एनआरएन युएईद्वारा सिरियामा बेचिन लागेकी युवतीको उद्दार

ENGLISH

NRN GLOBAL

एनआरएन युएईद्वारा सिरियामा बेचिन लागेकी युवतीको उद्दार

लक्ष्मण खनाल युएई

18 December, 2017 | Sandeep Bhattarai | 2860 Views | comments

 

युवतीको उद्दार

भारतको बाटो हुँदै नोभेम्बर २३ मा युएई पुर्याइएकी काठमाडौं बौद्धकी पुजा राना (दायाँ) र साथी

एनआरएन युएईद्वारा सिरियामा बेचिन लागेकी युवतीको उद्दार गरी नेपाल पठाएकाे छ ।गैरआवासीय नेपाली संघ राष्ट्रिय समन्वय परिषद युएईले अवैधानिक बाटो हुँदै सिरियामा बेचिन लागेकी नेपाली महिलाको उद्दार गरी नेपाल फिर्ता पठाएको हाे ।

भारतको बाटो हुँदै नोभेम्बर २३ मा युएई आएकी काठमाडौं बौद्ध घर भएकी पुजा रानालाई एनआरएन युएईको सक्रियतामा उद्दार गरी नेपाल पठाइएको एनआरएन युएईका प्रवक्ता मनु क्षेत्रीले जानकारी दिए ।

टर्कीमा मासिक ३०० डलर पारिश्रमिक पाउने प्रलोभनमा परेर पुजा मोरङनिवासी कमानसिंह तामाङमार्फत युएई आइपुगेकी हुन् । पूजाले धर्म दाइ मान्ने गरेका तामाङलाई नेपाली रुपैयाँ ५० हजार बुझाएकी थिइन् ।

भैरहवाको बाटो हुँदै दलाल मोना राई र समबे शेर्पाको साथमा भारतको दिल्ली पुर्याएको उनले बताइन् । दिल्लीमा १७ दिन बसिसकेपछि भारतीय नागरिकले विमानस्थलमा सेटिङ मिलाएर भिजिट भिषामा युएई आइपुगेको उनले जानकारी दिए ।

कमानसिंह तामाङ

पुजालार्इ युएर्इ पुर्याएकाे अाराेप लागेका मोरङनिवासी कमानसिंह तामाङ

युएई आइपुगेपछि शारजाह विमानस्थलबाट उनलाई एक अरबीभाषी (कुन देशको नागरिक भन्ने थाहा छैन)ले आफ्नो अपार्टमेन्टमा लगी घरायसी काममा लगाएका थिए । पूजाले दिएको जानकारीअनुसार टर्की जान भनेर युएई पुर्याइएकी उनलाई उक्त अरबी भाषी नागरिकले कहिले लेबनान लैजाने त कहिने सिरिया लैजाने भन्दै घरमा चाबी लगाएर राखेको थियो ।

पूजाले नयाँ पत्रिकासँग भनिन्, ‘मलाई कहिले अफिस जानुपर्छ भन्ने, कहिले मेडिकल गर्न जानुपर्छ भन्ने गर्थे । तर, बाहिर जान दिएका थिएनन् । त्यसैबीच कल्पना दर्जीसँग भेट भयो । उहाँले आफू पनि अनिता शेर्पा नाम गरेकी महिलामार्फत बेचिएको भन्दै सबैजना सिरियामा बेचिन लागेको बताएपछि छाँगाबाट खसेजस्तो भएँ ।’

वैदेशिक रोजगारीमा गएर कमाइ गर्ने र परिवारका आवश्यकता पूरा गर्ने सोच राखेर यहाँ आएकी रानाले बेचिन लागेको थाहा पाएपछि मात्र कसरी फुत्किने भनेर पहल थालेकी थिइन् ।

त्यसक्रममा उनीहरू विभिन्न माध्यमबाट एनआरएनए युएईका प्रतिनिधिहरूको सम्पर्कमा पुगे । तर, आफूलाई राखेको ठाँउबारे बताउन नसके पनि एनआरएनका प्रतिनिधिले पनि तत्काल उद्दार गर्न सकेनन् ।

एनआरएन युएईकी महिला संयोजक मोती राईले भनिन्, ‘उनीहरूलाई उद्दार गरी नेपाल फर्काउन धेरै विकल्पको खोजी गरे पनि सम्भव नभएपछि सिरिया जाने बेलामा एअरपोर्टबाट उद्दार गर्ने तयारी गरी करिब १५ दिन प्रतीक्षा गर्यौँ र एकजनालाई विमानस्थलबाट उद्दार गर्न सफल भयौँ ।’

दलालहरूले पूजालाई सिरिया जान भनेर डिसेम्बर १३ मा दुबई विमानस्थल लगेर पासपोर्टसहित छोडेका थिए । सोही वेला एनआरएन युएईका शमशेर योञ्जनले पुजालाई विमानस्थलबाट उद्दार गरेका हुन् ।

उद्दारपछि एनआरएन युएईमार्फत नै नेपाल फिर्तीको टिकट बनाएर पूजालाई बिहीबार नै नेपाल फर्काइएको छ । उनीसँगै रहेकी कल्पना दर्जीको भने अझै उद्दार हुन सकेको छैन ।

नयाँ पत्रिकाबाट

खोटाङ सेवा समाज कतारको सहयोगमा एक नेपाली युवतीलाई घर फर्काइयो

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलले अमेरिकाको टेक्सस राज्यको ड्यालस वरपर रहेका घरबार...

चलचित्र ‘रुमालै छ चिनो’को ट्रेलर सार्वजनिक (ट्रेलर सहित)

चलचित्र ‘रुमालै छ चिनो’को ट्रेलर सार्वजनिक भएको छ ।...

साउदीमा विभिन्न कारणबाट ज्यान गुमाएका ३० नेपालीहरुले पाउनुपर्ने रकम नेपाल पठाइयो

साउदी अरबको रियादस्थित नेपाली दूतावासले साउदीमा विभिन्न कारणबाट ज्यान...

युएईका जेलमा ८ महिलासहित २०७ नेपाली

संयुक्त अरब इमिरेट्स (युएई)मा विभिन्न मुद्दामा जेल परेका नेपालीको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

FACEBOOK