एनआरएनए अमेरिकाको सिङ्गो समूह रहने छ – नवनिर्वाचित अध्यक्ष पौडेल

ENGLISH

NRN GLOBAL

एनआरएनए अमेरिकाको सिङ्गो समूह रहने छ – नवनिर्वाचित अध्यक्ष पौडेल

10 September, 2017 | Sandeep Bhattarai | 1395 Views | comments

केशव पौडेल

विभिन्न समूह, राजनीतिक लविङ्ग अनेक तिकडम र प्रचारप्रसार भएकै कारण एनआरएनए अमेरिकाको निर्वाचन सबैको चासो र चर्चाको विषय बनेको थियो ।

तर निर्वाचन अघि जेभएपनि अब नयाँ कार्यसमितिमा त्यस्तो केही गुनासो र तिक्तता नरहने नवनिर्वाचित अध्यक्ष केशव पौडेलले बताएका छन् । सामाजिक सञ्जालमा सबैलाई धन्यवाद दिँदै उनले नयाँ कार्यसमितिले कुनै समूह, राजनीतिक धारको पूर्वाग्रहको नजरबाट नहेरि सिर्फ सिंगो एनआरएनए समूह रहने प्रतिबद्धता व्यक्त गरेका छन् ।

उनी भन्छन् “निर्वाचनको दौरानमा कुनै लिस्ट, कुनै समूह र कुनै टीम जानी नजानी बने होलान्, प्रथमत यो कार्य त्यति राम्रो हैन त्यसैले चुनाबको पहिलो दिन मैले आफूले रोजेको राम्रो व्यक्तिलाई मतदान गर्न मैले सार्वजनिक अपील र अनुरोध समेत गरेको थिएँ। तर अब परिणाम आएपछि त्यहाँ कुनै निर्वाचनको सिलसिलाको टीम वा समूह रहने छैन, त्यस्तो कुनै पनि गूट उपगुट, समूह उपसमूह र टीम, उपटीम रहने छैन। त्यहाँ सीर्फ एनआरएनए अमेरिकाको सिङ्गो समूह रहने छ।”

अध्यक्ष पौडेलद्वारा दिइएको धन्यवाद उनकै शब्दमा
अमेरिकाबासी आदरणीय आमाबुवा, दिदीबहिनी तथा दाजुभाईहरू
सादर नमस्कार
एनआरएनए अमेरिकाको दीगो निरन्तरता र साँचो एकताको लागि सामाजिक अभियन्ता गौरी जोशी लगायत अन्य ज्ञात अज्ञात एनआरएनहरुको त्याग र उदारता र यहाँहरूको सँस्थाप्रतिको मोह र माया र सँस्थालाई एक ढिक्का बनाउने अथक प्रयास, दवाव र अनुरोधको कारण अन्योल र आशंकाका बाबजूद निर्वाचन भई आज एउटा सक्षम र सवल कार्य समिति यहाँहरूबाट नै चुन्नु भएको छ, त्यसका लागि सम्पूर्ण मतदाता, उम्मेद्वार तथा शुभचिन्तकहरूलाई हार्दिक कृतज्ञता प्रकट गर्दछु ।

निर्वाचनका हरेक अफ्ठ्यारा चुनौतीहरूलाई अवसरको रूपमा लिई दिनरात खट्नु भएका सम्मान्नित निर्वाचन समिति प्रमुख वन्दिता शर्मा दाहाल, निर्वाचन समिति सदस्यहरु विश्वनाथ वराल, भुवन गुरुंग र अन्जन श्रेष्ठ धन्यवादका पात्र हुनुहुन्छ र उहाँहरूको यो कर्मलाई हामी प्रवासीहरूले सदैव सम्झने छौं। निर्वाचनको प्रचार प्रसार, मतदाताहरूलाई नियमित सुसूचित गराउने सम्पूर्ण पत्रकार मित्रहरु, अनलाईन मेडिया, सामाजिक संजाल र अन्य संचार माध्यमहरुको योगदानलाई मैले भुल्न सक्तिन । एनआरएनए अमेरिकाको सवलीकरण, समाजको समुन्नति, प्रवासमा एकतालाई अक्षुण्ण राख्न अग्रज, अभियन्ता र बिभिन्न सामाजिक संघ, सँस्था र सङ्गठनका नेतृत्व र पदाधिकारी र वरिष्ठ व्यक्तित्वहरूको अहम भूमिका रहेको छ, त्यसको लागि उहाँहरू सबैलाई हार्दिक नमन गर्दछु ।

सामाजिक सँस्थामा जानेहरूले दिन जाने हो लिन जाने हैन, समाजको लागि केही समर्पण गर्न सकौं, सँस्थाको हितमा केही गर्न सकौं भनेर गएका हुन्छन्। अतस् समाजले कहिल्यै हार्दैन, सँस्थाले कहिल्यै पराजयको सामना गर्दैन। सँस्थामा जितेर जाने विजेताहरू भन्दा उपविजेताहरूको उपयोगिता झन् बढी हुन्छ। निर्वाचनको दौरानमा कुनै लिस्ट, कुनै समूह र कुनै टीम जानी नजानी बने होलान्, प्रथमतस् यो कार्य त्यति राम्रो हैन त्यसैले चुनाबको पहिलो दिन मैले आफूले रोजेको राम्रो व्यक्तिलाई मतदान गर्न मैले सार्वजनिक अपील र अनुरोध समेत गरेको थिएँ। तर अब परिणाम आएपछि त्यहाँ कुनै निर्वाचनको सिलसिलाको टीम वा समूह रहने छैन, त्यस्तो कुनै पनि गूट उपगुट, समूह उपसमूह र टीम, उपटीम रहने छैन। त्यहाँ सीर्फ एनआरएनए अमेरिकाको सिङ्गो समूह रहने छ। हाम्रो नवनिर्वाचित समूह सबैसंग आपसी सरसल्लाह, सहकार्य र समन्वय गर्दै सामुहिक रूपमा एकताबद्ध भई सँस्था र सिंगो समाजको कल्याणमा लाग्ने प्रतिवद्धता व्यक्त गर्दछु ।

समाजसेवाको यस अभियानलाई सफल बनाउन सदैव साथ दिने मेरा परिवारजन र विशेष गरि मेरी धर्मपत्नि संगीता पौडेल प्रति अत्यन्त अनुग्रहित छु।

अन्त्यमा, सम्पूर्ण गैरआवासीय नेपालीको हित र समस्या समाधानमा असल मनसाय राखी प्रजातान्त्रिक अभ्यास चुनावमा जानु भएका सबै आदरणीय उम्मेदवारहरूलाई हार्दिक आभार प्रकट गर्दै सम्पूर्ण विजेता र सहविजेताहरूलाई हार्दिक बधाई र धन्यवाद दिन चाहन्छु। निर्वाचनको समयमा कसैमाथि गालीगलौज, व्यक्तिगत लाञ्छना, अपमान नगर्न मैले हार्दिक अनुरोध गरेको थिएँ यदि कहीँ, कसैले कुनै बेला त्यस्ता अप्रिय व्यवहार र वचन गरेको भए म एनआरएन अमेरिकाको निवर्तमान कार्य समितिको अध्यक्षको हैसियतले हार्दिक दुख प्रकट गर्दछु। एन आर एन अमेरिकाको सदस्य, शुभेच्छुक, अभियन्ता र अग्रजहरू कृपया आउनु होस्, स्वदेश र विदेशमा रहेका सम्पूर्ण नेपालीहरूको हितमा र आपतमा सहयोग र समर्पण गर्न एकजुट हौँ, हातेमालो गरौँ, त्यसका लागि यहाँहरू सबैलाई हार्दिक अनुरोध र अपील गर्दछु।

जय एनआरएन
भवदीय,
डा केशव पौडेल
निवर्तमान अध्यक्ष एनआरएनए अमेरिका र निवर्तमान कार्यसमिति
तथा नवनिर्वाचित अध्यक्ष र कार्यसमिति पदाधिकारीहरूको तर्फबाट

एनआरएनए अमेरिकाको अध्यक्षमा दोश्रो पटक पौडेल बिजयी

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

छोरेपाटनमा रु १० लाखमा सिसी क्यामरा जडान

पोखराको महत्वपूर्ण पर्यटकीयस्थल छोरेपाटन क्षेत्रको शान्ति सुरक्षालाई दृष्टिगत गरी...

तानसेनलाई पाँचौँ पर्यटकीय गन्तव्यस्थल बनाइने

तानसेनलाई पाँचौँ पर्यटकीय गन्तव्यस्थल बनाइने

आगामी चार वर्षभित्र तानसेन नगरपालिकालाई आन्तरिक पर्यटनका लागि नेपालको...

ढकनीयाको तालमा फूलेको कमल

कञ्चनपुरको शुक्लाफाँटा नगरपालिका–२ ढकनीयाको झारखण्डी(कमलफुले) तालमा फुलेको कमल ।...

माइतीघरमा डा. केसीको समर्थनमा प्रदर्शन : बाबुरामसंगै मनिषा कोइराला सडकमा(फोटो फिचर)

डा. गोविन्द केसीको समर्थनमा राजधानीमा विशाल प्रदर्शन भएको छ...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK