कानुनमा फेल भएका माग्ने बुढा,दर्शकको नजरमा सधै पास

ENGLISH

ENTERTAINMENT

कानुनमा फेल भएका माग्ने बुढा,दर्शकको नजरमा सधै पास

3 May, 2017 | Bhawana Pathak | 580 Views | comments

कलाकार केदार घिमिरे यतिबेला सिनेमा ‘छक्का पञ्जा–२’ को छायांकनमा व्यस्त छन् । पहिलो सिनेमा ‘छक्का पञ्जा’मा केसीको भूमिकामा उनलाई दर्शकले खुबै रुचाएका थिए । दर्शकले उनलाई सिक्वेलमा पनि यस्तै चाखलाग्दो भूमिकामा देख्न पाउने कुरा पक्का छ ।

सिरियलबाट अभिनयको थालनी गरेका उनी अहिले सिने कलाकारको रुपमा पनि स्थापित भईसकेका छन् । कानुन विषयमा अध्ययन गर्नको लागि ०५० सालमा काठमाण्डौ आएका केदारले एक सफल कलाकार हुनुभन्दा पहिले धेरै थरि काम गरेका छन् । काठमाण्डौमा टिक्नको लागि उनले जिरा र धनियाँको धूलो मात्रै बेचेनन् लगनखेलको बाटोमा कपडा पनि बेचे ।

कानुन पढेर ठूलो मान्छे बन्ने अनि देशको सेवा गर्ने सपना देखेका उनी काठमाण्डौ आएर ठूलो मान्छे त भए तर एक कमेडि कलाकारको रुपमा । कानुनमा उनले राम्रो गर्न सकेनन् तर कलाकारितामा भने उनलाई जो कोहीले उछिन्न गाह्रै पर्छ । आज हामीले केदारले अध्ययन गर्ने समयमा घटेका दुई चाखलाग्दा क्षणलाई यहाँ समेटेका छौँ ।

१ नम्बर नपुगेर एस एल सीमा फेल केदारलाई मनपर्ने विषय नेपाली हो । उनी स्कुले जीवन देखि नै कविताहरु पनि लेख्थे । तर उनी त्यही विषयमा एक नम्बर नपुगेका कारण एस एल सीमा फेल भए । उनलाई आफू नेपालीका कारण एस एल सी फेल भएको पत्यारै लागेन । उनी, यो हुनै सक्दैन ! आफूलाई मनपर्ने विषय नेपाली तर त्यही विषयमा फेल हुँदा साहित्यकारको बेईज्जत भयो भन्दै सिधै विद्यालय हेडमास्टरकहाँ पुगे ।

उनले त्यहाँ पुगेर आफू नेपालीमा फेल हुन नसक्ने र जाँचमा पनि राम्रो गरेको उल्लेख गर्दै निवेदन पेश गरेपछि परीक्षा नियन्त्रण कार्यालय जान अनुरोध गरियो । उनी परीक्षा नियन्त्रण कार्यालयमा पुगे र जाँचको कपी फेरि जाँच्न लगाए । हुन पनि उनी पास भएका रहेछन् । उनको नेपालीमा ३८ नम्बर आएको रहेछ । अन्ततः केदार एस एल सी पास भए ।

देशको सेवा गर्न कानुन पढे तर भए फेल परिक्षाकापी फेरि जाँच गराउँदा उनको समय खेर गएको थियो । त्यस बखतसम्म सँगैका साथीहरु कलेज जान थालिसकेका थिए । उनलाई चाहि कुन विषय पढ्ने भन्ने नै थाहा थिएन । यहि क्रममा एक पटक सँगैकी साथी बोर्ड टपर गरीमा रानाको अन्र्तवार्तामा हेरेपछि उनलाई कानुन विषय पढ्ने भूत चढ्यो ।

गरीमाले उक्त अन्र्तवार्तामा आफू कानुन विषय पढेर देशको सेवा गर्न चाहने कुरा व्यक्त गरेकी थिईन् । त्यहि कारण केदारलाई पनि कानुनमा रुची बढ्न थाल्यो । उनको त्यो उमेरमा जे देख्यो त्यहि बन्न मन लाग्थ्यो ।

तर त्यतिबेलासम्म नेपाल ल क्याम्पसमा भर्ना गर्ने म्याद सकिएको थियो । त्यस कारण केदारले काठमाण्डौ बहुमुखी क्याम्पसमा पढ्ने योजना बनाए । तर उचित स्रोत र साधनको कमी भएका कारण उनले कानुनमा राम्रो गर्न सकेनन् । दोस्रो वर्षमा उनी फेल भए । अनि उनले कानुन पढ्नै छाडिदिए ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

गुफापोखरी र गुफाबजार

गुफापोखरी र गुफाबजार

तीनजुरे मिल्के जलजले क्षेत्रको गुफापोखरी र गुफाबजार । तेह्रथुम,...

कोरियामा तमु ल्होछार मनाउन तयारी तीव्र

बोम्जन गुरुङ, दक्षिण कोरिया । प्रवासी भूमि दक्षिण कोरियामा छरिएर...

नेपाल

एसीसी यू-१६ इस्टर्न रिजन क्रिकेट :ब्याटिङमा चम्केको नेपालको बलिङमा पनि उत्कृष्ट प्रदर्शन

एसीसी यू-१६ इस्टर्न रिजन क्रिकेट प्रतियोगिता अन्तर्गत म्यानमार विरुद्धको...

ओम विक्रम विष्ट

पप सम्राट ओम विक्रम विष्टको सहयोगार्थ डिसीमा सांस्कृतिक कार्यक्रम हुने

पप सम्राट ओम विक्रम विष्टको दुबै मृगौला खराव भएको...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK