‘कोही छौ भने छोरो फर्काइदेऊ’

ENGLISH

NRN GLOBAL

‘कोही छौ भने छोरो फर्काइदेऊ’

6 June, 2018 | Kabiraj Adhikari | 2785 Views | comments

औरही (महोत्तरी) : ‘भगवान्, छोरालाई फाँसीबाट सकुशल फर्काइदेऊ । उसलाई फाँसी दिइँदै छ भन्ने सुनेका छौं । कोही हुनुहुन्छ भने छोरो बचाइदिनुस् । ऊ हाम्रो एउटै छोरो हो ।’

महोत्तरीको औरही नगरपालिका—१ की गीतादेवी चौधरी र श्यामकिशोर चौधरीले घरमा पुग्नेहरूसँग गर्ने बिलौना हो यो । बिलौना गरिरहँदा उनीहरू कतिखेर भक्कानिन्छन् त कतिखेर भगवान् पुकारिरहेका हुन्छन् ।

चार वर्षअघि वैदेशिक रोजगारीका क्रममा कतार गएका अनिल चौधरीलाई त्यहाँको अदालतले गोली हानेर मृत्युदण्ड सुनाएपछि उनको परिवार अहिले चिन्तामा डुबेको छ ।

२३ वर्षीय अनिल घर फर्किन एक वर्ष मात्र बाँकी थियो । तर घर फर्किनु एक वर्षअघि नै उनी कतारी जेलमा परे । कतारी नागरिक उमैर मोहम्मद उमैर अल रामजानी अल नियमियोको हत्या गरी पैसा लुटेको आरोपमा त्यहाँको अदालतले उनलाई मृत्युदण्ड दिने फैसला सुनाएको हो । उनी जेल परेको १५ महिना भइसक्यो ।

अनिललाई मृत्युदण्ड सुनाइनुअघि सामान्य झगडा हुँदा जेल परेको परिवारको अनुमान थियो । जेलमै रहँदा पनि अनिलले आफ्ना बुबाआमासँग कुराकानी गर्थे । आफूले केही नगरेको र जेलमा अनुसन्धानका लागि ल्याएको उनले घरमा भन्ने गरेका थिए । त्यसैले बुबाआमा चित्त बुझाएका पनि थिए । छोरा जेलबाट छुटेर घर आउने उनीहरूको आशा थियो ।

तर केही समययता अनिलको गाउँमा सन्नाटा छाएको छ । परिवार, इष्टमित्र, गाउँसमाज सबै चिन्तामा परेका छन् । चौधरी दम्पतीका दुई छोरी र एक छोरा छन् । दुई छोरीको बिहे भइसक्यो । उनीहरू आआफ्नो घर गरी बसेका छन् । आफूहरूको एउटै आशाभरोसा छोरालाई मृत्युदण्ड सुनाइएपछि बुढेसकालमा सहारा दिने लठ्ठी भाँचिएको बुबा श्यामकिशोरले बताए । ‘छोराले कमाएर पठाउँथ्यो’, उनी भक्कानिए र भने, ‘हामी बूढाबूढीको मुखमा अन्न पथ्र्यो । अब के होला हामी र हाम्रो छोराको अवस्था ? केही सोच्नै सकेका छैनौं ।’

छोराले कमाएर पठाउँथ्यो र हामी बूढाबूढीको मुखमा अन्न पथ्र्यो, अब के होला हामी र हाम्रो छोराको अवस्था ?
श्यामकिशोर चौधरी, अनिलका बुबा

जेलमा छोरासँग अहिले पनि कुरा हुन्छ । तर फोनमा बोलिरहँदा अनिल पनि भक्कानिन्छन् । ‘म बाँच्दिनँ, स्वदेश फर्किन पनि पाउन्नँ भन्दै फोनमा छोराले सुनाउँछ,’ बाबु श्यामकिशोरले भने, ‘त्यसैले उसको आत्मबल बढाउन मन कठोर पारेरै भए पनि हाँसेर कुरा गर्छौं । ऊसँग फोनमा कुराकानी गर्दा रुने अवस्था रहन्न । हामी नै रोयौं भने छोरो त्यत्तिकै रुन्छ ।’

त्यसैले श्यामकिशोरले अहिले पुकार गरिरहेका छन्, नेपाल सरकार र भगवान्लाई पनि । ‘सुबह-साम नेपाल सरकार र भगवान्सँग पुकारा गरिरहेको छु’, उनले भने, ‘छोरालाई जसरी पनि फर्काइदिनुस् । बरु मसँग भएको सबै धनसम्पत्ति सरकारले लेओस् । तर छोरालाई मृत्युदण्डबाट उतारिदेओस् ।’

अनिललाई स्वदेश फर्काउन नेता, सरकार एवं सहयोगी हातलाई समेत उनको परिवारले गुहारिरहेको छ । अनिल कोमल इन्टरनेसनल सर्भिस प्रालिमार्फत २०१५ अगस्ट २७ मा कतार गएका हुन् । उनी त्यहाँको कारवास कम्पनीमा सामान्य कामदारका रूपमा काम गर्दैै आएका थिए । तर एक्कासि उनी सन् २०१७ को अप्रिल पहिलो साता पक्राउ परे ।

डेढ लाख रुपैयाँ ऋण गरेर छोरालाई कमाउन विदेश पठाएका श्यामकिशोरसँग दुई धुर घडेरी र सात कठ्ठा खेत छ । पहिले उनको घर थियो । तर त्यो अहिले भत्किएको छ । त्यसैले मासिक आठ सय रुपैयाँ भाडा तिरेर छिमेकीको घरमा कोठा लिएर दम्पती बसिरहेका छन् । र अहिले उनीहरूले ठेलागाडामा सानो पसल चलाएका छन् ।

छोरालाई मृत्युदण्ड सुनाएपछि उनीहरू अहिले न पसल राम्ररी चलाउन सकेका छन्, न आफ्नो स्वास्थ्यको ख्याल गर्न नै । पीरैपीरले गीता र श्यामकिशोर दुब्लाएर ख्याउटिएका छन् ।

छोरा घर फर्किएपछि नयाँ घर बनाउने उनीहरूको सपना थियो । घर मात्र होइन, अनिलको घरबार जोड्न श्यामकिशोरले केटीसमेत खोज्दै थिए । तर ती सपना अहिले गौण बनेका छन् ।

छोरालाई मृत्युदण्ड सुनाइएपछि उसलाई स्वदेश फर्काउन पहल गर्न सरकारको दैलो घचघच्याउन काठमाडौं आवतजावतमै श्यामकिशोरको ६० हजार रुपैयाँ सकिइसक्यो । तर पनि उनले हिम्मत हारेका छैनन् । साहूसँग ऋण लिएरै भए पनि बारम्बार काठमाडौं पुगेर छोरो फर्काइदिन सरकारलाई आग्रह गर्न छाडेका छैनन् उनले ।

कतारस्थित नेपाली दूतावासले परराष्ट्र मन्त्रालयको संयोजनमा अनिलको जीवन रक्षाको पहल गरिरहेको छ । दूतावासले मृत्युदण्डको फौसलाविरुद्ध कतारको पुनरावेदन अदालतमा मुद्दा दर्ता गरिएको छ । – आजको अन्नपुर्ण पोस्ट दैनिकमा खबर छ ।

कतारमा अलपपत्र ४२९ युवाको उद्धारको पहल

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

हर्षोल्लासपूर्वक छठ मनाइँदै

शुद्धता, सद्भाव र आस्थाको पर्व छठ आज श्रद्धा एवं...

नेपाल सम्बत्

कोलोराडोमा नेपाल सम्बत् ११३९ को अवसरमा शुभकामना आदान प्रदान कार्यक्रम सम्पन्न

नेपाल सम्बत् ११३९ उपलक्ष्यमा कोलोराडो निवासी नेःवा समुदायले आइतबार...

छक्का पञ्जा-३

‘छक्का पञ्जा-३’ ले अमेरिकामा बनायो नयाँ रेकर्ड

यति बेला नेपाली सिने नगरीमा चलचित्र ‘छक्का पञ्जा-३’ ले...

कोलोराडोमा लक्ष्मी जयन्तीसंगै साहित्यकार डा.शिलु सम्मानित

देवकोटाको जयन्तीसंगै कोलोराडोमा साहित्यकार डा. शिलु सम्मानित

कोलोराडोमा ११० औं लक्ष्मी जयन्तीको अवसरमा कवि गोष्ठीसंगै प्रवासमा...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK