार्यक्रममा संस्थाका द्वितीय उपाध्यक्ष एकराज राईले स्वागत मन्तब्य राख्दै स्वागत गर्नु भएको थियो । उक्त कार्यक्रममा समाजका सदस्य जैबी राइले आफ्नो भनाइ राख्दै आफू साउदी अरबमा कार्यरत हुँदा आफुले संस्थागत सहकार्य गर्ने क्रममा साउदी अरबको नेपाली दूतावासमा उप-राजदुतमा कार्यरत हरिश्चन्द्र घिमिरेलाई आफुले असल अभिभाबक पाएको स्मरण गर्दै दोहा कतारमा भेट्दा अत्यन्तै हर्षित भएको र बिगतका कुराहरु स्मरण गराएको बताउदै केही महिना पछि खोटाङ सेवा समाज कतारले खोटाङ जिल्लामा एम्बुलेन्स संचालनमा ल्याउन अभियान संचालन गरि रहेको र सरकारी प्रक्रिया पूरा गर्न सहयोग गर्न फेरि एकपटक अभिभाबकको भुमिका खेल्न आग्रह गरेका थिए ।

त्यसै गरि क्रमश संस्थाका सचिब कैलाश श्रेष्ठले मन्तव्य सल्लाहकार तिर्थसङ्गम राइले कविता बाचन गरे भने सल्लाहकार तथा एनआरएनए एनसिसि कतारका अध्यक्ष बिनेश तामाङ सल्लाहकारहरु चन्द्रसेर राई,अमृतकुमार राई,भाइकाजी गुरुङ,प्रमुख सल्लाहकार प्रेम प्रसाद भट्टराईले आ-आफ्नो मन्तब्य राख्दै खोटाङ सेवा समाज कतारको इतिहासिक उद्देश्य माथी प्रकाश पार्दै विशिष्ट ब्यक्ति तथा अभिभावकसंग कतारमा अन्तरक्रिया कार्यक्रम गर्न पाउनु र आफू खोटाङ जिल्लाबासी हुनुमा गौरव महसुस गरेको भनाइ राख्दै एम्बुलेन्स अभियान संचालन गर्न सरकारी सहयोग तथा जिल्लामा बिकाश गर्न भुमिका खेल्ने बिश्वास व्यक्त गरेका थिए ।

प्रमुख अतिथी तथा परराष्ट्र मन्त्रालय उप-सचीव हरिश्चन्द्र घिमिरेले आफ्नो भनाइ राख्नु हुँदै बहराइन र कतारको भ्रमण मन्त्रालय अन्तर्गत सरकारी भएको र खोटाङ सेवा समाजले विभिन्न सामाजिक कार्य गर्दै आएको आफुले सुन्दै आएको र दोहा कतारमा आफ्नो कार्य ब्यस्तताको बाबजुद जिल्लाबासी संस्थाका साथीहरुसंग भेट्ने आफ्नो चाहना रहेको आफ्नो अत्यन्तै छोटो समय निकालेर खोटाङ सेवा समाजलाई समय दिन उपस्थित हुन पाएकोमा र आफू पनि खोटाङ जिल्लामा जन्मेर सरकारी सेवामा कार्यरत रहेको जिल्लामा आफ्नो जग्गा जमिन अझै रहेकोले बेला बेला जन्मेको गाँउको मायाले गर्दा जिल्ला जाने गरेको दोहा कतारमा कार्यरत खोटाङ बासी दाजुभाइसंग भेटेर अन्तरक्रिया गर्दा अझै आफुलाइ जिल्ला तर्फ आकर्षित गरेको बताउनु भयो ।

संस्थालाई आफुले सक्ने सबैखाले सहयोग गर्ने र जिल्लाको विकासका निमित्त आफ्नो तर्फबाट सक्ने पहल गरिरहेको जिल्लामा विकास पुर्याउन सबैभन्दा पहिले सडक स्तरोन्नति गर्नु पर्ने आफुले देखेकोले त्यस तर्फ आफुले सक्ने पहल गर्दै आइ रहेको भनाइ राख्नु हुँदै कार्यक्रम आयोजना गरिएकोमा संस्थालाई धन्यवाद दिनु भएको थियो । अन्त्यमा कार्यक्रमका सभापतित्व गरि रहनु भएका प्रथम उपाध्यक्ष तिला बहादुर खत्रीले आफ्नो भनाइ राख्दै कार्यक्रम समापन गर्नु भएको थियो।

यो पनि हेर्नुस – कतारबाट नेपालीको गुहार… पहिला अन्न देउ अनि न्याय देउ

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

"वर्ल्ड भिलेज फेस्टिबल" फिनल्याण्डमा सम्पन्न

“वर्ल्ड भिलेज फेस्टिबल” फिनल्याण्डमा सम्पन्न

फिनल्याण्डको राजधानी हेल्सिन्किमा मे २६ मा नेपाली समुदायले आफ्नो...

प्रम

समय, देश र जनताले माग गरेअनुसार संविधान संशोधन हुनेछः प्रम

प्रधानमन्त्री केपी शर्मा ओलीले सरकारले जनतालाई अधिकार, अवसर, सुरक्षा...

एल्बम ’एकतर्फी माया’ सार्वजनिक

एल्बम ’एकतर्फी माया’ सार्वजनिक

श्रष्टात्रय गीतकार होम न्यौपाने, संगीतकार दीपक भट्टराई तथा गायक...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK