खेल जीवनपछि क्रिकेट सङ्घको नेतृत्वमा जानसक्छु : पारस खड्का (भिडियो अन्तर्वार्ता)

ENGLISH

SPORTS

खेल जीवनपछि क्रिकेट सङ्घको नेतृत्वमा जानसक्छु : पारस खड्का (भिडियो अन्तर्वार्ता)

बीबीसी

9 August, 2018 | Kabi Adhikari | 3825 Views | comments

पारस

नेपाली क्रिकेटको उपलब्धि र अन्तर्राष्ट्रिय यात्रामा सारथि बनेका कप्तान पारस खड्काले सक्रिय खेल जीवनपछि आफू क्रिकेट प्रशासनको नेतृत्व तहमा र परिस्थितिले साथ दिएमा राजनीतिमा पनि जानसक्ने बताएका छन्।तर केही समय आफू खेलाडीकै रूपमा सक्रिय हुने उनले स्पष्ट पारेका छन्।

नेपालको क्रिकेट प्रशासन चर्को राजनीतिबाट प्रभावित भएर अन्तर्राष्ट्रिय क्रिकेट परिषद्बाट प्रतिबन्धित भएको परिस्थितिमा पनि राष्ट्रिय टोली भने कायम छ। खड्काले नै त्यसको नेतृत्व गर्दै आएका छन्।

के यी लगनशील कप्तानको अबको लक्ष्य नेपाल क्रिकेट सङ्घको अध्यक्ष बन्नु हो?
स्पष्ट वक्ताको रूपमा परिचित खड्का भन्छन्, “अब बन्ने सङ्घ वा बोर्डमा यस्ता मान्छे आउनु पर्‍यो जो क्रिकेटको विकासमा समर्पित होओस्। भोलिका दिनमा त्यो म पनि हुनसक्छु।”

खेल जीवनपछि प्रशिक्षण भन्दा प्रशासन आफ्नो रुचि रहेको तर क्रिकेट प्रशासनको संरचना कठिन रहेको उनको बुझाइ छ।

जीवन नै क्रिकेटमा समर्पण गरेपछि म कुनै न कुनै रूपमा क्रिकेट प्रशासनमा हुनेछु

तीस वर्षीय खड्का भन्छन्, “खेल्नुभन्दा प्रशासन गाह्रो छ भन्छन्। जिल्लाबाट आउनुपर्‍यो। जित-हारको कुरा भयो। राजनीति पनि हुने भयो। तर जीवन नै क्रिकेटमा समर्पण गरेपछि म कुनै न कुनै रूपमा क्रिकेट प्रशासनमा हुनेछु।”उनका अनुसार त्यो भूमिका विकास निर्देशक, प्रमुख कार्यकारी अधिकृत वा पदाधिकारी जुन रूपमा पनि हुनसक्छ। राम्रो उद्देश्य राखे अरूको सहयोग पाउनेमा उनी विश्वस्त छन्।

‘प्रशासकको गुण’
खेलमैदानमा उत्तरदायी नेता रूपमा परिचित खड्कामा कुशल प्रशासक बन्नसक्ने गुण भएको बताइन्छ। उनी हाल क्रिकेट खेलाडी सङ्घ इपानका महासचिव पनि हुन्।

खेलाडीविरुद्ध हुने अन्यायविरुद्ध आवाज उठाउँदै आएका खड्काले आफ्नै नेतृत्वमा क्यानविरुद्ध पटकपटक सङ्घर्ष गरेका छन्, राष्ट्रिय खेल बहिष्कार गरेका छन्।कुनै बेला पुबुदु दशानायकलाई पुन: प्रशिक्षक नबनाइए क्रिकेट नखेल्ने घोषणा गरेका उनको आँटलाई कतिपयले नेतृत्व गर्नसक्ने गुणका रूपमा बुझ्ने गरेका छन्।

अन्तर्राष्ट्रिय क्रिकेट परिषद् आईसीसीबाट प्रतिबन्धित रहेको अवस्थामा हाल नेपाली क्रिकेटको नेतृत्व उनैले गर्दै आएको देखिन्छ।

शक्तिशाली
उनी अहिले मैदानभित्र कप्तान हुन् भने बाहिर राष्ट्रिय टोलीका एक छनोटकर्ता हुन्। उनी आईसीसीसँग पत्राचार गर्ने अघोषित समन्वयकर्ता हुन्।विदेशी क्रिकेट टोलीहरूले उनीसँग छलफल गर्ने गरेको बताइन्छ।

के उनी नेपाली क्रिकेटको सबैभन्दा शक्तिशाली व्यक्ति हुन्?

