‘कोरियाली संस्कृति सप्ताह’ शनिबारदेखि

26 May, 2018 | Kabiraj Adhikari | 2585 Views | comments

नेपालस्थित कोरियाली दूतावासले कोरियाको संस्कृतिका बारेमा जानकारी गराउने उद्देश्यले शनिबारदेखि ‘कोरियाली संस्कृति सप्ताह’ आयोजना गर्ने भएको छ ।

कार्यक्रमको अवधिभर वेशभूषा प्रदर्शनी, कोरियाली खानालगायत विभिन्न सामग्रीको प्रदर्शनी, वक्तृत्वकला प्रतियोगिता, उत्कृष्ट चलचित्र प्रदर्शन लगायतका कार्यक्रम रहेको दूतावासले जनाएको छ ।

नेपालका लागि कोरियाली राजदूत पार्क योङ–सिकले सांस्कृतिक कार्यक्रमले कोरिया र नेपालको सम्बन्ध अझै मजबुत बनाउन सघाउने विश्वास व्यक्त गर्नुभयो । धेरै नेपालीले कोरिया जानका लागि भाषा परीक्षा दिने उद्देश्यले भाषा पढेका छन् । उहाँ भन्नुहुन्छ, “८० हजार जनाले परीक्षा दिन लाग्नुले पनि कोरियन भाषा धेरै नेपालीले जान्ने देखाएको छ ।”

कार्यक्रममा पहिले छनौट भएका १० जनाका बीचमा वक्तृत्वकला प्रतियोगितासमेत भएको छ । आज(शनिबार)बाट पुल्चोकस्थित लबिङ मलमा उत्कृष्ट कोरियाली फिल्महरु प्रदर्शन गरिदैछ ।

कार्यक्रममा कूटनीतिज्ञ, सरकारी अधिकारी, पत्रकार, विद्यार्थी लगायतको उपस्थिति थियो ।

सुखवती फाउण्डेशनलाई कोरियाली पुरस्कार

• #‘कोरियाली संस्कृति सप्ताह’ शनिबारदेखि