उधारो भन्दै मनिपालमा डाक्टरी पढाइ पुनः अवरुद्ध, विद्यार्थी चिन्तामा

ENGLISH

उधारो भन्दै मनिपालमा डाक्टरी पढाइ पुनः अवरुद्ध, विद्यार्थी चिन्तामा

29 November, 2016 | Bipin Acharya | 2275 Views | comments

मंसिर १ गतेको सम्झौतापछि पढाइ सुचारु भएको मनिपाल मेडिकल कलेजका डाक्टरले फेरि पढाउन छाडेका छन् । ३ महिना रोकिएको पढाइ सुचारु हुँदा खुसी विद्यार्थी र अभिभावक एकसाता नबित्दै निराश भएका छन् ।

doctor

सम्झौताअनुसार एकमुष्ठ कार्यान्वयन हुनुपर्ने मागमध्ये २ वटालाई उधारो पारिएको भन्दै चिकित्सक शिक्षकहरु आन्दोलित भएका हुन् । कलेज व्यवस्थापनले भने २ महिनाभित्र माग पूरा गराउने भन्दाभन्दै बीचैमा फेरि आन्दोलन हुनु आपत्तिजनक रहेको बताएको छ । ‘हामीले ४/५ प्रतिशत तलब वृद्धि गरिसकेका छौं,’ कलेजका प्राचार्य बिएम नागपालले भने ।

विद्यार्थीहरुले प्रशासन र शिक्षकहरुको लडाइँका बीचमा आफूहरु परेको दुखेसो पोखेका छन् । उनीहरुले आफ्नो एक वर्ष नै गुम्ने गरी पढाइ अवरुद्ध भएको भन्दै मानसिक पीडा बेहोरिरहेको पनि सुनाए । अभिभावक जगन गुरुङले जसको जे माग भए पनि विद्यार्थीको पढाइ रोकिन नहुने बताए ।

अर्का अभिभावक विश्वप्रकाश लामिछानेले फी तिरिरहँदा पनि पढाइ नहुनु दुखद भएको सुनाए । ‘हामीले फी तिरिराछौं र शिक्षक एवं व्यवस्थापकहरुले तलब खाइरहनुभएको छ,’ उनले भने, ‘तर पढाइ भएको छैन । हाम्रा बच्चालाई मानसिक पीडा छ ।

दसैं तिहार कसरी मनाऔं पनि भन्न नसक्ने अवस्था भयो ।’ माल्दिभ्स र श्रीलंकादेखिबाट आएका विद्यार्थीका अभिभावकले रुँदै फोन गर्ने गरेको पनि उनले सुनाए । ‘यो अवस्थाले त पोखराको मात्रै होइन देशकै बेइज्जत भएको छ,’ उनले भने ।

मनिपाल मेडिकल कलेजको सातौं र नवौं समेस्टरका गरी ३ सय विद्यार्थीको पढाइ रोकिएको हो । भदौ ७ गतेदेखि शिक्षकहरुले आन्दोलन गरेका थिए । त्यसपछि ३ महिना उनीहरुको पढाइ भएन ।

अभिभावकको पहलमा मंसिर १ गते भएको छलफलपछि कलेज खुलेको थियो । करारमा रहेका चिकित्सकलाई स्थायी बनाउनुपर्ने, समयसापेक्ष तलब वृद्धि गर्नुपर्ने र सट्टा बिदाको व्यवस्था गर्नुपर्ने उनीहरुको माग थियो ।

आइतबार पढाइका सिलसिलामा सेमिनार चल्दै गर्दा आन्दोलनरत शिक्षकहरुले अवरोध पुर्‍याएको विद्यार्थीहरुले दुखेसो पोखे । आन्दोलनरत डाक्टरहरुका तर्फबाट डा। दीपक कोइरालाले सम्झौता एकसातामै तोडिएको हुँदा आन्दोलन गर्नुपरेको बताए ।

‘एउटा माग पूरा गरेर अरु उधारोमा राखियो,’ उनले भने, ‘हामीले पढाइ रोके पनि अस्पतालको ड्युटी छाडेका छैनौं ।’

प्रशासनले भने विज्ञ टोलीमार्फत आउने सुझाव कार्यान्वयन गर्न आफूहरु तयार रहेको जनाएको छ ।

‘आयोग बनाएर त्यसले निकास निकाल्ने भन्ने सम्झौता हो,’ प्राचार्य नागपालले भने, ‘आयोगले भनेको मान्न हामी तयार छौं । तर आन्दोलन गरेर फेरि पढाइ रोक्नुचाहिँ अस्तिको सम्झौताविपरीत हो ।’

अभिभावक लामिछानेले विद्यार्थीहरुको पढाइ लम्बिने र खर्च बढ्ने चिन्ता प्रकट गरे । उनले भने, ‘अब एक वर्ष लम्बियो भने १०-१५ लाख रुपैयाँ खर्च बढ्छ ।’ उनले ५० लाख रुपैयाँ खर्च गरेर पढाउँदा पनि उल्टै बच्चाको भविष्य जोखिममा पारिनु नाजायज भएको खबर समाधानमा छ ।

‘प्रशासन र शिक्षकहरुको जुँगाको लडाइँ भएको छ र हाम्रा बच्चा मिचिएका छन्,’ उनले भने, ‘दोष वा कमजोरी जसको भए पनि यो मनिपाल प्रशासनले सल्टाउनुपर्छ ।’

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलले अमेरिकाको टेक्सस राज्यको ड्यालस वरपर रहेका घरबार...

चलचित्र ‘रुमालै छ चिनो’को ट्रेलर सार्वजनिक (ट्रेलर सहित)

चलचित्र ‘रुमालै छ चिनो’को ट्रेलर सार्वजनिक भएको छ ।...

साउदीमा विभिन्न कारणबाट ज्यान गुमाएका ३० नेपालीहरुले पाउनुपर्ने रकम नेपाल पठाइयो

साउदी अरबको रियादस्थित नेपाली दूतावासले साउदीमा विभिन्न कारणबाट ज्यान...

युएईका जेलमा ८ महिलासहित २०७ नेपाली

संयुक्त अरब इमिरेट्स (युएई)मा विभिन्न मुद्दामा जेल परेका नेपालीको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

FACEBOOK