‘आसै आसमा जङ्गलको बास’

ENGLISH

‘आसै आसमा जङ्गलको बास’

23 July, 2016 | Bhawana Pathak | 925 Views | comments

विसं २०६५ मा दोदा नदीमा आएको बाढीले घरखेत बगाएपछि २० वर्षीया सुशीला चौधरीले परिवार गाउँ नजिकैको सोभाताल बाढीपीडित बस्तीमा सरिन ।

कञ्चनपुरको दोदा नदीले शङ्करपुर गाविस–७ डुङ्गामा रहेको डेढ बिगाहा खेत नदीले बगाएपछि कष्टकर दिन सुरु भएका सुशीलाको जीवनमा कुनै परिर्वतन आएको छैन ।

“दुई वर्षअघि कक्षा १० मा आर्थिक अवस्थाले कमजोर पढाइलाई विश्राम दिए ।” सोभाताल शिविरमा रहनु भएकी सुशीलाले रासससित भनिन्– “बुबाआमा गाउँमा मजदूरी गरेर परिवारको खर्च चलाइरहनुभएको छ ।”

“पीडादायी बस्ती न कुनै सुविधा कसरी स्कुल जानु ? उनले दुखेसो पोखिन्–“सरकारले अझैसम्म हाम्रो स्थायी बासको कुनै पहल गरेको छैन ।” सुशीला त उक्त बाढीपीडित बस्तीकी एक पात्र मात्रै हुन् । त्यहाँका सयौँ बालबालिकाको अवस्था निकै नाजुक छ ।

“बस्ती खाली गराउन पटकपटक सामुदायिक वनले सूचना जारी गरिसक्यो ।” रानीवन साुमदयिक वनमा आश्रय लिइरहेका बन्धु चौधरीले भने–“आश्वासन मात्र पाइयो, बसोबासको कुनै अत्तोपत्तो भएन ।”

एक बिगाहा खेत दोदा नदीले कटान गरेपछि शिविरमा आश्रय लिइरहेका बन्धु चौधरी पनि गाउँमा साहुजनको खेत कमाएर परिवारको लालनपालनमा जुटेको सुनाउँछन् । “चुनावका बेला नेताले पुनःस्थापनाका लागि धेरै आश बाँडे ।” उनले भने– “स्थानीय प्रशासनले पनि बाढीका बेला तत्कालको राहत दिए पनि अरु केही वास्ता गरेन ।”

करिब ३० परिवार आश्रय लिइरहेको साुमदायिक वनमा रहेको अरु धेरै बाढीपीडितले अन्यत्र पलायन भइसकेका छन् । “धेरैले एक आधा कट्ठा जग्गा किनेर टहरा बनाएर बसिसके, धेरै आफन्तको शरणमा छन् ।” चौधरीले भने– “केही नभएका हामी जङ्गलमै त्रासदीपूर्ण वातावरणमा बाँचिरहेका छौँ ।” “अहिले मेरो खेतमा नदीले बगर बनाएको छ ।” चौधरीले विगत सम्झदै दःुख पोखे– “सरकारले समयमै तटबन्ध बनाइदिएको भए हाम्रो वडा नै सखाप हुने थिएन ।”

बाढीले शङ्करपुर गाविस–७ मा मात्रै ९० बिगाहाभन्दा बढी खेत बढाएको पीडितको भनाइ छ । पीडितले तत्काल पुनःस्थापना गर्न माग गरेका छन् ।

“हाम्रो धेरै ठूलो मागभन्दा पनि एकएक कट्ठा जग्गा दिएर पनि बसोबासको व्यवस्था मिलाइदिनु प¥यो ।” लक्ष्मी चौधरीले भने– “पीडित बस्तीको जनशक्तिलाई स्वदेशमै रोजगारीका लागि पनि सरकारले पहल गरिदिनु प¥यो ।”

जनताको तटबन्ध कार्यालयले दोदा नदीमा तटबन्ध निर्माणका लागि ठेक्का समेत दिइसकेको छ । अघिल्लो वर्ष ठेकेदारले तटबन्धका लागि ढुङ्गा नपाएपछि तटबन्ध निर्माणमा काम रोकिएको थियो ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

Malaysia

मलेसियामा अलपत्र तीस नेपालीको उद्धार

मलेसियाको पेकेनेनास घरफिर्ती केन्द्रमा अलपत्र परेका ३० नेपालीको उद्धार...

america

टीपीएस सुविधा लिएका नौ हजार नेपाली अमेरिकाबाट फर्किनुपर्ने

न्यूयोर्क (अमेरिका): अमेरिकामा रहेका नेपालीले पाइरहेको टिपीएस सुविधा आगामी...

quatar-nepali

कतारबाट नेपाल पत्रकार महासंघको अगुवाईमा तीन नेपालीको उद्दार

कतार: बैदेशिक रोजगारीको सिलसिलामा केही दिनअघि कतार आएका तीनजना...

आइपिएल : हैदराबादद्वारा पञ्जाब १३ रनले पराजित

इन्डियन प्रिमियर लिग (आइपिएल) प्रतियोगिता अन्तर्गत बिहिबार भएको खेलमा...

MOST POPULAR

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

FACEBOOK