खड्का भन्छन्, “म जिम्मेवार स्थानमा छु। एउटा खेलाडीको रूपमा राम्रो खेल्नु मेरो पहिलो जिम्मेवारी हो। तर क्रिकेट विकासको लागि आउने कुनै पनि काम गर्न म पछि हट्दिनँ। त्यो म इमान्दार भएर पूरा गर्न तयार छु, गरिरहेको छु।”

यद्यपि अहिलेको मुख्य काम भनेको राम्रो खेल्नु नै रहेकोमा उनको जोड छ।

आरोप
अहिलेको परिस्थितिमा रमाइरहेको र त्यो नफेरिएकोमा खुसी नै भएको उनलाई आरोप लगाउनेहरू पनि छन्।

त्यसबारे उनी भन्छन्, “अहिलेको परिस्थितिमा यस्तो आलोचना नहोला भन्न सकिन्न। मैले गरेको काम सबै राम्रो नै होला भन्न नसकिएला। त्यसमा सच्याउन सकिन्छ। तर मैले आजसम्म नेपाली क्रिकेटबारे कुनै गलत निर्णय गरेको छैन, गर्ने पनि छैन।”उनी सन् २००९ देखि नेपाली राष्ट्रिय टोलीमा कप्तानीको भूमिकामा छन्।

खेलमै आफू रमाइरहेको भन्दै उनी थप्छन्, “जसरी भरखरै हामीले अन्तिम बलमा नेदर्ल्यान्ड्ससँग जित्यौँ – जसरी डिभिजन २ को अन्तिम समयमा करण केसीले क्यानडाविरुद्ध खेल जिताए, जसरी पपुवा न्यूगिनीसँगको खेलमा दीपेन्द्र ऐरीले अर्धशतक बनाएर वा जसरी एकदिवसीय मान्यता पायौँ। यी सबै क्षणहरूमा म बढी रमाउने गर्छु।”

राजनीति
भूतपूर्व कप्तान इमरान खान पाकिस्तानको प्रधानमन्त्री बनेको दृष्टान्त दिँदै के उनी पनि सक्रिय राजनीतिमा प्रवेश गर्लान् भन्ने प्रश्नबारे खड्का त्यो परिस्थितिमा भर पर्ने बताउँछन्।

उनी भन्छन्, “पहिले म मेचीदेखि महाकालीसम्म पुगेर त्यहाँको वातावरण क्रिकेटमय बनाउन चाहन्छु। अभिभावकहरूले छोराछोरीलाई ‘क्रिकेटर बन’ भन्ने अवस्था आओस् भन्ने मेरो इच्छा हो।”

“त्यो सब गरिसकेपछि परिस्थितिले दिन्छ भने ह्वाई नट पोलिटिक्स?”

भिडियो –

बीबीसीबाट साभार

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

भद्रगोलकी रक्षा

भद्रगोलकी रक्षाले प्रेमीलाई छोडेर अर्कैसँग गरिन् बिहे(भिडियो सहित)

गायक बुद्ध राईको आवाज रहेको स्याड भर्सनमा रहेको नयाँ...

झुलाघाटमा पक्की पुल नहुँदा समस्या

झुलाघाटमा पक्की पुल नहुँदा समस्या

भारतसँग सीमा जोडिएको झुलाघाट नाकामा महाकाली नदीमाथि पक्की पुल...

तेक्वान्दो

अनटिएफले तेक्वान्दो खेलमा पदक जित्ने खेलाडीलाई नगद पुरस्कार दिने

युनिभर्सल युनाइटेड नेप्लिज तेक्वान्दो फेडेरेशन (अनटिएफ) ले आसन्न एसियन...

‘दाल,भात, तरकारी’ लिएर आउने शत्रु गते फिल्म

गएको वर्ष प्रदर्शनमा आएको सुपरहिट फिल्म ’शत्रु गते’ टिमले...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

जापानको हिरोसीमाका बाढी पीडितलाई नेपालीले गरे श्रमदान सहितको आर्थिक सहयोग

जापानमा बस्ने नेपालीहरुले बाढी पीडितहरुलाई सहयोग गरेका छन् ।...

FACEBOOK