ओबामाद्वारा विवादास्पद सैनिकको जेल सजायमा कटौती

ENGLISH

WORLD

ओबामाद्वारा विवादास्पद सैनिकको जेल सजायमा कटौती

19 January, 2017 | arjun baral | 870 Views | comments

obama-armyअमेरिकी राष्ट्रपति बाराक ओबामाले अमेरिकाको अहिलेसम्मकै सबैभन्दा धेरै गोप्य सूचना चुहाएको अभियोगमा जेलजीवन बिताइरहेकी एक अमेरिकी सैनिकको बाँकी जेल सजाय कटौती गरिदिएका छन् । आफ्नो कार्यकाल सकिन दुई दिन बाँकी छँदा ओबामाले बुधबार विवादास्पद सैनिक चेल्सी म्यानिङको सजाय कटौती गरेका हुन् ।

उनीमाथिको सजाय असान्दर्भिक भन्दै कटौतीका लागि राष्ट्रपतिको कार्यालयमा निवेदन परेको थियो । २९ वर्षीया ट्रान्सजेन्डेर म्यानिङले सन् २०१० मा विकिलिक्सलाई लाखौँ सूचना चुहाएकी थिइन् । गोप्य सूचना चुहाएको अभियोगमा उनलाई सन् २०१३ मा अमेरिकाको एक अदालतले ३५ वर्ष जेल सजायको फैसला सुनाएको थियो ।

म्यानिङ अमेरिकी इतिहासमा अहिलेसम्मकै ठूलो सूचना चुहावट गर्ने व्यक्ति हुन् । उनले सात लाख गोप्य सूचना चुहाएकी थिइन् । तीमध्ये अधिकांश सूचना सुरक्षासँग सम्बन्धित थिए ।

उनले गत वर्ष कारागारमा दुईपटकसम्म आत्महत्या प्रयास गरेकी थिइन् । उनले भोक हडतालसमेत गरेकी थिइन् । सेनाले उनलाई मानसिक रोग लागेको भन्दै उपचार गरेको थियो । उपचारपछि हडताल स्थगित गरेकी थिइन् । राष्ट्रपति ओबामाले उनलाई माफी दिएसँगै म्यानिङ आगामी १७ मेमा रिहा हुनेछिन् ।

आफ्नो कार्यकालमा राष्ट्रपति ओबामाले विभिन्न अभियोग लागेका दुई सय नौजना अमेरिकीको सजाय कटौती गरिदिएका छन् भने ६४ जनालाई माफी दिएका छन् । संख्याका हिसाबले राष्ट्रपति ओबामाले दिएको क्षमादान पूर्वराष्ट्रपतिहरूका तुलनामा न्यून हो । राष्ट्रपतिसमक्ष क्षमादानका लागि याचना गर्दै ह्वाइटहाउसमा हजारौँले निवेदन दिएका थिए ।

कार्यकालको अन्तिम समयमा अमेरिकी राष्ट्रपतिले राजकीय शक्तिको प्रयोग गर्दै क्षमादान वा दोषीमाथिको सजाय कटौती गरिदिने चलन छ । क्षमादानका लागि अनुरोध गर्नेमा विकिलिक्सका संस्थापक एडवार्ड स्नोडेनदेखि तालिबानले नियन्त्रणमा लिएका अमेरिकी सैनिक बोवी बर्गड्यालसम्म छन् ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

‘सिक्रेट सुपरस्टार’: चीनमा दुई दिनमै कमायो सय करोड

शुक्रबारबाट चीनमा प्रदर्शन भएको बलिउड सुपरस्टार आमिर खानको फिल्म...

एउटै धारको चलचित्र बनिरहेका छन् :निेर्देशक खतिवडा

नव निर्देशक तथा कलाकार  सुजन खतिवडा सांगीतिक , अभिनय तथा चलचित्रका...

padam-b-k

मृगौला पिडित पदम बिश्वकर्मालाइ आर्थिक सहयोग

मृगौला पिडित पदम बिश्वकर्मालाई कोरियामा रहेका बिश्वकर्मा युबाहरुको समूह...

bishal-and-rubina-sammanit

विशाल राई र रुविना क्षेत्री ‘वर्ष उत्कृष्ट खेलाडी’ अवार्ड द्वारा सम्मानित

राष्ट्रिय फुटबल टोलीका मिड फिल्डर विशाल राई र राष्ट्रिय...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK