के पुटिनले अमेरिकी सर्वोच्चता खत्तम गर्लान् ?

ENGLISH

WORLD

के पुटिनले अमेरिकी सर्वोच्चता खत्तम गर्लान् ?

22 February, 2017 | Bhawana Pathak | 740 Views | comments

रुसी राष्ट्रपति भ्लादमिर पुटिनसँग अमेरिकी राष्ट्रपति डोनाल्ड ट्रम्पको खुलापनबाट वासिङटनमा विदेशनीतिसँग जोडिएका अधिकांश प्रतिष्ठान निराश छन् । अब त्यस्तै इच्छा युरोपका केही नेता पनि गर्न थालेका छन् । फ्रान्स, इटली, हंगेरी, चेक गणराज्यका नेता घोर दक्षिणपन्थी छैनन् । उनीहरू सबै क्रेमलिनका एजेन्ट पनि होइनन् । यस्तो स्थितिमा एउटा प्रश्न उठ्छ, पश्चिममा पुटिनप्रति यो आकर्षणको कारण के होला ? बिबिसी संवाददाता टिम ह्विलको लेख आजको नयाँ पत्रिकाले छापेको छ ।

putin

अमेरिकी कंग्रेसका नेता डेना रोअरबाकर भन्छन्, ‘म पुटिनलाई राम्रो व्यक्ति ठान्दिनँ । म उसलाई खराब व्यक्तिका रूपमा हेर्छु तर विश्वको हरेक खराब व्यक्ति हाम्रो शत्रु त होइन । यहाँ यस्ता कैयौँ क्षेत्र छन्, जहाँ हामीले सँगसँगै काम गर्‍यौँ भने एउटा असल विश्व बनाउन सक्छौँ । रुस पश्चिमको दोहोरो मापदण्डको सिकार पनि भएको छ ।’

यस्तै विचार केही पश्चिमी विशेषज्ञको पनि छ । बेलायतको केन्ट विश्वविद्यालयमा रुसी तथा युरोपेली राजनीतिका प्राध्यापक रिचर्ड साकवा भन्छन्, ‘हामी यस्तो इको च्याम्बरमा छौँ, जहाँ केवल आफ्नो मात्रै आवाज सुनिन्छ । त्यो हाम्रो राष्ट्रिय हितमा छ भने राम्रो हो । तर, जब रुस आफ्नो राष्ट्रिय हितको रक्षाको कोसिस गर्छ, तब त्यो अवैध हुन्छ । त्यसलाई आक्रमण मानिन्छ ।’

रुसले २०१४ मा क्रिमियालाई आफ्नो कब्जामा लिएको थियो र युक्रेनका विद्रोहीलाई सैन्य सहायता दिएको थियो । विश्वले यसलाई रुसी सीमाको विस्तार गर्ने पुटिनको कोसिसको रूपमा हेरेको थियो ।

न्युयोर्क विश्वविद्यालयको रुसी अध्ययन केन्द्रका अवकासप्राप्त प्राध्यापक स्टिफन कोहेन भन्छन्, पश्चिमको विश्वमा राष्ट्रपति पुटिनको तिरस्कारको कारण वास्तवमा उनका पूर्ववर्ती बोरिस यल्तिसनका सुधारलाई पुटिनले तिरस्कार गरेका कारण पैदा भएको निराशा हो । केही रुसी त्यो समयको खराब कानुन व्यवस्था तथा गिर्दो जीवनस्तरको श्रेय यी सुधारलाई दिन्छन् । पुटिन एकजना युरोपेली मूलको व्यक्ति हो । उनी यस्तो देशमाथि शासन गर्ने कोसिस गरिरहेका छन् जो आंशिक रूपले मात्र युरोपेली हो ।

रुससँग सम्बन्ध सुधानुपर्ने माग गर्ने प्रोफेसर केही सीमित उदारमा मानिसमध्ये एक हुन् । तर, रुससँग सम्बन्ध सुधार्न चाहनेवाला अधिकांश अमेरिकी राजनीतिक रूपले सही छन् ।

सोभियत संघको हिस्सा रहेको पूर्वी युरोपको अधिकांश देश शीतयुद्ध पछि नेटो तथा युरोपेली युनियनमा सामेल भए । यी देशका केही पूर्व र केही वर्तमान नेताहरूले पुटिनसँग कुनै ठूलो सम्झौताको प्रयास क्षेत्रीय सुरक्षाका लागि खतरा हुनेछ भनी टम्प सचेत गराएका छन् ।

तर, मध्य युरोपको देश हंगेरी सरकारले फरक रवैया अपनाएको छ । हंगेरीका विदेशमन्त्री पिटर शिआटो भन्छन्, हामी रुसलाई हंगेरीका लागि खतराको रूपमा हेर्दैनौं । वैश्विक मामलामा रुस र अमेरिका मिलेर काम गरेनन् भने पूर्वी युरोपमा सुरक्षा कमजो हुन्छन् ।

हंगेरी क्रिमियामाथि रुसले कब्जा गरेपछि रुसमाथि लगाइएको पश्चिमी नाकाबन्दी हटाउन माग पनि गर्दै आएको छ । त्यसो त लोकतान्त्रिक मूल्यहरूमा केही पाबन्दी लगाएको र रुससँग सम्बन्ध विस्तार गरेका कारण हंगेरी सरकरको आलोचना पनि भइरहेको छ । हंगेरीका प्रधानमन्त्रीले केही समयअघि युरोपले मुस्लिम देशमा हुने आप्रवासनको मामिलामा इशाइ मूल्य बचाइराख्नुपर्ने धारणा राखेका थिए ।

रुसले पनि आफ्नो राष्ट्रिय पहिचान र इशाइ मूल्यलाई बचाइराख्न काफी प्रयास गर्दै आएको छ । पश्चिमका राष्ट्रवादीहरू रुसलाई सहयोगीको रूपमा पनि हेरिरहेका छन् । (बिबिसी डटकमबाट)

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

‘’ग्रेट लभ’’ मार्फत डेब्यू गर्दै शाश्वत श्रेष्ठ

पहिलो महिला चलचित्र निर्देशक तथा निर्देशक समाजकी अध्यक्ष सुचित्रा...

प्रवासी नेपाली मञ्च अमेरिकाको दोश्रो राज्य भेला नयाँ कार्यसमिती चयन गर्दै सम्पन्न

प्रवासी नेपाली मञ्च अमेरिकाको  दोश्रो कोलोराडो राज्यको भेलाले नयाँ कार्यसमिती...

विश्वकप

विश्वकपमा आज हुने तीन खेल

रसियामा जारी फिफा विश्वकप फुटबल २०१८ अन्तर्गत आज (आइतबार)...

नेपालको बजेट बारे हङकङमा अन्तरक्रिया

नेपाल च्याम्बर अफ कमर्स हङकङले नेपालको बजेट बारे अन्तरक्रिया...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK