अमेरिकाको कोलोराडोमा नेपालीहरुको समर पिकनिक सम्पन्न

ENGLISH

NRN GLOBAL

अमेरिकाको कोलोराडोमा नेपालीहरुको समर पिकनिक सम्पन्न

नातिबाबु भट्ट

19 July, 2017 | Bipin Acharya | 625 Views | comments

अमेरिकाको कोलोराडोमा रहेका नेपालीहरुवीच भेटघाट र एक आपसमा समन्वय तथा सद्भाव बढाउने उद्देश्यले समर पिकनिकसंगै विभिन्न कार्यक्रम सम्पन्न गरिएको छ ।

रकी माउन्टेन फ्रेन्डस् अफ नेपालको आयोजनामा तथा अमेरिकाका लागि नेपालका राजदुत डा.अर्जुन कार्कीको प्रमुख आतिथ्यता र स्थानीय नर्थग्लेन सिटीका मेयर ज्वाईसी डाउन्निङ, एनआरएन अमेरिकाका अध्यक्ष केशव पौडेल, उपाध्यक्ष रामसी पोख्रेल लगायतका ब्यक्तिहरुको आतिथ्यता रहेको थियो ।

कार्यक्रममा झण्डै ८ सय भन्दा बढी नेपालीहरुको उपस्थिति रहेको थियो । पिकनिक कार्यक्रमलाई थप मनोरञ्जनका साथै सबैलाई सकृय सहभागिता गराउन आयोजक संस्थाको संयोजनमा तथा कवि ज्ञानेन्द्र गदालको सहयोगमा निवन्ध लेखन प्रतियोगिता गरिएको थियो ।

प्रतियोगितामा विजयी प्रतियोगीहरुलाई नगदसहित प्रशंसापत्र वितरण गरिएको थियो ।

माध्यामिक स्कूलमा अध्ययनरत छात्रछात्रावीच गरिएको निबन्ध प्रतियोगिताका विजयीलाई क्रमश १५०, १०० र ५० डलर नगद प्रदान गरिएको थियो ।

त्यस्तै आयोजक संस्थाको समन्वयमा बिभिन्न ७ किसिमका खेलकुद प्रतियोगिता समेत सम्पन्न भएको थियो ।

यसरी सञ्चालन भएका खेलकुद प्रतियोगिताहरुमा सकर, गल्फ, टेनिस, टेबुल टेनीस, भलीबल बाईसाईकल, रेस बास्केट बल लगायतका रहेका थिए ।

कार्यक्रममा खेलकुदका बिजयी भएकाहरुलाई प्रमुख अतिथि राजदुत डा. कार्की, बिशेष अतिथि मेयर ज्वाईसी डाउन्निङ, आयोजक संस्थाका अध्यक्ष बिनोद त्रिपाठीले संयुक्तरुपमा ट्रफी तथा प्रशंसा पत्र प्रदान गरेका थिए ।

वालवालिका, बृद्धबृद्धा, युवकयुवती सबै उमेरका व्यक्तिको उल्लेख्य उपस्थिति रहेको उक्त कार्यक्रममा आई लभ नेपालको टिसर्ट लगाएर आउने मानिसहरुको उपस्थिति उलेख्य रहेको थियो ।

ठूलो तालको नजिक रमणीय स्थानमा आयोजित कार्यक्रमामा सहभागी वालवालिका र महिलाहरुलाई म्यूजिकल चियर खेल खेलाइएको थियो ।

सहभागीहरु एक आपसमा भलाकुसारी गर्दै रमाई रहेको देख्दा आफूलाई नेपालमै भए जस्तो भान हुन्थ्यो । कार्यक्रमको अन्त्यमा पिकनिक सहभागीहरु नेपाली गीत र नाचका साथ मनोरञ्जन गरेका थिए ।

अध्यक्ष बिनोद त्रिपाठीले कार्यक्रममा उपस्थित प्रमुख अतिथि, अतिथि लगायत सफल बनाउन सहयोग गर्ने सबैलाई धन्यवाद दिएका थिए ।

तपाईले न्युज एनआरएन डट कमको ' एन्ड्रोईड एप्स ' डाउनलोड गर्नसक्नु हुनेछ | हामी सामाजिक संजाल फेसबुक ट्वीटरमा पनि छौं |

प्रतिकृया

LATEST NEWS

साफ

साफ च्याम्पियनसिप फुटबलको १३ औं संस्करण ढाकामा

दक्षिण एसियाली फुटबल महासंघले साफ च्याम्पियनसिप फुटबलको मिति टुंगो...

पोखरा रंगशाला

६ कम्पनीद्वारा पोखरा रंगशाला निर्माणका लागि आवेदन

राष्ट्रिय खेलकुद परिषद्ले पोखरा रंगशाला निर्माणका लागि गरेको ‘ग्लोबल...

एनआरएनए

एनआरएनएको महत्वपूर्ण पदहरुमा नेतृत्व चयन

गैरआवासीय नेपाली संघ अन्तराष्ट्रिय समन्वय परिषद्को नवनिर्वाचित नेतृत्वले संघका...

विजय कुमार गच्छदार

एमालेकी चौधरीलाई पछि पार्दै उप्रम विजयकुमार गच्छदार विजयी

सुनसरी क्षेत्र नम्बर ३ बाट उपप्रधानमन्त्री एवं नेपाली कांग्रेसका...

MOST POPULAR

प्रधानमन्त्रीले तत्काल राजीनामा नदिने

नेकपा (माओवादी केन्द्र) बाहेकका सत्तारुढ दलको बैठकले प्रधानमन्त्री केपी...

एनआरएनए सचिव अर्जुन कुमार श्रेष्ठ

पानी अभियानलाई एनआरएनए सचिव अर्जुन कुमार श्रेष्ठको सहयोग

हरेक घरमा धारो होस् , हरेक गाउँमा सिचाइ होस्...

युएईमा मृत्युदण्ड पाएका बमको उद्धार सम्भव छैन्:- दूतावास

विगत १३ बर्ष देखि युएईको जेलमा रहेका दार्चुला धारी...

नेपालकी सीताले जितिन् पारा तेक्वान्दोमा काश्यपदक

पोल्यान्डको वारसवामा पारा तेक्वान्दो खेलमा नेपालकी सीता भन्डारीले काश्य...

पुस्कल शर्मा

सामाजिक संजालले जिउदै मार्यो पुस्कल शर्मालाई…!

नेपाली सांगीतिक आकासमा एउटा चम्किलो ताराको रुपमा चम्किरहेका गायक...

Relief materials should not be misused: PM Koirala

Prime Minister Sushil Koirala has said that relief amount...

FACEBOOK