एनआरएनएद्वारा स्कुल बस किन्न १३ लाख रुपैयाँ सहयोग

ENGLISH

NRN GLOBAL

एनआरएनएद्वारा स्कुल बस किन्न १३ लाख रुपैयाँ सहयोग

बसन्त रानाभाट,बार्सिलोना

24 January, 2017 | Sandeep Bhattarai | 1270 Views | comments

सहयोग

बौद्धिक अपांगता तथा मानसिक पक्षघात भएका बालबालिकाहरुको सहयोगार्थ एनआरएनए अभियन्ताहरुले घोषणा गरेको प्रतिवद्धता रकम सोमबार एक कार्यक्रमकाबीच हस्तान्तरण भएको छ।

गैर आबासीय नेपाली संघ (एनआरएनए) अध्यक्ष डा. शेष घलेले १३ लाख रुपैयाँ प्रतिबद्दता रकम हस्तान्तरण गरेका हुन्।अपांगता भएका बालबालिकाहरुका लागि स्कुल बस किन्नका लागि गत जुलाईमा एनआरएनको नवौ युरोपेली क्षेत्रीय बैठकमा अभियन्ताहरुले सहयोग घोषणा गरेका थिए। संघका अध्यक्ष डा. घलेले हेटौंडाली परिबारकी संस्थापक आईना बार्कालाई रकम हस्तान्तरण गरेका हुन्।

अध्यक्ष घलेले प्रतिबद्धता गरिएको रकम हस्तान्तरण गर्दै बालबालिकाहरुको उज्ज्वल भविष्यको कामना गरेका छन्। स्पेनिस युवती बार्काले २५ बर्षको उमेरमा नै बौद्धिक अपांगता भएका बालबालिकाहरुलाई स्कुल खोलेर नेपाल र नेपालीका लागि ठूलो गुन लगाएको भन्दै अध्यक्ष घलेले प्रशंसा गरे। बालबालिकाहरुको लागि एनआरएनले यसरी एकमुष्ठ रुपमा सहयोग गर्न पाउँदा अध्यक्ष घलेले खुशी ब्यक्त गरे।

स्कुल बस किन्नको लागि अध्यक्ष घलेले ६ लाख रुपैयाँ,संघका संस्थापक अध्यक्ष डा. उपेन्द्र महतोबाट ३ लाख, उपाध्यक्ष द्वय भवन भट्ट र कुमार पन्तले एक-एक लाख रुपैयाँ सहयोग गरेका थिए। यस्तै युरोप क्षेत्रीय संयोजक कुल आचार्यले १ लाख रुपैयाँ र राष्ट्रिय समन्वय परिषद् इटालीका अध्यक्ष क्षेत्र कुमार श्रेष्ठले एक लाख रुपैयाँ सहयोग गरे।

स्पेनिस युवती बार्काले डेनमार्कको कोपेनहेगनमा सम्पन्न युरोपेली बैठकमा आँफूले संचालन गरेको परियोजनामा स्कुल बस किन्नका लागि १३ लाख रुपैयाँ अपुग रहेको भन्दै सहयोगको अपिल गरेकी थिईन्। उनको अपिलसँगै छिनमा नै सहयोगको प्रतिवद्धता जुटेको थियो। स्कुलमा बालवालिकाहरुलाई ल्याउन र लैजान कठिन देखिए पछि बस किन्नको लागि सहयोग गर्न आईनाले अनुरोध गरेकी थिइन्।

रकम प्राप्त गरे पछि गैर आबासीय नेपाली संघ प्रति आभार प्रकट गर्दै आईनाले भनिन् ,”अपांगता तथा मानसिक पक्षघात भएका बालबालिकाहरुको यो ठुलो सहयोग रकम हो, यसले झन् काम गर्ने हौसला मिलेको छ।” आईना सन् २०१२ को जुलाईमा पहिलो पटक नेपाल घुम्न निस्केकी थिईन्।

त्यो समयमा उनि बार्सिलोना युनिभर्सिटिमा सामाजिक कार्यकर्ताको रुपमा काम गर्थिन्। तर नेपाल पुगे पछि सुस्त मनस्थिति भएका बालबालिकाहरुलाई आँफैले स्कुल खोलेर पढाउने संकल्प बोकिन्।

स्पेनमा फ्यामिलिया दे हेटौडा र नेपालमा हेटौडाली परिबार नामक गैर सरकारी संस्थाको रुपमा दर्ता गर्दै उनले जनवरी २०१४ देखि आशा स्कुल संचालनमा ल्याएकी हुन्। हेटौडा नगरपालिका- ६ गौरीघाट मकवानपुरमा रहेको स्कुलमा हालमा २७ जना बौद्धिक अपांगता भएका बालबालिकाहरुले अध्ययन गरिरहेका छन्।

भूकम्प पीडितको लागि सहयोग जुटाउन एनआरएनए उपाध्यक्ष पन्त क्यानाडामा

 

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

‘सिक्रेट सुपरस्टार’: चीनमा दुई दिनमै कमायो सय करोड

शुक्रबारबाट चीनमा प्रदर्शन भएको बलिउड सुपरस्टार आमिर खानको फिल्म...

एउटै धारको चलचित्र बनिरहेका छन् :निेर्देशक खतिवडा

नव निर्देशक तथा कलाकार  सुजन खतिवडा सांगीतिक , अभिनय तथा चलचित्रका...

padam-b-k

मृगौला पिडित पदम बिश्वकर्मालाइ आर्थिक सहयोग

मृगौला पिडित पदम बिश्वकर्मालाई कोरियामा रहेका बिश्वकर्मा युबाहरुको समूह...

bishal-and-rubina-sammanit

विशाल राई र रुविना क्षेत्री ‘वर्ष उत्कृष्ट खेलाडी’ अवार्ड द्वारा सम्मानित

राष्ट्रिय फुटबल टोलीका मिड फिल्डर विशाल राई र राष्ट्रिय...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK