आदिकविको सम्मानमा ‘आशाको दियो बालेर…’ गुञ्जँदा

ENGLISH

आदिकविको सम्मानमा ‘आशाको दियो बालेर…’ गुञ्जँदा

14 July, 2017 | Bhawana Pathak | 615 Views | comments

बयासी वर्षीय गायक जगतमर्दन थापाले युवा जोश देखाउँदै प्रेमभावको ‘आशाको दियो बालेर…’ बोलको सुमधुर गीत प्रस्तुत गरेर आदिकवि भानुभक्त आचार्यलाई सिर्जनात्मक सम्मान भाव व्यक्त गर्नुभयो । उहाँले गीत प्रस्तुत गर्दै गर्दा दर्शक भावुक बन्न पुगेका थिए ।

“भानु हामी सबैका आदर्श व्यक्तित्व हुन्”, थापाले भन्नुभयो, “उहाँको जयन्ती राष्ट्रव्यापी रुपमा मनाउनुपर्छ, यसमा कुनै कञ्जुस्याइँ गर्नुहुँदैन ।” अर्का गायक गुरुदेव कामतले ‘आँशु भयो मेरो गीत…’ गाएर दर्शकलाई मन्त्रमुग्ध बनाउनुभयो ।

नेपाल सङ्गीत तथा नाट्य प्रज्ञा–प्रतिष्ठानले आचार्यको २०४ औँ जन्मजयन्तीका अवसरमा आज आयोजना गरेको ‘सांगीतिक सद्भाव आदानप्रदान कार्यक्रम’ मा स्रष्टाले भानु दिवस घोषणा गरी हरेक असार २९ लाई सार्वजनिक बिदा दिन सरकारसँग माग गर्नुभयो । नयाँ र पुराना पुस्ताका गायकले आफ्ना प्रस्तुतिबाट भानुलाई साहित्यिक सम्मानभाव जनाउनुभएको कार्यक्रम गायक रामहरि कपालीको बगलामुखीको भजनबाट थालनी भएको थियो ।

‘अध्यात्म रामायण’ लाई नेपाली भाषामा भावानुवाद गरी भानुले नेपाली भाषा, साहित्य, धर्म, दर्शन र राष्ट्रियतामा योगदान पु¥याएको स्मरणमा उहाँलाई समर्पित गर्दै गायिका टीका प्रसाईंले ‘मलाई उजाड बनाएर…’, जुना प्रसाईंले ‘तिमीलाई माया गर्ने भुल भयो…’ र प्राश्ना शाक्यले ‘डाँडा काँडा ढकमक ढाक्यो…’ बोलमा गीत सुनाउनुभयो । गायक विश्व नेपालीले ‘यो लामो जीवन…’ गाएर कार्यक्रमको रौनकता बढाउनुभएको थियो ।

विसं १८७१ असार २९ गते तनहँुको चुँदीरम्घामा जन्मेका आचार्यले पृथ्वीनारायण शाहले नेपालको भूगोललाई एकताबद्ध गरेपछि ‘रामायण’ मार्फत धर्म तथा संस्कृतिलाई जोडेर नेपालीको सामाजिक एकता तथा भावनात्मक एकतालाई जोड्ने काम गरेकामा प्राज्ञ शकुन्तला प्रधानले खुसी व्यक्त गर्दै करिब १५ मिनेट शास्त्रीय धुन प्रस्तुत गर्नुभयो ।
प्रतिष्ठानका उपकुलपति शम्भुजित बास्कोटाले आचार्यले संस्कृतबाट नेपाली भाषामा ‘रामायण’ अनुवाद गरी नेपाली भाषा तथा साहित्यको विकासमा ठूलो योगदान पु¥याएकाले उहाँको स्मरणमा मौलिक कार्यक्रम गरिएको बताउनुभयो ।

प्रतिष्ठानका सङ्गीत विभाग प्रमुख उन्नति बोहरा शिलाले आचार्यको जन्मजयन्तीलाई राष्ट्रले विशेष कार्यक्रम गरी मनाउनुपर्ने बताउनुभयो । हिन्दू धर्मशास्त्रमा ‘रामायण’ र ‘महाभारत’लाई ठूला ग्रन्थका रुपमा लिने गरिन्छ । पिता धनञ्जय र माता धर्मावतीदेवीबाट जन्मेका आचार्यलाई स्थानीय घाँसीले कुवा खनेर समाजसेवा गर्न लागेको घटनाक्रमले ठूलो पाठ सिकाएको थियो । आदिकविका ‘प्रश्नोत्तर’, ‘भक्तमाला’, ‘वधूशिक्षा’ र ‘रामगीता’ तथा दर्जनौँ फुटकरलगायत साहित्यिक कृति प्रकाशित छन् । भानुजयन्तीकै अवसरमा बुधबार साहित्यिक दौडसमेत गरिएको थियो ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

साफ

साफ च्याम्पियनसिप फुटबलको १३ औं संस्करण ढाकामा

दक्षिण एसियाली फुटबल महासंघले साफ च्याम्पियनसिप फुटबलको मिति टुंगो...

पोखरा रंगशाला

६ कम्पनीद्वारा पोखरा रंगशाला निर्माणका लागि आवेदन

राष्ट्रिय खेलकुद परिषद्ले पोखरा रंगशाला निर्माणका लागि गरेको ‘ग्लोबल...

एनआरएनए

एनआरएनएको महत्वपूर्ण पदहरुमा नेतृत्व चयन

गैरआवासीय नेपाली संघ अन्तराष्ट्रिय समन्वय परिषद्को नवनिर्वाचित नेतृत्वले संघका...

विजय कुमार गच्छदार

एमालेकी चौधरीलाई पछि पार्दै उप्रम विजयकुमार गच्छदार विजयी

सुनसरी क्षेत्र नम्बर ३ बाट उपप्रधानमन्त्री एवं नेपाली कांग्रेसका...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK