अमेरिकामा सम्पन्न ‘ग्लोबल नेपाली फिल्म अवार्ड’को हाइलाईट स्क्रिनिंग नेपालमा देखाईयो

ENGLISH

ENTERTAINMENT

अमेरिकामा सम्पन्न ‘ग्लोबल नेपाली फिल्म अवार्ड’को हाइलाईट स्क्रिनिंग नेपालमा देखाईयो

30 January, 2017 | Sandeep Bhattarai | 1200 Views | comments
ग्लोबल नेपाली फिल्म अवार्ड
अमेरिकाको कोलोराडो स्थीत डेनभर सहरमा गत नोभेम्बर १२ तारिखका दिन आयोजित खुम्बु कोल्च ग्लोबल नेपाली फिल्म अवार्डको नेपालमा पनि हाइलाईट स्क्रिनिंग देखाईएको छ ।
शनिवार राजधानीको पर्यटन बोर्डमा विशेष कार्यक्रमको आयोजना गरि अमेरिकामा पहिलो पटक सम्पन्न खुम्बु कोल्च ग्लोबल नेपाली फिल्म अवार्डमा खिचिएको सम्पुर्ण कार्यक्रम भिडियो मार्फत देखाईएको हो ।परराष्ट्र मन्त्री डा. प्रकाशशरण महतको प्रमुख आतिथ्यमा आयोजित कार्यक्रममा नेपाली सिने क्षेत्रका नयाँ तथा पुराना कलाकार, संगीतकर्मी र पत्रकारहरुको बाक्लो उपस्थिती देखिन्थ्यो ।
बरिष्ठ कलाकार सुनिल थापा, सदावहार नायक भुवन केसी, निर्देशक ऋषि लामिछाने, नायिका सरिता लामिछाने, कलाकार उत्तम केसी, संगीतकार शम्भुजित बास्कोटा, लेखक तथा निर्देशक राजेन्द्र सलव, गीतकार डा.भोला रिजाल, रमेश बुढाथोकी, नायिका सिर्जना बस्नेत लगायतका कलाकार तथा संगीतकर्मीको उपस्थिती रहेको कार्यक्रममा खुम्बु कोल्च ग्लोबल फिल्म अवार्डका आयोजक बिआरटी नेपाल डटकम, अमेरिका नेपाल टेलिभिजन र नेपाल फिल्म सोसाईटीका सदस्यहरुको पनि उपस्थिती रहेको थियो ।
पहिलो पटक अमेरिकामा आयोजना भएको अवार्ड भएकाले पनि यस अवार्डलाई महत्वका साथ हेरेका पत्रकार र कलाकारहरुले भिडियो प्रदर्शनी पछि अवार्ड सम्पुर्ण रुपमा आकर्षक र भब्य भएको टिप्पणी गरेका थिए ।
यसै कार्यक्रमका लागि अमेरिकाबाट नेपाल आएका ग्लोबल फिल्म अवार्डका अमेरिका संयोजक नवराज श्रेष्ठले सम्पन्न अवार्डको पृष्ठभुमी देखी, उद्देश्य र अवार्ड सम्पन्न गर्दा सम्मका अनुभवहरु कार्यक्रममा सुनाएका थिए । साथै उहाँले नेपाल सरकार समक्ष अवार्ड पाउने कलाकारहरुको लागि भिजा सहजीकरण गरिदिन आग्रह समेत गरेका थिए l
त्यस्तै केहि दिन अघिमात्र एनआरएनए अमेरिकाको ५ औं साधारण सभामा सहभागी भएर फर्केका परराष्टमन्त्री डा.प्रकाशशरण महतले अमेरिकामा रहेका नेपालीहरुको आपसी भाईचारा र बिभिन्न क्षेत्रमा सक्रिय रहेर नेपालको बिकाशमा पुर्याएको योगदानबाट आफु अत्यन्त प्रभावित भएको बताउँदै ग्लोवल नेपाली फिल्म अवार्डले अन्तराष्ट्रिय क्षेत्रमा पनि नेपाली चलचित्रको महत्व र नेपाली कलाकारको खुवि तथा पहिचानलाई परिचित गराउने काम गरेको भन्दै आयोजक टिम र कलाकारहरुको प्रशंसा गरेका थिए ।
कार्यक्रममा ग्लोबल नेपाली फिल्म अवार्ड सम्पन्न गर्नका निम्ती महत्वपूर्ण भुमिका निभाएका कलाकार साथै पत्रकारहरुलाई मायाको चिनो प्रदान गरिएको थियो । मन्त्री डा. प्रकाशशरण महत र ग्लोबल फिल्म अवार्ड ब्यवस्थापकको जिम्मेवारी सम्हालेका निर्माता तथा कलाकार मधु कुमार श्रेष्ठको हातवाट प्रदान गरिएको मायाको चिनो, नेपाल अमेरिका टेलीभिजनका नवराज श्रेष्ठ जो यस अवार्डका अमेरिका संयोजक हुन, बिआरटी नेपाल डटकमका कार्यकारी सम्पादक साथै अवार्डका अमेरिका सह-संयोजन शैलेश पोखरेल, कलाकार रमेश बुढाथोकी, उत्तम केसी, पत्रकार तथा निर्देशक सुव्रत आचार्य, अवार्डको प्रायोजन गरेको शेर्पा ब्रुवरीका  सि-इ-ओ फुर्बा शेर्पा लगायतले सम्मान स्वरुप पाएका थिए ।
गत नोभेम्बर १२ गते डेनभर सहरमा आयोजित ग्लोबल नेपाली फिल्म अवार्ड अमेरिकामा पहिलो पटक आयोजना गरिएको अवार्ड हो । जसमा बरिष्ठ कलाकार बसुन्धरा भुषाल, निर्माता तथा डिजाईनर गेहेन्द्र धिमाल, नायक शिव श्रेष्ठ, भुवन केसी, कृष्ण मल्ल, शर्मिला मल्ल,  राज बल्लव कोईराला, कलाकार, शिवहरी पौडेल, निर्देशक नारायण पुरी, एभरेस्ट सुर्य बोहरा, श्याम भट्टराई, नायीका नन्दीता केसी, युना उप्रेती महादेव त्रिपाठी लगायतको सहभागीता थियो भने परोणोपरान्त कलाकारको योगदानको कदर स्वरुप प्रदान गरिने बिषेश सम्मान दिवंगत नायक श्रीकृष्ण श्रेष्ठलाई प्रदान गरिएको थियो जसमा नायक श्रेष्ठकी धर्मपत्नी तथा नायीका श्वेता खड्काको उपस्थिती रहेको थियो ।

ग्लोबल नेपाली फिल्म अवार्ड कोलोराडोमा सम्पन्न

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

रेडियो सुन्दै वृद्धा

रेडियो सुन्दै वृद्धा

नुवाकोट दुईपिपलकी वृद्धा घाँसपातमा गएको बेला रेडियो सुन्दै ।...

अमेरिका

नेपालीले देउसी भैलो खेल्दै अमेरिकामा भाइटीका मनाए

अमेरिकाका विभिन्न राज्यमा बसोबास गर्ने नेपाली समुदायले २०७४ सालको...

जापानका नेपालीले तिहार मनाए

जापानका नेपालीले तिहार मनाए

तिहारको पाँचौँ दिनको भाइटीका पर्वमा कला संस्कृतिको जगेर्ना र...

एनआरएनए रसिया

एनआरएनए रसियाद्धारा मानवसेवा आश्रमलाई ६ लाख सहयोग

चितवनको भरतपुरस्थित मानवसेवा आश्रममा आश्रित मनोरोगी तथा असहायहरुका लागि...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK