अमेरिकामा ८०औं वासु शशी जयन्ति सम्पन्न

ENGLISH

NRN GLOBAL

अमेरिकामा ८०औं वासु शशी जयन्ति सम्पन्न

28 March, 2016 | Bipin Acharya | 615 Views | comments

वाशिंटनडिसी,नेपाली साहित्यका मूर्धन्य साहित्यकार वासु शशीको ८०औं जन्म जयन्ती अमेरिका नेपाल साहित्य प्रतिष्ठानको आयोजनामा मनाइएको छ ।

sasi

सो अवसरमा नेपाली दूतावासका इकोनामिक काउन्सिलर कैलाश राज पोखरेलले प्रमुख अतिथिको आसनवाट वोल्दै साहित्यकार वासु शशीको जन्म जयन्तीका अवसरमा आफू सँलग्न हुन पाएकोमा प्रतिष्ठानलाई धन्यवाद ज्ञापन गर्दै वासु शशीको चिनारी नयाँ पुस्तालाई दिन तथा उहाँको योगदान प्रकाश पार्न कार्यक्रम सफल भएको बताउनुभयो ।

वासु शशीको तस्वीरमा फूलमाला अर्पण गरी शुरु गरिएको सो समारोहमा वासु शशीको जीवनको अन्तिम २ वर्ष उहाँको लेखन कर्ममा सहयोग पु¥याउने साहित्यकार शिव लामिछानेले अन्तरँग संस्मरण तथा वासु शशीमाथि रचना गर्नु भएको कविता वाचन समेत गर्नु भएको थियो ।
समारोहमा साहित्यकार कृष्ण धरावासीले वासु शशीको रचनाकर्म र रचनाहरुको वारेमा प्रकाश पार्नु भएको थियो भने साहित्यकार सीता पाण्डे, डि वी तामाँग, वसुधा नेपालले मन्तव्यसहित वासु शशीको कविता वाचन गर्नु भएको थियो ।सो अवसरमा साहित्यकार कविताराम श्रेष्ठ तथा कवि गीतकार ज्ञानेन्द्र गदाललाई वासु शशी स्मृति सम्मान प्रदान गरिएको थियो ।

सम्मान ग्रहण पश्चात् साहित्यकार तथा अस्वीकृत साहित्य आन्दोलनका अगुवा तथा अस्वीकृत साहित्य पुरस्कारका संस्थापक कविताराम श्रेष्ठले सम्मान प्राप्त भएकोमा प्रशन्नता व्यक्त गर्दै वासु शशीसँगका साहित्यिक सँगत र सहकर्मका रोचक प्रसँगहरु प्रस्तुत गर्नु भएको थियो । कवि गीतकार तथा अनेसासका पूर्व केन्द्रिय अध्यक्ष ज्ञानेन्द्र गदालले साहित्यकार वासु शशीको योगदानको चर्चा गर्दै आधुनिक साहित्यकारको जन्म जयन्ती मनाउने परम्पराको शुरुवात गरेकोमा प्रतिष्ठानलाई धन्यवाद ज्ञापन गर्नुभयो ।

सो अवसरमा खसखस डटकमका सञ्चालक वासु श्रेष्ठले अमेरिका नेपाल साहित्य प्रतिष्ठानको उद्घाटनका अवसरमा आफूले यो प्रतिष्ठानले नयाँ खालको कार्यक्रम गरोस् भनेर शुभकामना दिएको र आजको यो कार्यक्रम यस्तै फरक खालको भएको आफूले पाएको भन्दै प्रतिष्ठानलाई धन्यवाद दिनुभयो ।

कार्यक्रमको शुरुमा स्वागत मन्तव्य प्रस्तुत गर्दै साहित्यकार तथा अमेरिका नेपाल साहित्य प्रतिष्ठानका अध्यक्ष गोविन्द गिरी प्रेरणाले साहित्यकार वासु शशीसँगका अन्तरँग सँगतको चर्चा गर्दै प्रतिष्ठानले फरक खालका साहित्यिक गतिविधि गर्दै जाने वताउनु भयो । उहाँले वासु शशी स्मृति परिषदका संरक्षिका तथा वासु शशीकी धर्मपत्नी जुलुम वैद्य तथा परिषदका सदस्य सचिव प्रद्युम्न जोशीले पठाउनु भएको शुभकामना सन्देश सुनाउनु भएको थियो ।

वासु शशीकै निवास क्षेत्रमा आफ्नो निवास भएका दोवा ढकालले वासु शशीको जीवनीको शव्द चित्र तथा कविता प्रस्तुत गर्दै अत्यन्त रोचक ढँगले कार्यक्रम सञ्चालन गर्नु भएको थियो ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलद्वारा टेक्ससका गरिव समुदायलाई कम्बल वितरण

एचडीएनपी इन्टरनेसनलले अमेरिकाको टेक्सस राज्यको ड्यालस वरपर रहेका घरबार...

चलचित्र ‘रुमालै छ चिनो’को ट्रेलर सार्वजनिक (ट्रेलर सहित)

चलचित्र ‘रुमालै छ चिनो’को ट्रेलर सार्वजनिक भएको छ ।...

साउदीमा विभिन्न कारणबाट ज्यान गुमाएका ३० नेपालीहरुले पाउनुपर्ने रकम नेपाल पठाइयो

साउदी अरबको रियादस्थित नेपाली दूतावासले साउदीमा विभिन्न कारणबाट ज्यान...

युएईका जेलमा ८ महिलासहित २०७ नेपाली

संयुक्त अरब इमिरेट्स (युएई)मा विभिन्न मुद्दामा जेल परेका नेपालीको...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

 अस्ट्रेलियन  एक वृद्धलाई निर्ममतापूर्वक कुटपिट गरेको आरोपमा एक नेपाली पक्राउ 

अस्ट्रेलियामा एक नेपाली निकै लाजमर्दो काम गरेको आरोपमा पक्राउ...

प्रसिद्ध पर्यटकीयस्थल पञ्चासे–पोखरा केबलकार बन्दै

पर्वत, कास्की र स्याङ्जाको सङ्गमस्थलमा अवस्थित प्रसिद्ध पर्यटकीय एवं...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

FACEBOOK