कमजोर होइन, संस्थालाई बलियो बनाउन चुनाब लडौं : राम सी पोखरेल

ENGLISH

NRN GLOBAL

कमजोर होइन, संस्थालाई बलियो बनाउन चुनाब लडौं : राम सी पोखरेल

एनआरएनए अमेरिका निर्वाचन

23 July, 2017 | Sandeep Bhattarai | 815 Views | comments

राम सी पोखरेल

उमेदवारी दर्तासँगै एनआरएनए अमेरिकाको निर्वाचनले तीव्रता लिएको छ । जसले जुन पदमा उमेदवारी दिए पनि सबैको ध्यान, अब आफु कसरी बिजयी हुने भन्नेतर्फ केन्द्रित छ , जुन स्वाभावीक पनि हो ।

सामाजीक उत्तरदायीत्व बहन गरेर निश्चीत उदेश्य र लक्ष्यकासाथ अगाडी बढन खोज्नुलाई स्वागतयोग्य नै मान्नु पर्छ ।उमेदवारी दिनु हुने सबैको समाजसेवाप्रतिको बढदो लगावको म हृदयदेखि नै सम्मान गर्छु । मेरो एउटै मात्रै चासो र चिन्ता हो– समाजसेवाप्रतिको बढदो लगावको सकारात्मक पाटो , कतै चुनाबका नाममा नकारात्मक द्धन्द्ध र बिभाजनमा पो परिणत हुन्छ कि भन्ने ।

आफुपनि अध्यक्षको उमेदवार भएकोले शुरुमा नै एउटा कुरा स्पष्ट पार्न चाहन्छु– म समाज र व्यक्ति बिभाजनकालागी उमेदवार भएको होइन ।

मेरो उमेदवारी अमेरिकाका सबै नेपालीका लागी र मातृभूमि–नेपालका लागि हो । नेपाली नेपाली बीचको नजोडिएको साइनो जोडने , त्यो साइनोलाई थप बलीयो एवं प्रभावकारी बनाउने र जोडीएको त्यो बलीयो साइनोलाई अमेरिकीहरुमाझ पनि एउटा सम्पतिको रुपमा स्थापीत गर्ने मेरो एउटा मात्र उदेश्य हो ।

यो उद्देश्य प्राप्तीका लागी मलाइ बिकाशोन्मुख देशहरुमा जस्तो राजनैतीक निर्वाचनमा अपनाइने हतकण्डा अपनाउनु छैन । असाध्यै सकरात्मक सोचकासाथ मैले यसपटक एनआरएन अमेरिकाको अध्यक्षमा उमेदवारी दिएको छु । मेरा आफना एजेण्डाहरु छन । र, ती एजेण्डाहरुलाइ कसरी पुरा गर्ने भन्ने मेरा आफना खाकाहरु छन ।

व्यक्ति बलीयो भए समाज र समाज बलीयो भए राष्ट्र बलीयो हुन्छ भन्ने सर्वसम्मत मान्यतामा मेरोपनि ठुलो बिश्वास छ । यही बिश्वासका आधारमा मैले एजेण्डाहरु तय गरेको छु ।

हामी जस्ता अप्रवासीहरुको कर्तव्य र दायीत्व एउटा होइन , दुइवटा राष्ट्रसँग जोडीएको छ । हामीले कर्मको मात्र सन्तुलन होइन , भावनाकोपनि सन्तुलन मिलाउनु पर्नेछ । यो सानो र सामान्य कुरा होइन । निर्वाचनमा जो जो प्रतिद्धन्द्धी भएपनि र पछि जो जोले जितेपनि हामीसँग कर्मभुमि र मातृभूमिको भावनाको सन्तुलन मिलाउने जस्तो ठुलो जिम्मेवारी छ । यो कुरा नबिर्सन म सबै उमेदवार र मतदाता साथीहरुलाइ आग्रह गर्छु ।

हामी कहिलेकाँही आँफैलाइ हल्का रुपमा लिन्छौं । र, स-साना हिसाब किताब र जोड-घटाउ वा पक्ष-बिपक्षमा आफुलाइ धकेल्छौं । यो बानीले हामीलाइ कमजोर मात्र बनाएको छैन , कतीपय नेपाली भित्रैबाट पनि तिरस्कृत बनाएको छ । हामीले ‘ओ हो के–के न, गरेयौं’ र ‘के–के न गर्न खोज्दैछौं’ भनेर जती हल्ला पिटेपनि ठुलो नेपाली जमात हामी भित्रकै चरित्र र बानीका कारणले वाक्क छ । हामीबाट बाहीर छ । निर्वाचनका बेला आफु-आफुबिच अनेक ‘हल्लाखल्ला र तिकडम’ गरेपनि ठुलो नेपाली जमात हामीसँग रुष्ट छ । हाम्रो शैली र बानीसँग रुष्ट छ । एनआरएन अमेरिका यत्ती हल्का हुनै नहुने थियो । यो त अपरिहार्य हुनुपर्ने संस्था हो, अपहेलीत जस्तो भैरहेको छ ।

सदस्यता लिनेहरु भन्दा ‘सदस्यता लिंदै लिन्न’ भनेर अडडी कसेर बस्नेहरुको जमात बढी छ । मैले बितेका दुइ बर्षमा जसरी अमेरिकी नेपाली समाजलाइ बुझें , यही आधारमा मैले यो कुरा भनीरहेको छु । यो कुरा हामीजस्ता समाजसेवाको नेतृत्व लिन्छु भन्नेहरुका लागी निश्चय नै चिन्ताको बिषय हो ।

यसैले मलाइ लाग्यो– नेपाली समाजमाथी प्रश्न उठाउनु भन्दा पहिले किन नेतृत्व लिन्छौं भनेर कस्सिने हामी आफैले आँफैलाइ प्रश्न नगर्ने ? हामी कस्का लागी लडिरहेका छौं ? हामी कस्को बलमा लडिरहेका छौं ?

म चाहन्छु– हामी आफुमाथी प्रश्न गर्न पनि सिकौं र गल्तीहरुलाइ सच्याउँ । यसपटकको एनआरएन अमेरिकाको निर्वाचनलाइ एउटा पर्वको रुपमा मनाउँ , जहाँबाट एकता–मेलमिलाप, हर्ष र आशाको नयाँ किरणहरु देखिऊन । हामी संसारको सबैभन्दा शक्तिसम्पन्न राष्ट्रका एनआरएनए हौं । ठुलो देशमा असाध्यै सानो चरित्र देखाउन कमसेकम हामीलाइ सुहाउँदैन । सुहाइरहेको छैन ।

एनआरएनए अमेरिकालाइ बलीयो बनाउने र देश सुहाउँदो बनाउने यो ठुलो मौका हो । यो मौकालाइ मुर्तरुप दिन मैले गर्न सक्ने कुनै पनि त्याग र योगदानकालागी म तयार छु । एनआरएन अमेरिकालाइ बलीयो बनाउने र अन्तत नेपाली नै बलीयो हुने शर्तमा, उमेदवारी र पद त गौण कुरा हो । यसो भन्दै गर्दा यो पनि स्पष्ट पार्न चाहन्छु– समाजलाइ कमजोर पार्ने चुनावी रणनीती भने मलाइ स्विकार्य छैन ।

(राम सी पोखरेल , अध्यक्षका प्रत्यासी, एनआरएनए अमेरिका, इमेल: ramcpokhrel@gmail.com)

हिमालय खबर

एनआरएनए अमेरिका निर्वाचन : किन उम्मेदवारी रद्द भयो निर्वाचन समितिले कारण दिने

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

Malaysia

जेठ २ सम्म भिसा लागेकालाई मलेसिया पठाइने

सरकारले जेठ २ गतेसम्म मलेसिया जान भिसा लागेका नेपाली...

आज हरिशयनी एकादशी, घरघरमा तुलसी रोपी मनाइँदै

आषाढ शुक्ल एकादशीका दिन आज नेपालीले घर घरमा तुलसीको...

‘ब्ल्याक’ को रोमान्टिक गीत “तिम्रो लागि” सार्वजनिक

दिप श्रेष्ठ निर्देशित फिल्म ब्ल्याक को रोमान्टिक गीत “तिम्रो...

छोरेपाटनमा रु १० लाखमा सिसी क्यामरा जडान

पोखराको महत्वपूर्ण पर्यटकीयस्थल छोरेपाटन क्षेत्रको शान्ति सुरक्षालाई दृष्टिगत गरी...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK