एसीसी यू-१६ इस्टर्न रिजन क्रिकेट :ब्याटिङमा चम्केको नेपालको बलिङमा पनि उत्कृष्ट प्रदर्शन

म्यानमार १३रनमा समेटियो

14 December, 2017 | Sandeep Bhattarai | 1725 Views | comments

एसीसी यू-१६ इस्टर्न रिजन क्रिकेट प्रतियोगिता अन्तर्गत म्यानमार विरुद्धको खेलमा उत्कृष्ट ब्याटिङ गरेको नेपालले बलिङमा पनि उच्च प्रदर्शन गरेपछि समूह चरणको अन्तिम खेलमा म्यानमारलाई ३३७ रनको भारी अन्तरले पराजित गरेको छ ।

जितसंगै नेपाल समूह विजेता बन्दै सेमिफाइनल प्रवेश गरेको छ ।बैंककस्थित ट्रेडथाई क्रिकेट मैदानमा टस जितेर पहिले ब्याटिङ गरेको नेपालले निर्धारित ३५ ओभरमा ६ विकेट गुमाउदै ३५० रन बनायो । नेपालको लागि रित गौतमले अविजित रहदै १०६ रन बनाए भने त्रिथ राज दासले ६४ रन जोडे । त्यस्तै प्रतिष जिसीले अविजित रहदै ६३ रन बनाए ।

शतकीय पारी खेल्ने क्रममा गौतमले ७८ बलमा १२ चौकको साथमा १०६ रन बनाए । गौतम र दासले चौथो विकेटको लागि ९९ रनको साझेदारी गरे भने गौतम र जिसीले ६१ बलमा ११२ रनको शतकीय साझेदारी गरे । दासले २९ बलमा ७ चौका र ३ छक्का प्रहार गरे भने जिसीले ३१ बलमा ११ चौका र १ छक्का प्रहार गरे । म्यान्मारको लागि हेन टेट औंगले ३ विकेट लिए ।

३५१ रनको चुनौतिपूर्ण लक्ष्य लिएर मैदान उत्रेको म्यानमार ११.३ ओभरमा सबै विकेट गुमाउदै १३ रनमा समेटियो । म्यानमारका कुनै पनि ब्याट्सम्यान नेपाली बलर सामू खुलेर खेल्न सकेनन । म्यान्मारका ७ ब्याट्सम्यान कुनै रन नजोडी पेबेलियन फर्किए । म्यान्मारको लागि हेन टेट औंगले ३ रन नै उच्च रह्यो । नेपालको लागि नारायण जोशी र मेख बहादुरशेन थापाले समान ४-४ विकेट लिए ।

नेपाल यसअघी भएको खेलमा गत सोमबार आयोजक थाइल्याण्डलाई १३३ रनले र मंगलबार हङकङलाई ४ विकेटले पराजित गर्दै सेमिफाइनल पुगिसकेको थियो ।

८ राष्ट्रले प्रतिस्पर्धा गरिरहेको प्रतियोगिताको समूहको शीर्ष दुई टोली सेमिफाइनल पुग्ने प्रावधान छ।

एसीसी यू-१६ इस्टर्न रिजन क्रिकेट : म्यानमार विरुद्ध नेपालको उत्कृष्ट ब्याटिङ

• #एसीसी यू-१६ इस्टर्न रिजन क्रिकेट
• #क्रिकेट
• #खेल
• #ब्याटिङमा चम्केको नेपालको बलिङमा पनि उत्कृष्ट प्रदर्शन
• #म्यानमार १३रनमा समेटियो