केन्द्र र प्रदेश निर्वाचन: कुन चरणमा कहाँ चुनाव ?

ENGLISH

केन्द्र र प्रदेश निर्वाचन: कुन चरणमा कहाँ चुनाव ?

1 September, 2017 | Bhawana Pathak | 1865 Views | comments

निर्वाचन आयोगले प्रदेश र प्रतिनिधिसभाको निर्वाचन पहिलो चरणमा ३२ जिल्लामा र दोस्रो चरणमा ४५ जिल्लामा गर्ने निर्णय लिएको छ । सरकारले दुवै तह निर्वाचन सँगसँगै दुई चरणमा गर्ने भने पनि कुन जिल्लालाई कुन चरणमा राख्ने निर्णय गरेको थिएन ।

उक्त अधिकार आयोगलाई दिएको थियो । आयोग प्रवक्ता सहसचिव नवराज ढकालले पहिलो चरणमा मंसिर १० गते हिमाली र उच्च पहाडी जिल्लामा चुनाव हुने र दोस्रो चरणको मंसिर २१ मा पहाडी तथा तराईका जिल्लामा निर्वाचन हुने जानकारी दिए । आयोगको बिहीबार बसेको बैठकले भौगोलिक अवस्थालाई ध्यानमा राखेर उक्त निर्णय लिएको उनले बताए ।

बुधबार बसेको मन्त्रिपरिषद् बैठकले यसअघि घोषित मंसिर १० गते एकै चरणमा निर्वाचन गर्ने निणर्यमाथि पुनर्विचार गर्दै दुई चरणमा गर्ने निर्णय लिएको हो । भदौ ५ को मन्त्रिपरिषद् बैठकले एकै चरणमा निर्वाचन गराउने निर्णय गरेको थियो । तर आयोगले दुई चरणमा गर्नुपर्ने सुझाएपछि सरकारले त्यहीअनुसार अर्काे निर्णय गरेको हो । चिसो बढेसँगै हिमाली र उच्च पहाडी भेगमा हिउँ पर्ने भएकाले ती जिल्लालाई पहिलो चरणमा राखिएको छ । दुई चरणमा निर्वाचन गर्दा प्रदेश २ बाहेक सबै प्रदेशभित्रका जिल्लाहरू पहिलो र दोस्रो चरणमा बाँडिएका छन् ।

प्रदेश १ को सोलुखुम्बु, संखुवासभा, भोजपुर, ओखलढुंगा, ताप्लेजुङ, पाँचथर र खोटाङ, प्रदेश ३ को नुवाकोट, रसुवा, धादिङ, सिन्धुपाल्चोक, दोलखा र रामेछाप, प्रदेश ४ को मुस्ताङ, म्याग्दी, बाग्लुङ, मनाङ, लमजुङ र गोरखामा पहिलो चरणमा निर्वाचन हुने भएको छ । त्यस्तै, प्रदेश ५ को रुकुम (पूर्वी भाग) र रोल्पा, प्रदेश ६ को रुकुम (पश्चिम भाग), जाजरकोट, हुम्ला, मुगु, जुम्ला, कालिकोट र डोल्पा तथा प्रदेश ७ को दार्चुला, बझाङ, बाजुरा र बैतडीमा पहिलो चरणमा मंसिर १० गते निर्वाचन हुने आयोगले जनाएको छ ।

दोस्रो चरणमा निर्वाचन हुनेमा प्रदेश १ का इलाम, तेह्रथुम, धनकुटा, उदयपुर, झापा, मोरङ र सुनसरी, प्रदेश २ का ८ वटै जिल्लाहरू सप्तरी, सिरहा, धनुषा, महोत्तरी, सर्लाही, बारा, पर्सा र रौतहट छन् । त्यस्तै, प्रदेश ३ को सिन्धुली, मकवानपुर, चितवन, काभ्रेपलाञ्चोक, काठमाडौं, ललितपुर र भक्तपुर, प्रदेश ४ को नवलपरासी (बर्दघाट सुस्तापूर्व), तनहुँ, कास्की, स्याङ्जा र पर्वत, प्रदेश ५ को नवलपरासी (बर्दघाट सुस्तापश्चिम), पाल्पा, अर्घाखाँची, गुल्मी, रूपन्देही, कपिलवस्तु, दाङ, प्यूठान, बाँके र बर्दियामा मंसिर २१ गते दोस्रो चरणमा निर्वाचन हुनेछ । प्रदेश ६ को सल्यान, सुर्खेत र दैलेख तथा प्रदेश ७ को कैलाली, कञ्चनपुर, डडेल्धुरा, अछाम र डोटीमा पनि दोस्रो चरणमै निर्वाचन हुने आयोग प्रवक्ता ढकालले जानकारी दिए ।

‘मुख्य रूपमा मौसम प्रतिकूलतालाई ध्यानमा राखेर पहिलो र दोस्रो चरणका लागि जिल्ला छुट्याइएको हो,’ उनले भने, ‘त्यसो गर्दा एउटै प्रदेशका जिल्लाहरू फरक–फरक चरणमा पर्न गएका हुन् ।’ प्रतिनिधिसभा र प्रदेशसभा निर्वाचन ऐन आयोगले पाइसकेको छैन । स्थानीय तह निर्वाचन ऐनमा भने चरणबद्ध निर्वाचनको मिति तोक्दा सामान्यत: एउटा प्रदेशको सबै स्थानीय तहका सदस्यको निर्वाचन एकै चरणमा हुने गरी तोक्नुपर्ने व्यवस्था छ ।

‘प्रदेश र प्रतिनिधिसभा निर्वाचनसम्बन्धी कानुन प्राप्त भइसकेको छैन,’ ढकालले भने, ‘स्थानीय तह निर्वाचन ऐनमा पनि सामान्यत: भनिएकाले हिउँ पर्न सक्ने जिल्लालाई पहिलो चरणमा राखिएको हो ।’ निर्वाचन क्षेत्र निर्धारणको प्रतिवेदन पाइसकेको आयोगले बिहीबार पनि सरकारलाई दुईवटै कानुन उपलब्ध गराउन ताकेता गरेको छ । ७ वटै प्रदेशसभा र केन्द्रमा प्रतिनिधिसभाका सदस्य चुन्न एकै समयमा तर दुई चरणमा निर्वाचन हुन लागेको हो । एक मतदाताले प्रदेश र प्रतिनिधिसभा दुवैका लागि एकै दिन मतदान गर्ने भएका हुन् । आयोग प्रवक्ता ढकालका अनुसार एक मतदाताले दुईवटा मतपत्र र दुईवटा मतपेटिका प्रयोग गर्ने गरी चुनावी व्यवस्थापन तयारी भइरहेको छ ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

तानसेनलाई पाँचौँ पर्यटकीय गन्तव्यस्थल बनाइने

तानसेनलाई पाँचौँ पर्यटकीय गन्तव्यस्थल बनाइने

आगामी चार वर्षभित्र तानसेन नगरपालिकालाई आन्तरिक पर्यटनका लागि नेपालको...

ढकनीयाको तालमा फूलेको कमल

कञ्चनपुरको शुक्लाफाँटा नगरपालिका–२ ढकनीयाको झारखण्डी(कमलफुले) तालमा फुलेको कमल ।...

माइतीघरमा डा. केसीको समर्थनमा प्रदर्शन : बाबुरामसंगै मनिषा कोइराला सडकमा(फोटो फिचर)

डा. गोविन्द केसीको समर्थनमा राजधानीमा विशाल प्रदर्शन भएको छ...

सरकारले जुम्लामा गोली चलाएको छैन् : उपप्रधानमन्त्री पोखरेल

सरकारले जुम्लामा गोली चलाएको छैन् : उपप्रधानमन्त्री पोखरेल

उपप्रधान एवं रक्षामन्त्री ईश्वर पोखरेलले जुम्लामा डा गोविन्द केसीलाई...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK