खसी-कुखुरा जस्तै गाई काट्न थालिए के होला ?

ENGLISH

खसी-कुखुरा जस्तै गाई काट्न थालिए के होला ?

यादव देवकोटा

25 March, 2018 | Bhawana Pathak | 2635 Views | comments

केही दिनयता नेपालमा गाईको विषयमा निकै चर्काचर्की बहस सुरु भएको छ । यसलाई आ-आफ्नो किसिमले रक्षा र प्ररिक्षा अनि अति तल्लोस्तरका टिप्पणी गर्ने गरेका छन् । एकजना जिम्मेवार ओहदामा बसेका भनिएका व्यक्तिले गाई काट्ने कानुन बनाउनुपर्छ भनेको भन्दै समाचारहरु आएपछि यो विषय अर्कैतिर मोडिने डर पैदा भैसकेको छ ।

नेपालमा गाई पालन केवल दूध, मलका लागि हुन्छ । पश्चिममा मासु खानका लागि हामीले कुखुरा, सुंगुर, बंगुर पालेजस्तै गर्छन् । उनीहरु पनि दूधका लागि र मासुका लागि अलग अलग नश्लका गाई पाल्छन् । अब हामी विचार गरौं, घरमा दूध दिइरहेको गाई काटेर खानु अधिकार हो कि के हो ?

गाईलाइ पूजा गर्ने हिन्दु र गाईको मासुखाने समुदायका मानिसहरुबीच अहिले जसरी सामाजिक संजालमा आइलाग्ने र जाइलाग्ने काम भैरहेको छ यसले साम्प्रदायिक सदभाव नैखल्बलिने त हैन भन्ने चिन्ता व्यक्त भैरहेको छ । खानेले खालान्, विगतमा पनि त्यस्तो चलन

थियो, तर खानुअघि गाईँ काटेर, मासु भाग लगाउँदै गरेका फोटो किन सार्वजनिक गर्नु ?
बजारमा खसी कुखुरा काटेर मासु बेचे जस्तै गाई काट्न थालियो भने त्यसले कस्तो परिस्थिति सिर्जना गर्ला ? यसैका कारण जातीइ र धार्मिक द्वन्द्व बढदैन भनेर ग्यारेन्टी कसले लिने ? परम्परा जे छ त्यसलाई जसरी मानिदै र मनाइँदै आइएको छ त्यसै गरी चलिरहन दिने कि विवादको विषय बनाएर विदेवेष फलाउने ? सोचनीय विषय यो मात्रै हो ।

भन्नेले तिमीहरु गाईको मुत खाओ, हामी मासु खान्छौं भन्दैछन् । यो आक्रोश बाहेक केही हैन । गाईको शरीरबाट निसृत हुने हरेक कुरा मानव र प्रकृतिका लागि लाभदायक छ । दूधको त कुरै नगरौं । गहुँतमा यति ठूलो औषधीय शक्ति हुन्छ कि हामीले गाईको मासु खाने कि दूध मुत्रसेवन गर्न भन्नेयसपछि सोच्नैपर्छ ।

गाई धार्मिक हिसाबले हिन्दुहरुले लक्ष्मीको रुपमा पूज्नुको वैज्ञानिक कारण सार्वजनिक भैसकेको छ । गाईको मासु खाएर हैन, उसलाई पालेर मानिसको जीवन सहज हुन्छ भन्ने प्रमाणित भएको छ । गोमुत्रमा रोगव्याधी हटाउने शक्ति हुन्छ भन्ने पश्चिमी देशका वैज्ञानिकहरु यसो भनिरहँदा पश्चिमी मिसनरीका अभियानकारीहरु भने नेपालमा गाई संस्कृति मासेर उनीहरुको संस्कृति लाद्न खोज्दैछन् र उचाल्दैछन् सोझा सिधा जनतालाई ।

– गौमुत्रसर्वोत्तम औषधीको रुपमा लिइन्छ । यसको सेवनले कतिपय रोग समेत निर्मूल हुन्छ । यद्यपी स्वस्थ्य गाईको गौमुत्र सेवन गर्नुपर्छ । स्थानिय जातका गाई अझ खुला चरनमा छाडिने गाईको गौमुत्र, दुध बढी औषधिय महत्वको हुन्छ ।
– गौमुत्रमा यस्ता गुण हुन्छ, जसले क्यान्सर जस्ता रोग लाग्न दिदैन । चिकित्सा विज्ञान अनुसार गाईको कलेजोलाई चार भागमा बाढिन्छ । यसको अन्तिम हिस्सामा एक प्रकारको एसिड हुन्छ, जो क्यान्सर रोगको जड हटाउने क्षमता राख्छ । गौमूत्र खाली पेट प्रतिदिन निश्चित मात्रामा सेवन गर्दा क्यान्सर जस्तो रोग नष्ट हुन्छ ।
– गौमुत्रमा पोटेशियम, सोडियम, नाइट्रोजन, फस्फेट, यूरिया, यूरिक एसिड हुन्छ । दुध दुइरहेको समयमा गौमुत्रमा ल्याक्टोजको मात्रा वृद्धि हुन्छ, जो हृदय रोगीको लागि फाइदाजनक मानिन्छ ।
– गौमूत्रमा नाइट्रोजन, सल्फर, अमोनिया, कपर, फलाम, युरिक एसिड, युरिया, फस्फेट, सोडियम, कार्वोलिक एसिड, क्याल्यसमि, भिटामिन आदि पाइन्छ ।
– गौमुत्रमा प्रति अक्सिकरणको क्षमताको कारण डीएनए नष्ट हुनबाट बचाउँछ । गोमूत्रबाट बनेको औषधीले क्यान्सर, उच्च रक्तचाप, आर्थराइटिस, सर्वाकल हड्डी सम्बन्धी रोगको समेत उपचार संभव हुन्छ ।

त्यसै गाईलाई नेपालको राष्ट्रिय जनावर मानिएको हैन । पौराणिककालदेखि गाईलाई त्यसै पूजा गरिएको हैन । ऋषिमुनिहरुले हजारौंहजार वर्षअघि पत्ता लगाएको कुरा आज विज्ञानले पुष्टि गरिसक्यो । हामी किन गाईका विषयमा अनेक विवाद निकालेर राष्ट्रिय एकतालाई भत्काउन लागिपर्ने ?

बाहिरी वातावरण किटाणुरहित बनाउन घर वरिपरी गोमुत्र छर्कने गरिन्छ । अन्नबालीमा लागेको किरा हटाउन गोमुत्र छर्किने चलन गाउँघरमा छ । गाई काट्न पाउनपर्छ भन्नेले पनि यसो गरेकै होलान् । त्यस्तै गोबरमा पनि त्यही शक्ति हुन्छ । जुन जनावरको दिसा पिसाव नै यति उपयोगी छ भने यसको दूध कस्तो होला ? गाईको दूधमा स्वर्णतत्व पाइन्छ । यो वैज्ञानिकहरुले भनेको कुरा हो ।

नेपालको संविधान २०७२ ले गाईलाई राष्ट्रिय जनावर मानेको छ । राष्ट्रिय जनावरको बध गरिंदैन, गरे कारबाही हुन्छ । तर नेपालमा यस्तै भैरहेको छ र संविधानले निषेध गरेको कुरा गर्न पाउनु आफ्नो अधिकार भएको भ्रम फैलाइएको छ । जनआन्दोलन २०६२।०६३ को सफलतापश्चात खुलेआम गौबधको शृङ्खला बढ्दै गयो । अहिले अधिकारका नाममा ओमकार परिवारले मान्दैआएको सनातन धर्मावलम्बीहरुको अस्तित्वमाथि धावा धाला बोल्न अधिकारको जलप लगाइयो

नेपालमा गाईको मासु खानेहरु नभएका हैनन्, विभिन्न जातजातिले गाई खान्छन् । अनि गाई मार्नेहरूले यसलाई आफ्नो अधिकार भन्ने गरेका छन् । यसो भन्दैमा संविधानले निषेध गरेको कुरा गर्नु अपराध हो, गैरकानुनी हो । राष्ट्रिय जनावर गाई काटेर खान पाउनुपर्छ भन्नु संविधान विपरीतको काम हो ।

धार्मिक मान्यताका आधारमा गाईलाई हिन्दु धर्मावलम्बीहरूले लक्ष्मीको रुपमा पूजा गर्ने गर्दछन् । यसको अर्थ गैरहिन्दुहरूले धर्म निरपेक्षताकै आधारमा अरुको आस्थामा प्रहार गर्नु नै अधिकार स्थापित गर्नु हो भन्ने मान्यता राख्ने हो भने मुलुकमा कहिल्यै सहिष्णुता कायम रहँदैन । यो बडो गम्भीर र विचारणीय पक्ष हो । जातीय राजनीतिका पक्षपोषकहरू गाई मारेर खान पाउनुपर्छ भन्दै आइरहेका छन् । कतिपयको संस्कृति र परम्परामा त्यो छुट छ तर यसो भन्दैमा संविधानले निषेध गरेको कुरा किन गर्ने ?

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

america

टीपीएस सुविधा लिएका नौ हजार नेपाली अमेरिकाबाट फर्किनुपर्ने

न्यूयोर्क (अमेरिका): अमेरिकामा रहेका नेपालीले पाइरहेको टिपीएस सुविधा आगामी...

quatar-nepali

कतारबाट नेपाल पत्रकार महासंघको अगुवाईमा तीन नेपालीको उद्दार

कतार: बैदेशिक रोजगारीको सिलसिलामा केही दिनअघि कतार आएका तीनजना...

आइपिएल : हैदराबादद्वारा पञ्जाब १३ रनले पराजित

इन्डियन प्रिमियर लिग (आइपिएल) प्रतियोगिता अन्तर्गत बिहिबार भएको खेलमा...

mayakai-piralo

चर्चित गायिका भूमिका गिरिले ल्याइन “मायाकै पिरलो” [भिडियोसहित]

चाहे लोक गीत होस या आधुनिक गीत, मार्मिक शब्दहरुको...

MOST POPULAR

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

FACEBOOK