अमेरिकामा शरणार्थी बन्न खोज्ने नेपालीलाई अदालतको फैसलाले दियो धक्का

ENGLISH

NRN GLOBAL

अमेरिकामा शरणार्थी बन्न खोज्ने नेपालीलाई अदालतको फैसलाले दियो धक्का

1 July, 2017 | Bipin Acharya | 630 Views | comments

अमेरिकामा राजनीतिक शरण (एसाइलम) माग गरिरहेका तीन हजारभन्दा बढि नेपालीहरुलाई त्यहाँको एक पुनरावेदन अदालतले हालै गरेको एउटा फैसलाले धक्का दिएको छ । नेपालको राजनीतिक अवस्थामा सुधार आएको भन्दै सो अदालतले त्यहाँ एसाइलम खोज्ने एक नेपालीलाई ग्रीन कार्ड दिनु नपर्ने फैसला सुनाएको हो ।

न्यूयोर्कस्थित पुनरावेदन अदालत युनाइटेड स्टेट्स् कोर्ट अफ अपिल्स फर द सेकेन्ड सर्किट’ ले भनेको छ, ‘पछिल्लो समय नेपालको राजनीतिक एवं सामाजिक स्थितिमा सुधार आएको छ । परिवर्तित अवस्थामा नेपाली नागरिकलाई त्यहाँ कुनै खतरा छैन ।’

नेपालका रुद्रनरसिंह थापा क्षेत्रीले आफू कांग्रेसको कार्यकर्ता भएको र माओवादीले मार्ने धम्की दिएकाले नेपाल फर्किन सक्ने अवस्था नरहेको भन्दै एसाइलमका लागि निवेदन दिएका थिए । तर, सन् २०१४ को जूनमा इमिग्रेसन सम्वन्धी न्यायाधीशले उनको निवेदन अस्वीकार गरिदिए । त्यसपछि थापा २०१६ मा पुनरावेदन अदालत गएका थिए । पुनरावेदनले गत मे १६ मा फैसला सुनाउँदै उनको दाबी अस्वीकृत गरिदिएको हो ।

नेपालको अवस्था आवेदकले दावी गरेजस्तो त्रासदीपूर्ण नरहेको पुनरावेदनको फैसलामा उल्लेख छ ।

पुनरावेदनको यो फैसलाले अमेरिकामा एसाइलम खोजिरहेका ३ हजार ६ सय १ नेपालीहरुलाई चिन्तामा पारिदिएको छ । यी नेपालीहरुले पनि आफूलाई माओवादीबाट खतरा रहेको भन्दै एसाइलमको लागि आवेदन दिएका थिए, जुन अहिले विचाराधिन अवस्थामा छ । पुनरावेदनको फैसलालाई नजिर मानेर यी नेपालीहरुका आवेदन पनि स्वीकृत हुन सक्ने सम्भावना रहेको विश्लेषण गर्न थालिएको छ ।

नेपालीहरुका एसाइलमसम्वन्धि विचाराधिन मुद्दाहरुमध्ये न्यूयोर्कको अदालतमा मात्र २ हजार १० वटा छन् । त्यसैगरी क्यालिफोर्नियामा ७ सय ५६ र टेक्सासमा २ सय ६६ वटा मुद्दा विचाराधिन छन् ।

न्यूयोर्कको पुनरावेदन अदालतले गरेको फैसलामा अमेरिकी विदेश मन्त्रालयको प्रतिवेदनलाई उद्वृत गर्दै नेपालमा दोस्रो संविधानसभा चुनावमार्फत वैधानिक सरकारको निर्माण भएको र संविधान सभामा कांग्रेस नै ठूलो पार्टी भएको उल्लेख छ ।

नेपालमा माओवादी द्वन्द्व चर्किएका बेलामा हजारौं नेपालीहरुले असाइलम मुद्दामार्फत अमेरिकाको ग्रिनकार्ड प्राप्त गर्न सफल भएका थिए । पछिल्लो दिनमा नक्कली कागजात र फर्जी राजनीतिक कारण देखाउँदै राजनीतिक शरण लिने नेपालीहरुको संख्या ह्वात्तै बढेको थियो ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

तानसेनलाई पाँचौँ पर्यटकीय गन्तव्यस्थल बनाइने

तानसेनलाई पाँचौँ पर्यटकीय गन्तव्यस्थल बनाइने

आगामी चार वर्षभित्र तानसेन नगरपालिकालाई आन्तरिक पर्यटनका लागि नेपालको...

ढकनीयाको तालमा फूलेको कमल

कञ्चनपुरको शुक्लाफाँटा नगरपालिका–२ ढकनीयाको झारखण्डी(कमलफुले) तालमा फुलेको कमल ।...

माइतीघरमा डा. केसीको समर्थनमा प्रदर्शन : बाबुरामसंगै मनिषा कोइराला सडकमा(फोटो फिचर)

डा. गोविन्द केसीको समर्थनमा राजधानीमा विशाल प्रदर्शन भएको छ...

सरकारले जुम्लामा गोली चलाएको छैन् : उपप्रधानमन्त्री पोखरेल

सरकारले जुम्लामा गोली चलाएको छैन् : उपप्रधानमन्त्री पोखरेल

उपप्रधान एवं रक्षामन्त्री ईश्वर पोखरेलले जुम्लामा डा गोविन्द केसीलाई...

MOST POPULAR

सन्दीप लामिछाने

दिल्लीले सन्दीपलाई खेलाउन हैन सोसल साइटबाट व्यापार गर्न खोज्दैछ (भिडियो सहित)

विश्वभरका क्रिकेटप्रेमीहरुका लागि आकर्षक प्रतियोगिताका रुपमा रहेको इण्डियन प्रिमियर...

सन्दीप

दोस्रो खेलमा पनि सन्दीपले लिए विकेट : खेलको स्टाइलिस खेलाडी चुनिए(भिडियो सहित)

नेपाली क्रिकेटका लेग स्पिनर सन्दीप लामिछानेले दोस्रो खेलमा पनि...

सोनिका रोकायाको ‘आगो आगो ‘ बजारमा

सोनिका रोकायाको अभिनयमा पछिल्लो समय एक पछि अर्को सुपर...

bus-from-kathmandu-to-dhaka

ढाकाबाट काठमाडौंका लागि छुटे दुई बस

ढाका: बंगलादेशको राजधानी ढाकाबाट काठमाडौंका लागि दुई यात्रु बस...

पर्यटनमन्त्री अधिकारीको पहिलो निर्णय : निजगढ अन्तर्राष्ट्रिय विमानस्थललाई तीव्रता दिइने

राष्ट्रिय गौरवको आयोजना बहुप्रतिक्षित निजगढ दोस्रो अन्तराष्ट्रिय विमानस्थल निर्माणले...

फिल्म ‘यात्रा : अ म्युजिकल भ्लग’ को छायांकन सुरु

फिल्म ‘यात्रा : अ म्युजिकल भ्लग’ को छायाँकन सुरु...

FACEBOOK